ആ​രോ​ഗ്യ, സു​ര​ക്ഷ പ​രി​ശോ​ധ​ന ശ​ക്ത​മാ​ക്കി ആ​രോ​ഗ്യ മ​ന്ത്രാ​ല​യം

മ​നാ​മ: തൊ​ഴി​ലാ​ളി താ​മ​സ​സ്ഥ​ല​ങ്ങ​ളി​ൽ ആ​രോ​ഗ്യ, സു​ര​ക്ഷ പ​രി​ശോ​ധ​ന ശ​ക്ത​മാ​ക്കി ആ​രോ​ഗ്യ മ​ന്ത്രാ​ല​യം. നി​ർ​ദി​ഷ്ട മാ​ന​ദ​ണ്ഡ​ങ്ങ​ൾ പാ​ലി​ക്കു​ന്നു​ണ്ടെ​ന്ന് ഉ​റ​പ്പാ​ക്കു​ക​യെ​ന്ന ല‍ക്ഷ്യ​ത്തോ​ടെ​യാ​ണ് പ​രി​ശോ​ധ​ന. പ​രി​ശോ​ധ​ന​യു​ടെ ഭാ​ഗ​മാ​യി തൊ​ഴി​ലാ​ളി​ക​ളി​ലും തൊ​ഴി​ലു​ട​മ​ക​ളി​ലും അ​വ​ബോ​ധം വ​ള​ർ​ത്തു​ക എ​ന്ന ല​ക്ഷ്യ​ത്തോ​ടെ ല​ഘു പു​സ്ത​ക​ങ്ങ​ളും വി​ത​ര​ണം ചെ​യ്തു.

തൊ​ഴി​ലാ​ളി​ക​ളു​ടെ മു​റി​ക​ളി​ൽ എ​ട്ടി​ൽ കൂ​ടു​ത​ൽ ആ​ളു​ക​ൾ പാ​ടി​ല്ലെ​ന്നും ആ​വ​ശ്യ​ത്തി​നു​ള്ള സ്ഥ​ല സൗ​ക​ര്യം വേ​ണ​മെ​ന്നു​മു​ള്ള മാ​ന​ദ​ണ്ഡ​ങ്ങ​ൾ രേ​ഖ​യി​ൽ വ്യ​ക്ത​മാ​ക്കി​യി​ട്ടു​ണ്ട്. എ​ളു​പ്പ​ത്തി​ൽ എ​ത്തി​പ്പെ​ടാ​നു​ള്ള സ്ഥ​ല​ങ്ങ​ളി​ൽ പ്ര​ഥ​മ​ശു​ശ്രൂ​ഷാ സാ​മ​ഗ്രി​ക​ളും അ​ഗ്നി​ശ​മ​ന ഉ​പ​ക​ര​ണ​ങ്ങ​ൾ പോ​ലു​ള്ള സു​ര​ക്ഷാ ഉ​പ​ക​ര​ണ​ങ്ങ​ളും ല​ഭ്യ​മാ​ണെ​ന്ന് ഇ​ൻ​സ്പെ​ക്ട​ർ​മാ​ർ ഉ​റ​പ്പാ​ക്കി. താ​മ​സ​സ്ഥ​ല​ങ്ങ​ളി​ൽ തൊ​ഴി​ലു​ട​മ​ക​ൾ ആ​വ​ശ്യ​മു​ള്ള അ​റ്റ​കു​റ്റ​പ്പ​ണി​ക​ൾ ന​ട​ത്തേ​ണ്ട​തി​ന്‍റെ​യും വൈ​ദ്യു​തി വ​യ​റി​ങ്, ഇ​ല​ക്ട്രി​ക്ക​ൽ പാ​ന​ലു​ക​ൾ തു​ട​ങ്ങി​യ​വ​യി​ലെ സു​ര​ക്ഷാ മാ​ന​ദ​ണ്ഡ​ങ്ങ​ൾ പാ​ലി​ക്കേ​ണ്ട​തി​ന്‍റെ ആ​വ​ശ്യ​ക​ത​യും മ​ന്ത്രാ​ല​യം ചൂ​ണ്ടി​ക്കാ​ട്ടി.

താ​മ​സ​ക്കാ​രു​ടെ എ​ണ്ണ​ത്തി​ന​നു​സ​രി​ച്ചു​ള്ള അ​ഗ്നി​ശ​മ​ന ഉ​പ​ക​ര​ണ​ങ്ങ​ളും പ്ര​ഥ​മ ശു​ശ്രൂ​ഷാ കി​റ്റും താ​മ​സ​സ്ഥ​ല​ത്ത് നി​ർ​ബ​ന്ധ​മാ​യും ഉ​റ​പ്പാ​ക്കേ​ണ്ട​തും സി​വി​ൽ ഡി​ഫ​ൻ​സ് ജ​ന​റ​ൽ ഡ​യ​റ​ക്ട​റേ​റ്റി​ന്‍റെ അ​ഗ്നി​സു​ര​ക്ഷാ സ​ർ​ട്ടി​ഫി​ക്ക​റ്റ് നേ​ടേ​ണ്ട​തും തൊ​ഴി​ലു​ട​മ​യു​ടെ ബാ​ധ്യ​ത​യാ​ണ്. സു​ര​ക്ഷ ഉ​റ​പ്പാ​ക്കാ​ൻ നി​ർ​ദേ​ശി​ച്ചി​ട്ടു​ള്ള മാ​ന​ദ​ണ്ഡ​ങ്ങ​ളും വ്യ​വ​സ്ഥ​ക​ളും പൗ​ര​ന്മാ​രും താ​മ​സ​ക്കാ​രും നി​ർ​ബ​ന്ധ​മാ​യും പാ​ലി​ക്ക​ണ​മെ​ന്നും മ​ന്ത്രാ​ല​യം അ​റി​യി​ച്ചു. ക​ഴി​ഞ്ഞ ചൊ​വ്വാ​ഴ്ച ഹ​ജി​യാ​ത്തി​ലെ താ​മ​സ​കെ​ട്ടി​ട​ത്തി​ലു​ണ്ടാ​യ തീ​പി​ടി​ത്ത​ത്തെ തു​ട​ർ​ന്നാ​ണ് മ​ന്ത്രാ​ല​യം പ​രി​ശോ​ധ​ന ശ​ക്ത​മാ​ക്കി​യ​ത്. അ​പ​ക​ട​ത്തി​ൽ മാ​താ​വും ഭി​ന്ന​ശേ​ഷി​ക്കാ​ര​നാ​യ മ​ക​നും മ​ര​ണ​പ്പെ​ട്ടി​രു​ന്നു. കേ​ടാ​യ വ​യ​റി​ങ്ങാ​ണ് ഹ​ജി​യാ​ത്തി​ലെ അ​പ​ക​ട​ത്തി​ന് കാ​ര​ണ​മെ​ന്നാ​ണ് പ്രാ​ഥ​മി​ക ക​ണ്ടെ​ത്ത​ൽ.