മനം മയക്കി ഗാർഡൻ ഷോ; ഇന്ന് അവസാന ദിവസം

മ​നാ​മ: സ​ല്ലാ​ക്കി​ലെ ഇ​ന്റ​ർ​നാ​ഷ​ന​ൽ എ​ക്സി​ബി​ഷ​ൻ സെ​ന്റ​റി​ൽ ആ​രം​ഭി​ച്ചി​രി​ക്കു​ന്ന ഗാ​ർ​ഡ​ൻ ഷോ ​കാ​ണാ​ൻ ഒ​​ഴു​കി​യെ​ത്തു​ന്ന​ത് ആ​യി​ര​ങ്ങ​ൾ. വി​വി​ധ രാ​ജ്യ​ങ്ങ​ളി​ൽ​നി​ന്നു​ള്ള കാ​ർ​ഷി​കോ​ൽ​പ​ന്ന​ങ്ങ​ളു​ടെ പ്ര​ദ​ർ​ശ​ന​ത്തി​നും വി​ൽ​പ​ന​ക്കു​മാ​യി നി​ര​വ​ധി സ്റ്റാ​ളു​ക​ളാ​ണ് ഒ​രു​ക്കി​യി​ട്ടു​ള്ള​ത്. മൊ​റോ​ക്കോ, സി​റി​യ, ഗ്രീ​സ്, കെ​നി​യ, റ​ഷ്യ, ഫ്രാ​ൻ​സ്, ബ്രി​ട്ട​ൻ, ബ​ഹ്റൈ​ൻ തു​ട​ങ്ങി​യ വി​വി​ധ രാ​ജ്യ​ങ്ങ​ളു​ടെ സ്റ്റാ​ളു​ക​ളു​ണ്ട്. ബ​ഹ​റി​ൻ ഫാ​മേ​ഴ്സി​ന്റെ സ്റ്റാ​ളു​ക​ളി​ൽ ഇ​വി​ടെ നി​ന്ന് ഉ​ൽ​പാ​ദി​പ്പി​ക്കു​ന്ന വി​വി​ധ ത​ര​ത്തി​ലു​ള്ള പ​ച്ച​ക്ക​റി​ക​ളും സ​ലാ​ഡു​ക​ളും പ​ഴ​വ​ര്‍ഗ​ങ്ങ​ളും ല​ഭി​ക്കും.

വി​വി​ധ രൂ​പ​ത്തി​ൽ വെ​ട്ടി​യൊ​തു​ക്കി​യ ബോ​ൺ​സാ​യി മ​ര​ങ്ങ​ളും വി​വി​ധ വ​ർ​ണ​ങ്ങ​ളി​ലു​ള്ള പൂ​ക്ക​ളു​ക​ളും വ്യ​ത്യ​സ്ത​ങ്ങ​ളാ​യ ആ​ന്തൂ​റി​യം പൂ​ക്ക​ളു​ക​ളും ഇ​വി​ട​ത്തെ ന​ഴ്സ​റി​ക​ളി​ൽ പ്ര​ദ​ർ​ശ​ന​ത്തി​നും വി​ൽ​പ​ന​ക്കും വെ​ച്ചി​ട്ടു​ണ്ട്. ഹൈ​ഡ്രോ​പോ​ണി​ക് കൃ​ഷി​യെ​ക്കു​റി​ച്ച് വി​ശ​ദ​മാ​യി ആ​ളു​ക​ൾ​ക്ക് പ​രി​ച​യ​പ്പെ​ടു​ത്തു​ക​യും അ​വ​യു​ടെ ഉ​ൽ​പാ​ദ​ന രീ​തി​ക​ൾ വി​ശ​ദീ​ക​രി​ക്കു​ക​യും ചെ​യ്യു​ന്ന സ്റ്റാ​ളു​ക​ൾ ആ​ക​ർ​ഷ​ക​മാ​ണ്.

ഫു​ഡ് കോ​ർ​ണ​റു​ക​ൾ, കോ​ഫി ഷോ​പ്പു​ക​ൾ, ഫോ​ട്ടോ ഷൂ​ട്ട് ഏ​രി​യ​ക​ൾ, കു​ട്ടി​ക​ൾ​ക്കു വേ​ണ്ടി ടാ​റ്റൂ ക​ള​റി​ങ്, ക​ളി​സ്ഥ​ല​ങ്ങ​ൾ തു​ട​ങ്ങി​യ​വ​യും ഒ​രു​ക്കി​യി​ട്ടു​ണ്ട്. യു.​എ.​ഇ​യു​ടെ മി​നി​സ്ട്രി ഓ​ഫ് ക്ലൈ​മ​റ്റ് ആ​ൻ​ഡ് ചേ​ഞ്ച്, ബ​ഹ്റൈ​ൻ ഇ​ല​ക്ട്രി​സി​റ്റി ആ​ൻ​ഡ് വാ​ട്ട​ർ അ​തോ​റി​റ്റി, സു​പ്രീം കൗ​ൺ​സി​ൽ ഫോ​ർ എ​ൻ​വ​യ​ൺ​മെ​ന്റ്, മി​നി​സ്റ്റ​ർ ഓ​ഫ് എ​ജു​ക്കേ​ഷ​ൻ, മി​നി​സ്റ്റ​ർ ഓ​ഫ് മു​നി​സി​പ്പാ​ലി​റ്റി ആ​ൻ​ഡ് അ​ഗ്രി​ക​ൾ​ച്ച​ർ തു​ട​ങ്ങി​യ വി​വി​ധ മ​ന്ത്രാ​ല​യ​ങ്ങ​ളു​ടെ സ്റ്റാ​ളു​ക​ളും എ​ക്‌​സി​ബി​ഷ​നി​ലു​ണ്ട്.