​‘േലാക കേരള സഭ’യിൽ പുനരധിവാസ പാക്കേജ്​ ആവശ്യപ്പെടും

മനാമ: ഇൗ മാസം 12,13 തിയ്യതികളിലായി ​ പ്രവാസികൾക്കായി തിരുവനന്തപുരത്ത്​ നടക്കുന്ന ​‘േലാക കേരള സഭ’ യിലെ പൊതുചർച്ചയിൽ ​പുനരധിവാസ പാക്കേജിനെ കുറിച്ച്​ ശക്തമായ ആവ​ശ്യമുയർത്താൻ ബഹ്​റൈനിൽ നിന്നുള്ള പ്രതിനിധികളുടെയും വിവിധ സംഘടന നേതാക്കളുടെയും ബഹ്​റൈനിൽ നടന്ന യോഗത്തിൽ തീരുമാനം. പ്രവാസി കമ്മീഷ​​​​െൻറ നേതൃത്വത്തിൽ നടന്ന യോഗത്തിലാണ്​ ഏവരും പ്രവാസികളുടെ വിഷയങ്ങൾ ഗവൺമ​​െൻറി​​​െൻറ ശ്രദ്ധയിൽ കൊണ്ടുവരണമെന്ന കാര്യത്തിൽ ഒരേ ശബ്​ദമുയർത്തിയത്​. ‘കേരള ലോക സഭ ’എന്താണെന്നും  എന്തിനുവേണ്ടിയാണെന്നുമുള്ള  കേരള സർക്കാരി​​​െൻറ രൂപരേഖ  പ്രവാസി കമ്മീഷൻ അംഗം സുബൈർ കണ്ണൂർ വായിച്ചതിന്​ ശേഷമാണ്​ ഇത്​ സംബന്​ധിച്ച്​ ചർച്ചക്ക്​ തുടക്കമായത്​. പ്രവാസി ശബ്​ദം ഒറ്റക്കെട്ടായ് ഉയർത്താൻ മടി കാണിക്കേണ്ടതില്ലന്നായിരുന്നു വേദിയുടെ പൊതു വികാരം. ചർച്ചക്ക് ലഭിക്കുന്ന കുറഞ്ഞ സമയത്തെ പോലും, പ്രവാസികൾക്കായ്  ഏറ്റവും സമ്പുഷ്​ടമായി ഉപയോഗപ്പെടുത്താൻ കഴിയണമെന്നും ആവശ്യമുയർന്നു. പുനരധിവാസ പാക്കേജിനൊപ്പം, യൂറോപ്പ്യൻ, ജി.സി.സി, മറ്റ്​ സംസ്ഥാനങ്ങളിലായുള്ള പ്രവാസികൾ എന്നിവർക്ക്​  പ്രത്യേക വിഭാഗങ്ങൾ രൂപവത്​ക്കരിച്ച്​ വിവിധ ആനുകൂല്ല്യങ്ങൾ പ്രഖ്യാപിക്കണമെന്നും അഭിപ്രായങ്ങളുയർന്നു. നാട്ടിലെ യാത്ര ക്ലേശം, റേഷൻകാർഡ്, കുട്ടികളുടെ ഉപരിപഠനം, തിരിച്ചുപോക്ക് , തൊഴിൽ പ്രശ്​നം  തുടങ്ങിയ ഒട്ടേറെ കാര്യങ്ങൾ  ചർച്ചയിൽ  പ്രതിഫലിച്ചു. ലോക കേരള സഭയിൽ പങ്കെടുക്കുന്ന സമാജം പ്രസിഡഡൻറ്​ പി.വി.രാധാകൃഷ്ണപിള്ള,  ബഹ്റൈൻ പ്രതിഭ നേതാവ്  സി.വി.നാരായണൻ, കെ.എം.സി.സി പ്രസിഡൻറ്​ കെ.വി.ജലീൽ, നവകേരള പ്രതിനിധി ബിജു മലയിൽ, വി.കെ.എൽ ഗ്രുപ്പ് ചെയർമാൻ  വർഗീസ് കുര്യൻ , ഡി ടി. ന്യൂസ് എഡിറ്റർ സോമൻ ബേബി , പ്രവാസി കമ്മീഷനംഗവും, പ്രതിഭ ചാരിറ്റി കൺവീനറുമായ സുബൈർ കണ്ണൂർ,  പ്രത്യേക ക്ഷണിതാവായ ആട് ജീവിതം നോവലിലെ കഥാപാത്രമായ നജീബും ചർച്ചയിൽ  പങ്കെടുത്തു. ​‘േലാക കേരള സഭ’ പ്രതിനിധികൾ ഇന്നലെ ഉച്ചയോടെ ബഹ്​റൈൻ വിമാനത്താവളത്തിൽ നിന്ന്​ തിരുവനന്തപുരത്തേക്ക്​ പുറപ്പെട്ടു.