തൊ​ഴി​ലാ​ളികൾക്ക് മെ​ഡി​ക്ക​ൽ ക്യാ​മ്പ്

മ​നാ​മ: ദാ​ദാ​ഭാ​യ് ക​ൺ​സ്ട്ര​ക്ഷ​നും കാ​ൻ​സ​ർ കെ​യ​ർ ഗ്രൂ​പ്പും സം​യു​ക്ത​മാ​യി മെ​ഡി​ക്ക​ൽ ക്യാ​മ്പ് സം​ഘ​ടി​പ്പി​ച്ചു. എ​ക്ക​റി​ലെ ദാ​ദാ​ഭാ​യ് ക​ൺ​സ്ട്ര​ക്ഷ​ൻ പ​രി​സ​ര​ത്ത് ന​ട​ന്ന ക്യാ​മ്പി​ൽ 400ല​ധി​കം തൊ​ഴി​ലാ​ളി​ക​ൾ പ​​ങ്കെ​ടു​ത്തു. സ​ർ​ക്കാ​ർ ആ​ശു​പ​ത്രി​ക​ൾ, സ​ൽ​മാ​നി​യ മെ​ഡി​ക്ക​ൽ കോം​പ്ല​ക്സ്, അ​ൽ ഹി​ലാ​ൽ ആ​ശു​പ​ത്രി, മി​ഡി​ൽ ഈ​സ്റ്റ് ഹോ​സ്പി​റ്റ​ൽ എ​ന്നി​വ​യു​ൾ​പ്പെ​ടെ വി​വി​ധ ആ​ശു​പ​ത്രി​ക​ളി​ലെ ഡോ​ക്ട​ർ​മാ​ർ തൊ​ഴി​ലാ​ളി​ക​ളെ പ​രി​ശോ​ധി​ച്ചു.

ശാ​ന്തി​ഗി​രി ആ​യു​ർ​വേ​ദി​ക് സെ​ന്റ​റി​ന്റെ ആ​യു​ർ​വേ​ദ സ്പെ​ഷാ​ലി​റ്റി പ​രി​ശോ​ധ​ന​യും വി​ഷ​ൻ ആ​ൻ​ഡ് സ്റ്റൈ​ൽ ഒ​പ്റ്റി​ക്ക​ൽ​സി​ന്റെ നേ​ത്ര​പ​രി​ശോ​ധ​ന​യും ഉ​ണ്ടാ​യി​രു​ന്നു. ഹൃ​ദ​യ, ശ്വാ​സ​കോ​ശ ആ​രോ​ഗ്യ​ത്തെ​ക്കു​റി​ച്ച് പാ​രാ​മെ​ഡി​ക് അ​ക്കാ​ദ​മി​ക് ടീ​മി​ൽ​നി​ന്നു​ള്ള ഹു​സ്‌​നി​യ ക​രീ​മി, ആ​യു​ർ​വേ​ദ​ത്തെ​യും യോ​ഗ​യെ​യും കു​റി​ച്ച് മി​ഡി​ൽ ഈ​സ്റ്റ് ഹോ​സ്പി​റ്റ​ലി​നു കീ​ഴി​ലു​ള്ള ശാ​ന്തി​ഗി​രി ആ​യു​ർ​വേ​ദി​ക് സെ​ന്റ​റി​ലെ ഡോ. ​രാ​ജി ശ്യാം ​എ​ന്നി​വ​ർ ബോ​ധ​വ​ത്ക​ര​ണ ക്ലാ​സ് ന​ട​ത്തി. ക്യാ​മ്പി​ൽ പ​​ങ്കെ​ടു​ത്ത​വ​ർ​ക്ക് ബ​ഹ്‌​റൈ​ൻ ഫി​നാ​ൻ​സി​ങ് ക​മ്പ​നി സ​മ്മാ​ന​ങ്ങ​ൾ ന​ൽ​കി.

ദാ​ദാ​ഭാ​യ് ക​ൺ​സ്ട്ര​ക്ഷ​ൻ മാ​നേ​ജി​ങ് ഡ​യ​റ​ക്ട​ർ ഷ​ബീ​ർ ദാ​ദാ​ഭാ​യ്, മു​ഹ​മ്മ​ദ് ദാ​ദാ​ഭാ​യ്, സ​ൽ​മാ​ൻ ദാ​ദാ​ഭാ​യ്, സി.​ഇ.​ഒ അ​ജി​ത് കു​മാ​ർ, ബി.​എം.​സി ചെ​യ​ർ​മാ​ൻ ഫ്രാ​ൻ​സി​സ് കൈ​താ​ര​ത്ത് എ​ന്നി​വ​ർ ച​ട​ങ്ങി​ൽ പ​ങ്കെ​ടു​ത്തു. ദാ​ദാ​ഭാ​യ് ക​ൺ​സ്ട്ര​ക്ഷ​ൻ എ​ച്ച്.​ആ​ർ മാ​നേ​ജ​ർ രാ​കേ​ഷ് റെ​യ്‌​ന ഇ​വ​ന്റ് ജ​ന​റ​ൽ കോ​ഓ​ഡി​നേ​റ്റ​റും കാ​ൻ​സ​ർ കെ​യ​ർ ഗ്രൂ​പ് പ്ര​സി​ഡ​ന്റ് ഡോ. ​​​പി.​വി. ചെ​റി​യാ​ൻ മെ​ഡി​ക്ക​ൽ കോ​ഓ​ഡി​നേ​റ്റ​റു​മാ​യി​രു​ന്നു.

ക്യാ​മ്പി​നു​ശേ​ഷം ന​ട​ന്ന ച​ട​ങ്ങി​ൽ ദാ​ദാ​ഭാ​യ് മാ​നേ​ജി​ങ് ഡ​യ​റ​ക്ട​ർ ഷ​ബീ​ർ ദാ​ദാ​ഭാ​യ്, മൈ​സ ദാ​ദാ​ഭാ​യ്, മു​ഹ​മ്മ​ദ്, സ​ൽ​മാ​ൻ ദാ​ദാ​ഭാ​യ് എ​ന്നി​വ​ർ ഡോ​ക്ട​ർ​മാ​രെ​യും ന​ഴ്സു​മാ​രെ​യും പാ​രാ​മെ​ഡി​ക്ക​ൽ, മ​റ്റ് അ​നു​ബ​ന്ധ മെ​ഡി​ക്ക​ൽ സ്റ്റാ​ഫ്, വ​ള​ന്റി​യ​ർ​മാ​ർ എ​ന്നി​വ​രെ​യും ആ​ദ​രി​ച്ചു. എ​ല്ലാ തൊ​ഴി​ലാ​ളി​ക​ൾ​ക്കും പ്ര​ഭാ​ത, ഉ​ച്ച​ഭ​ക്ഷ​ണ പാ​ക്ക​റ്റു​ക​ൾ വി​ത​ര​ണം ചെ​യ്തു.