മീഫ്രണ്ട് 'ലോക കാമറ ദിന' ഫോട്ടോ കോണ്ടസ്റ്റ്; വിജയിയെ തിരഞ്ഞെടുത്തു

ഒന്നാം സ്ഥാനം കരസ്ഥമാക്കിയ ഫോട്ടോ

മനാമ: ജൂൺ 29 ലോക ക്യാമറ ദിനത്തിന്റെ ഭാഗമായി മീഫ്രണ്ടും ഗൾഫ് മാധ്യമവും സംയുക്തമായി സംഘടിപ്പിച്ച ഫോട്ടോ കോണ്ടസ്റ്റിലെ വിജയിയായി വൈശാഖിനെ തിരഞ്ഞെടുത്തു. "എന്റെ ബഹ്റൈൻ" എന്ന തീമിലായിരുന്നു മത്സരം സംഘടിപ്പിച്ചിരുന്നത്. വിജയിക്ക് 10 ദീനാറിന്റെ വൗച്ചറാണ് സമ്മാനമായി ലഭിക്കുക.

പ്രവാസ ജീവിതത്തിലുടനീളം ഒപ്പമുണ്ടാകുന്ന, പ്രവാസികൾ അറിഞ്ഞിരിക്കേണ്ട എല്ലാ വിശേഷങ്ങളും വിവരങ്ങളും എത്തിക്കുന്ന ഒരു വിശ്വസ്ത സുഹൃത്തെന്ന നിലക്കാണ് ‘ഗൾഫ് മാധ്യമ’ത്തിന്റെ ഡിജിറ്റൽ പ്ലാറ്റ്ഫോമായ ‘മീഫ്രണ്ട്’ വിഭാവനം ചെയ്തിരിക്കുന്നത്.

ബഹ്റൈനിലെ വിവിധ മാളുകളിലെയും സൂപ്പർ മാർക്കറ്റുകളിലെയും പ്രമോഷൻസും ഓഫറുകളും ഡീലുകളും സംബന്ധിച്ച വിവരങ്ങൾ, നിത്യജീവിതത്തിൽ ഉപകാരപ്പെടുന്ന നിയമമാറ്റങ്ങളടക്കമുള്ള ഏറ്റവും പുതിയ വിവരങ്ങളും വിശേഷങ്ങളും, സംശയനിവാരണത്തിന് ഹെൽപ് ലൈൻ സേവനം തുടങ്ങിയവയാണ് ആപ്പിൽ ഉൾപ്പെടുത്തിയിരിക്കുന്നത്.

തിരഞ്ഞെടുക്കപ്പെട്ട സ്റ്റോറുകൾ, റിസോർട്ടുകൾ, റസ്റ്റാറൻറുകൾ, ട്രാവൽ ഏജൻസികൾ, കാർഗോ കമ്പനികൾ, ഇലക്ട്രോണിക്സ് ആൻഡ് ഹോം അപ്ലയൻസ് സ്ഥാപനങ്ങൾ, മണി എക്സ്ചേഞ്ചുകൾ, ആരോഗ്യസേവനങ്ങൾ തുടങ്ങിയവയുടെ പ്രത്യേക ഓഫറുകളാണ് ‘മീഫ്രണ്ട്’ ഉപയോക്താക്കൾക്ക് മാത്രമായി ബഹ്റൈനിലും നാട്ടിലും ലഭ്യമാക്കുന്നത്. അവ സ്വന്തമാക്കുന്നതിന് ഇന്നുതന്നെ ‘ആപ് സ്റ്റോറിലും പ്ലേ സ്റ്റോറിലും ലഭ്യമായ മീഫ്രണ്ട്’ ആപ് ഡൗൺലോഡ് ചെയ്യൂ.

Don't miss the exclusive news, Stay updated

Thank You!

Your subscription means a lot to us