മീ​ഡി​യ​വ​ൺ വി​ധി സ്വാ​ഗ​തം ചെ​യ്ത്​ പ്ര​വാ​സ ലോ​കം

രാ​ജ്യ​ത്തെ മാ​ധ്യ​മ​ങ്ങ​ൾ​ക്ക് കോ​ട​തി​യു​ടെ ശ​ക്ത​മാ​യ പി​ന്തു​ണ -ഒ.​ഐ.​സി.​സി

മനാമ: രാ​ജ്യ​ത്തെ ഭ​ര​ണാ​ധി​കാ​രി​ക​ൾ ത​ങ്ങ​ളു​ടെ താ​ൽ​പ​ര്യ​ങ്ങ​ൾ​ക്കു വ​ഴ​ങ്ങാ​ത്ത മാ​ധ്യ​മ​സ്ഥാ​പ​ന​ങ്ങ​ളെ ഇ​ല്ലാ​യ്മ​ചെ​യ്യാ​ൻ ന​ട​ത്തു​ന്ന ന​ട​പ​ടി​ക​ൾ​ക്കെ​തി​രെ കോ​ട​തി​യു​ടെ ഭാ​ഗ​ത്തു​നി​ന്നു​ണ്ടാ​യ ഏ​റ്റ​വും വ​ലി​യ പ്ര​ഹ​ര​മാ​ണ് മീ​ഡി​യ​വ​ൺ കേ​സി​ൽ സു​പ്രീം​കോ​ട​തി​യു​ടെ ഭാ​ഗ​ത്തു​നി​ന്നു​ണ്ടാ​യ വി​ധി​യെ​ന്ന് ഒ.​ഐ.​സി.​സി ദേ​ശീ​യ പ്ര​സി​ഡ​ന്റ്‌ ബി​നു കു​ന്ന​ന്താ​നം അ​ഭി​പ്രാ​യ​പ്പെ​ട്ടു. ജ​നാ​ധി​പ​ത്യ​ത്തി​ന്റെ വി​ജ​യ​മാ​യി ഈ ​വി​ധി​യെ കാ​ണാ​ൻ സാ​ധി​ക്കും. രാ​ജ്യ​ത്തെ ജ​ന​ങ്ങ​ൾ​ക്ക് സ​ത്യം അ​റി​യാ​നു​ള്ള അ​വ​കാ​ശ​മു​ണ്ട്. സ​ത്യം പു​റ​ത്തു​പ​റ​യു​ന്ന മാ​ധ്യ​മ സ്ഥാ​പ​ന​ങ്ങ​ളെ​യും രാ​ഷ്ട്രീ​യ നേ​താ​ക്ക​ളെ​യും ക​ള്ള​ക്കേ​സു​ക​ളി​ൽ കു​ടു​ക്കി ജ​യി​ലി​ൽ അ​ട​ക്കാ​നാ​ണ് ഭ​ര​ണാ​ധി​കാ​രി​ക​ൾ ശ്ര​മി​ക്കു​ന്ന​ത്. ഇ​തി​നെ​തി​രെ ജ​നാ​ധി​പ​ത്യ​വി​ശ്വാ​സി​ക​ൾ ഒ​ന്നി​ച്ചു മു​ന്നോ​ട്ടു​പോ​ക​ണം. നീ​തി​ബോ​ധ​ത്തോ​ടെ പ്ര​വ​ർ​ത്തി​ക്കു​ന്ന മാ​ധ്യ​മ​സ്ഥാ​പ​ന​ങ്ങ​ളെ ക​ഴി​ഞ്ഞ ഒ​മ്പ​തു വ​ർ​ഷ​മാ​യി സ​ർ​ക്കാ​ർ നി​യ​ന്ത്ര​ണ​ത്തി​ന്റെ ഭാ​ഗ​മാ​യി റെ​യ്ഡ് ന​ട​ത്തി ബു​ദ്ധി​മു​ട്ടി​ക്കു​ക​യാ​ണ്. കൂ​ടു​ത​ൽ ക​രു​ത്തോ​ടെ മു​ന്നോ​ട്ടു​പോ​കാ​ൻ മീ​ഡി​യ​വ​ണി​ന് ഈ ​വി​ധി ശ​ക്തി പ​ക​രു​മെ​ന്നും അ​ദ്ദേ​ഹം പ​റ​ഞ്ഞു.

