വിദ്യാഭ്യാസം അക്രമരഹിത സമൂഹത്തിന്​ വഴിയൊരുക്കുമെന്ന്​ 

മനാമ: വിദ്യാഭ്യാസം നേടിയ ജനത അക്രമങ്ങളിൽ നിന്ന്​ വിട്ടുനിൽക്കുമെന്നും വര്‍ഗീയ കലാപങ്ങൾക്കുപോലും വിദ്യാഭ്യാസത്തി​​െൻറ അഭാവം കാരണമാണെന്നും കോഴിക്കോട് മര്‍ക്കസ്​ സ്​ഥാപനങ്ങളുടെ ഡയരക്ടര്‍ എ.പി.അബ്​ദുല്‍ ഹഖിം അസ്ഹരി പറഞ്ഞു. ഇൗ കാരണം മുൻനിർത്തിയാണ്​ കശ്​മീർ, ഗുജറാത്ത് ഉള്‍പ്പെടെയുള്ള മേഖലകളിൽ വിദ്യാഭ്യാസ പദ്ധതികളുമായി മര്‍ക്കസ് മുന്നിട്ടിറങ്ങുന്നതെന്നും ​അദ്ദേഹം പറഞ്ഞു. 

മർക്കസി​​െൻറ 40ാം വാര്‍ഷികാഘോഷ പരിപാടികളുടെ ഭാഗമായി ബഹ്‌റൈനില്‍ എത്തിയ അദ്ദേഹം  മാധ്യമങ്ങളുമായി സംസാരിക്കവെയാണ്​ ഇങ്ങനെ പറഞ്ഞത്​. വിദ്യാഭ്യാസമുള്ള തലമുറ സമൂഹങ്ങള്‍ തമ്മിലുള്ള അകല്‍ച്ച ഇല്ലാതാക്കും. പരസ്പരം യാതൊരു അടുപ്പവുമില്ലാതിരുന്ന ഗുജറാത്തി സമൂഹത്തില്‍ മർക്കസി​​െൻറ സ്​ഥാപനങ്ങൾ വഴി  യോജിപ്പ്​ സൃഷ്​ടിക്കാൻ കഴിഞ്ഞു. മുസ്‌ലിം വിദ്യാലയങ്ങളില്‍ അധ്യാപകരാന്‍ ഇതര സമൂഹങ്ങള്‍ തയാറാവുന്ന അവസ്ഥയുണ്ടായി. കുട്ടികളെ രാജ്യത്തോടു കൂറുള്ളവരായി വളര്‍ത്താനും വര്‍ഗീയതക്കും തീവ്രവാദത്തിനും എതിരെ ചിന്തിപ്പിക്കാനും ഇത്തരം ശ്രമങ്ങള്‍കൊണ്ട്​ കഴിഞ്ഞിട്ടുണ്ട്.കേരളീയ സമൂഹത്തില്‍ തീവ്രവാദത്തി​​െൻറ വിത്തു പാകാന്‍ ശ്രമിച്ചത് സലഫി പ്രസ്ഥാനങ്ങളാണ്. അത്തരം രീതികളെ സുന്നീ സമൂഹം എന്നും എതിർത്തിട്ടുണ്ട്.  ഹിന്ദു^മുസ്‌ലിം ഐക്യത്തി​​െൻറ ഉദാത്ത മാതൃക നിലനിന്ന സമൂഹമാണ്​  കേരളം. 
അതിനെ തകര്‍ക്കാന്‍ ഇത്തരം പലരും ആസൂത്രിതമായി ശ്രമിച്ചിട്ടുണ്ട്. വര്‍ത്തമാനകാല സാഹചര്യം അവര്‍ ആരാണെന്നും അവരുടെ പിഴവെന്താണെന്നും പൊതുസമൂഹത്തിന്​ കാണിച്ചു കൊടുത്തു. പിശകുകണ്ടാല്‍ ഉപദേശിക്കാനാണ്​ മതം കല്‍പ്പിക്കുന്നത്​. എന്നാല്‍ വ്യക്തിയുടെ സ്വാതന്ത്ര്യം ഹനിക്കാന്‍ ആര്‍ക്കും അവകാശമില്ലെന്നും ‘ഫ്ലാഷ്​ മോബ്​’ വിവാദം പരാമര്‍ശിച്ച് അദ്ദേഹം പറഞ്ഞു.

ജനുവരി നാലുമുതല്‍ ഏഴു വരെയാണ്​ മര്‍ക്കസ് വാര്‍ഷികം നടക്കുന്നത്. നാലു പതിറ്റാണ്ടായി വിദ്യാഭ്യാസ, ആരോഗ്യ, ജീവകാരുണ്യ മേഖലയില്‍ നിറഞ്ഞ്​ നില്‍ക്കുകയാണ്​ മര്‍ക്കസ്. വാര്‍ഷിക സമ്മേളനത്തില്‍ 1000 പേര്‍ക്കു സഖാഫി ബിരുദം നല്‍കും. വിവിധ സമ്മേളനങ്ങളിൽ ബഹ്​റൈനിൽ നിന്നുൾപ്പെടെയുള്ള പ്രമുഖർ പ​െങ്കടുക്കും. ഇതോടനുബന്ധിച്ച്​  ജീവിത ശൈലി സെമിനാറും നടക്കുമെന്ന് അദ്ദേഹം കൂട്ടിച്ചേര്‍ത്തു. വാര്‍ത്താ സമ്മേളനത്തില്‍ എം. സി.അബ്​ദുൽ കരിം, മുഹമ്മദ് ഹുസൈന്‍ മദനി, കെ.സി.സൈനുദ്ദീന്‍ സഖാഫി എന്നിവരും സംബന്ധിച്ചു.