മേയ്ദിനാഘോഷം സംഘടിപ്പിച്ചു

മനാമ: ബഹ്‌റൈൻ തെലുഗു കലാസമിതി തൊഴിലാളികൾക്കായി മേയ്ദിനാഘോഷ പരിപാടി സംഘടിപ്പിച്ചു. അദ്ലിയ തെലുഗു കലാസമിതി ആസ്ഥാനത്ത് സംഘടിപ്പിച്ച പരിപാടിയിൽ പ്രവാസി ലീഗൽ സെൽ എക്സിക്യൂട്ടിവ് കമ്മിറ്റി അംഗങ്ങൾ പ്രത്യേക ക്ഷണിതാക്കളായി പങ്കെടുത്തു. പ്രസിഡന്‍റ് ഹരിബാബു, വൈസ് പ്രസിഡന്‍റ് ഫാനി ഭൂഷൻ റെഡ്ഡി, ജനറൽ സെക്രട്ടറി വംശിധർ ഗെദ്ദം, ട്രഷറർ മുരളി തിരുപ്പതി, കൾചറൽ സെക്രട്ടറി ഫാനി ഹനുമന്ത റാവു, സ്പോർട്സ് സെക്രട്ടറി രാമ ശ്രീനു, മെംബർഷിപ് സെക്രട്ടറി വിജേന്ദ്ര റെഡ്‌ഡി എന്നിവർ നേതൃത്വം നൽകി. വിവിധ ലേബർ ക്യാമ്പുകളിൽനിന്നായി 100ലധികം തൊഴിലാളികൾ പങ്കെടുത്തു. വിവിധ തൊഴിൽപ്രശ്നങ്ങളുമായി ബന്ധപ്പെട്ട വിഷയങ്ങൾ, സ്വീകരിക്കേണ്ട നടപടികൾ എന്നിവ സംബന്ധിച്ച് പി.എൽ.സി ബഹ്‌റൈൻ കൺട്രി ഹെഡ് സുധീർ തിരുനിലത്ത്, ജനറൽ സെക്രട്ടറി സുഷമ ഗുപ്ത, ട്രഷറർ എ. ടോജി, ഐമാക് ബഹ്‌റൈൻ മീഡിയ സിറ്റി ചെയർമാൻ ഫ്രാൻസിസ് കൈതാരത്ത്, അസി. സെക്രട്ടറി ശ്രീജ ശ്രീധരൻ, ഗവേണിങ് കൗൺസിൽ അംഗങ്ങളായ ജയ് ഷാ, വിനോദ് നാരായണൻ, മണിക്കുട്ടൻ, ഹരിബാബു എന്നിവർ സംസാരിച്ചു.