കേ​ന്ദ്ര സ​ർ​ക്കാ​റി​ന് ല​ഭി​ച്ച ക​ന​ത്ത ആ​ഘാ​തം -പ്ര​തി​ഭ

മാ​ധ്യ​മ​ങ്ങ​ൾ​ക്ക് കൂ​ച്ചു​വി​ല​ങ്ങി​ടു​ന്ന അ​പ്ര​ഖ്യാ​പി​ത അ​ടി​യ​ന്ത​രാ​വ​സ്ഥ​യു​മാ​യി പ​ര​ക്കം​പാ​യു​ന്ന ബി.​ജെ.​പി നേ​തൃ​ത്വ​ത്തി​ലെ കേ​ന്ദ്ര സ​ർ​ക്കാ​റി​ന് ല​ഭി​ച്ച ക​ന​ത്ത ആ​ഘാ​ത​മാ​ണ് മീ​ഡി​യ​വ​ൺ കേ​സി​ലെ സു​പ്രീം​കോ​ട​തി വി​ധി​യെ​ന്ന് ബ​ഹ്റൈ​ൻ പ്ര​തി​ഭ. സ​ർ​ക്കാ​റു​ക​ളെ ആ​രോ​ഗ്യ​പ​ര​മാ​യി വി​മ​ർ​ശി​ക്കാ​ൻ ജ​നാ​ധി​പ​ത്യ​ത്തി​ലൂ​ന്നി​യ പ​ത്ര​മാ​ധ്യ​മ​ങ്ങ​ൾ ആ​വ​ശ്യ​മാ​ണ്.

അ​തി​ന്റെ കൈ​കാ​ലു​ക​ൾ കെ​ട്ടി​യി​ട്ട് ജ​നാ​ധി​പ​ത്യ​ത്തെ നോ​ക്കു​കു​ത്തി​യാ​ക്കാ​ൻ ശ്ര​മി​ക്കു​ന്ന​വ​ർ​ക്കു​ള്ള ശ​ക്ത​മാ​യ താ​ക്കീ​തു​കൂ​ടി​യാ​ണ് വി​ധി​യെ​ന്നും പ്ര​തി​ഭ ആ​ക്ടി​ങ് ജ​ന​റ​ൽ സെ​ക്ര​ട്ട​റി ഷം​ജി​ത് കോ​ട്ട​പ്പ​ള്ളി, ആ​ക്ടി​ങ് പ്ര​സി​ഡ​ന്റ് ശ​ശി ഉ​ദി​നൂ​ർ എ​ന്നി​വ​ർ സം​യു​ക്ത പ്ര​സ്താ​വ​ന​യി​ൽ അ​ഭി​പ്രാ​യ​പ്പെ​ട്ടു.

ഇ​ന്ത്യ​ൻ ജ​നാ​ധി​പ​ത്യ​ത്തി​ന്റെ വി​ജ​യം -കെ.​എം.​സി.​സി

മീ​ഡി​യ​വ​ൺ വി​ല​ക്ക് സു​പ്രീം​കോ​ട​തി നീ​ക്കി​യ​ത് ഇ​ന്ത്യ​ൻ ജ​നാ​ധി​പ​ത്യ​ത്തി​ന്റെ​യും മാ​ധ്യ​മ​സ്വാ​ത​ന്ത്ര്യ​ത്തി​ന്റെ​യും വ​ലി​യ വി​ജ​യ​മാ​ണെ​ന്ന് കെ.​എം.​സി.​സി ബ​ഹ്‌​റൈ​ൻ സ്റ്റേ​റ്റ് ക​മ്മി​റ്റി അ​ഭി​പ്രാ​യ​പ്പെ​ട്ടു. ജ​നാ​ധി​പ​ത്യ​ത്തി​ന്റെ കാ​വ​ൽ​ക്കാ​രാ​ണ് മാ​ധ്യ​മ​ങ്ങ​ൾ. ഭ​ര​ണ​കൂ​ട​ങ്ങ​ൾ​ക്ക് അ​നി​ഷ്ട​ക​ര​മാ​യ​ത് തു​റ​ന്നു പ​റ​യു​ക​യും എ​ഴു​തു​ക​യും ചെ​യ്യു​ന്ന​തി​ന്റെ പേ​രി​ൽ മീ​ഡി​യ​വ​ൺ ചാ​ന​ലി​ന്റെ വാ​യ​ട​പ്പി​ക്കാ​നു​ള്ള മോ​ദി സ​ർ​ക്കാ​റി​ന്റെ ഫാ​ഷി​സ്റ്റു സ​മീ​പ​നം കോ​ട​തി​വി​ധി​യി​ലൂ​ടെ റ​ദ്ദ് ചെ​യ്യ​പ്പെ​ട്ട​ത് ശു​ഭ പ്ര​തീ​ക്ഷ​യാ​ണ് ന​ൽ​കു​ന്ന​ത്. ഇ​ത്ത​രം വി​ധി​ക​ൾ ജ​നാ​ധി​പ​ത്യ വ്യ​വ​സ്ഥി​തി​യെ സ​മ്പു​ഷ്ട​മാ​ക്കു​മെ​ന്നും മ​തേ​ത​ര​ത്വ​ത്തെ ജ്വ​ലി​പ്പി​ച്ചു​നി​ർ​ത്തു​മെ​ന്നും കെ.​എം.​സി.​സി ചൂ​ണ്ടി​ക്കാ​ട്ടി. ഈ ​വി​ഷ​യ​ത്തി​ൽ തു​ട​ക്കം​മു​ത​ലേ മു​സ്‍ലിം ലീ​ഗും കെ.​എം.​സി.​സി​യും മീ​ഡി​യ​വ​ണി​നൊ​പ്പം നി​ല​കൊ​ണ്ട​താ​യും പ്ര​സ്താ​വ​ന​യി​ൽ കൂ​ട്ടി​ച്ചേ​ർ​ത്തു.

