പ്രധാനമന്ത്രിയും കിരീടാവകാശിയും കൂടിക്കാഴ്​ച നടത്തി 

മനാമ: പ്രധാനമന്ത്രി പ്രിൻസ്​ ഖലീഫ ബിൻ സൽമാൻ ആൽ ഖലീഫയും കിരീടാവകാശിയും ഒന്നാം ഉപപ്രധാനമന്ത്രിയുമായ പ്രിൻസ്​ സൽമാൻ ബിൻ ഹമദ്​ ആൽ ഖലീഫയും ഗുദൈബിയ പാലസിൽ കൂടിക്കാഴ്​ച നടത്തി. ഹമദ്​ രാജാവി​​െൻറ ഭരണകാലത്ത്​ രാജ്യം വിവിധ മേഖലകളിൽ പുരോഗതി നേടിയതായി ഇരുവരും പറഞ്ഞു. രാജ്യത്തി​​െൻറ വികസന പ്രക്രിയ സജീവമാക്കാൻ സത്വര നടപടി സ്വീകരിക്കും. കൂടുതൽ ജനോപകാര പ്രദമായ പദ്ധതികൾ നടപ്പാക്കും. വിവിധ മേഖലകളിൽ നടപ്പാക്കി വരുന്ന പദ്ധതികൾ ഇരുവരും വിലയിരുത്തി. ജനസേവനം മെച്ച​പ്പെടുത്താനും ഗ്രാമങ്ങൾക്കായി പ്രത്യേക പദ്ധതികൾ നടപ്പാക്കാനും സർക്കാർ പ്രതിജ്​ഞാബദ്ധമാണ്​. സർക്കാർ സേവനങ്ങൾ എല്ലായിടത്തും ലഭ്യമാകുന്നു​െണ്ടന്ന്​ ഉറപ്പുവരുത്തുകയും ചെയ്യുമെന്ന്​ നേതാക്കൾ പറഞ്ഞു.