ബഹ്​റൈൻ-യു.എസ്​ വ്യാപാരത്തിൽ വൻ വർധന

മനാമ: ബഹ്​റൈൻ^യു.എസ്​ സ്വതന്ത്ര വ്യാപാര കരാർ നിലവിൽ വന്ന ശേഷം ഇരുരാജ്യങ്ങളും തമ്മിലുള്ള വ്യാപാരത്തിൽ 282 ശതമാനം വർധവുണ്ടായതായി വാണിജ്യ, വ്യവസായ, ടൂറിസം മന്ത്രി സായിദ്​ ബിൻ റാഷിദ്​  അസ്സയാനി പറഞ്ഞു.
2006 ആഗസ്തിലാണ്​ കരാർ പ്രാബല്യത്തിൽ വന്നത്​.പാർലമ​െൻറിലാണ്​ മന്ത്രി ഇക്കാര്യം അറിയിച്ചത്​. 2006ൽ 279ദശലക്ഷം ദിനാർ ആയിരുന്ന വ്യാപാരം കഴിഞ്ഞ വർഷം അവസാനമായപ്പോഴേക്കും 789 ദശലക്ഷം ദിനാർ ആയാണ്​ ഉയർന്നത്​. ബഹ്​റൈ​​െൻറ കയറ്റുമതി ഒരു ദശകത്തിനകം 95ദശലക്ഷം ദിനാറിൽ നിന്നും 312 ദശലക്ഷം ദിനാറായി ഉയർന്നു. യു.എസിൽ നിന്നുള്ള ഇറക്കുമതി 184 ദശലക്ഷം ദിനാറായിരുന്നു. ഇത്​ 477 ദശലക്ഷം ദിനാറായി മാറി. യു.എസുമായി സ്വതന്ത്ര വ്യാപാര കരാർ ഒപ്പിട്ട ആദ്യ ഗൾഫ്​ രാജ്യമാണ്​ ബഹ്​റൈൻ. 
2004ലായിരുന്നു ഇത്​. കരാർ പ്രാബല്യത്തിൽ വരാൻ രണ്ടുവർഷമെടുത്തു. 2009ൽ ഒമാനും ഇൗ കരാറിൽ ഒപ്പുവെച്ചിട്ടുണ്ട്​. ബഹ്​റൈൻ വ്യാപാരികൾക്കും നിക്ഷേപകർക്കും കമ്പനികൾക്കും മുന്നിൽ ലോകത്തിലെ ഏറ്റവും വലിയ വിപണിയായ യു.എസി​​െൻറ സാധ്യതകൾ തുറക്കുക എന്നതായിരുന്നു കരാർ വഴി ലക്ഷ്യമിട്ടത്​. ഇത്​ ഫലം കണ്ടതായാണ്​ കണക്കുകൾ വ്യക്​തമാക്കുന്നത്​. 
കരാറി​​െൻറ വിവിധ നിബന്ധനകൾ പാലിക്കാനും സാധിച്ചിട്ടുണ്ട്​. എന്നാൽ, ഇതി​​െൻറ സാധ്യതകൾ ബഹ്​റൈനി നിക്ഷേപകർ പൂർണമായി ഉപയോഗപ്പെടുത്തിയിട്ടില്ല. 
അമേരിക്കയിൽ ഏതെങ്കിലും പദ്ധതികൾ തുടങ്ങിയ ബഹ്​റൈനി നിക്ഷേപകൾ ഉണ്ടോയെന്നറിയില്ല. എന്നാൽ, അതിനുവിപരീതമായി അമേരിക്കയിൽ നിന്നുള്ളവർ ബഹ്​റൈനിൽ വൻ നിക്ഷേപം നടത്തിയിട്ടുണ്ട്​. യു.എസ്​.വിപണി വളരെ വലുതാണ്​. ഇൗ സാധ്യതകൾ ഉപയോഗപ്പെടുത്തേണ്ടതുണ്ട്​. കൂടുതൽ സാധ്യതകൾ തുറന്നെങ്കിലും സ്വകാര്യമേഖല ഇക്കാര്യത്തിൽ കാര്യക്ഷമവും ചടുലവുമായ നടപടികൾ സ്വീകരിച്ചിട്ടില്ല. 
പാറ്റൻറ്​ നിയമം ലംഘിക്കാത്ത ​മരുന്നോ, മെഡിക്കൽ ഉപകരണങ്ങളോ ഇറക്കുമതി ചെയ്യുന്നത്​ സ്വതന്ത്ര വ്യാപാര കരാർ നിരുത്സാഹപ്പെടുത്തുന്നില്ലെന്നും അസ്സയാനി പറഞ്ഞു. ബഹ്​റൈൻ ഉൽപന്നങ്ങളെ കസ്​റ്റംസ്​ തീരുവയിൽനിന്ന്​ ഒഴിവാക്കിയിട്ടുണ്ടെന്നും അദ്ദേഹം കൂട്ടിച്ചേർത്തു.