കോ​ട​തി ന​ട​പ​ടി സ്വാ​ഗ​താ​ർ​ഹം -ഐ.​വൈ.​സി.​സി

സം​ഘ്പ​രി​വാ​ർ സ​ർ​ക്കാ​ർ ത​ങ്ങ​ൾ​ക്കെ​തി​രെ തി​രി​യു​ന്ന മാ​ധ്യ​മ​ശ​ബ്ദ​ങ്ങ​ൾ​ക്ക് ത​ട​യി​ടാ​ൻ ശ്ര​മി​ക്കു​ന്ന​തി​ന്റെ ഏ​റ്റ​വും വ​ലി​യ തെ​ളി​വാ​യി​രു​ന്നു മീ​ഡി​യ​വ​ണി​നു നേ​രെ​യു​ണ്ടാ​യ വി​ല​ക്കെ​ന്ന് ഐ.​വൈ.​സി.​സി. ജ​നാ​ധി​പ​ത്യ​ത്തി​ന്റെ നാ​ലാം തൂ​ണാ​ണ് പ​ത്ര മാ​ധ്യ​മ​ങ്ങ​ൾ. കോ​ട​തി ഇ​ട​പെ​ട്ട് ന​ട​പ​ടി റ​ദ്ദാ​ക്കി​യ​ത് സ്വാ​ഗ​താ​ർ​ഹ​മാ​ണെ​ന്ന് ഭാ​ര​വാ​ഹി​ക​ൾ അ​റി​യി​ച്ചു.

മാ​ധ്യ​മ​സ്വാ​ത​ന്ത്ര്യം ഉ​റ​പ്പു​ന​ൽ​കു​ന്ന വി​ധി -പ്ര​വാ​സി വെ​ൽ​ഫെ​യ​ർ

മീ​ഡി​യ​വ​ൺ ചാ​ന​ലി​ന് കേ​ന്ദ്ര സ​ർ​ക്കാ​ർ ഏ​ർ​പ്പെ​ടു​ത്തി​യ സം​പ്രേ​ഷ​ണ വി​ല​ക്ക് നീ​ക്കി​യ സു​പ്രീം കോ​ട​തി വി​ധി ഭ​ര​ണ​ഘ​ട​ന അ​നു​ശാ​സി​ക്കു​ന്ന മാ​ധ്യ​മ​സ്വാ​ത​ന്ത്ര്യം ഉ​റ​പ്പു​ന​ൽ​കു​ന്ന വി​ധി​യാ​ണെ​ന്ന് പ്ര​വാ​സി വെ​ൽ​ഫെ​യ​ർ ബ​ഹ്റൈ​ൻ.

സ​ർ​ക്കാ​റി​നെ​തി​രാ​യ വി​മ​ർ​ശ​ന​ങ്ങ​ൾ ചൂ​ണ്ടി​ക്കാ​ട്ടി, ദേ​ശ​സു​ര​ക്ഷ​യു​ടെ പേ​രി​ൽ എ​ന്തി​നെ​യും നി​രോ​ധി​ക്കാ​നും നി​യ​ന്ത്രി​ക്കാ​നു​മു​ള്ള കേ​ന്ദ്ര സ​ർ​ക്കാ​റി​​ന്റെ പ​ദ്ധ​തി​ക​ൾ​ക്കേ​റ്റ ക​ന​ത്ത തി​രി​ച്ച​ടി​യാ​ണ് കോ​ട​തി​വി​ധി എ​ന്നും പ്ര​സ്താ​വ​ന​യി​ൽ പ​റ​ഞ്ഞു.