ഏഴ്​ വർഷമായി ഒാർമയില്ലാതെ ആശുപത്രി കിടക്കയിൽ ഒരു മലയാളി

മനാമ: ഏഴ്​ വർഷമായി സ്വന്തം പേരുപോലും കൃത്യമായി ഒാർമയില്ലാതെ ആശുപത്രി കിടക്കയിൽ കഴിയുന്ന മലയാളിയെ തിരിച്ചറിയുന്നതിലേക്കുള്ള ആദ്യസൂചന ലഭിച്ചു. ഇദ്ദേഹത്തെ കുറിച്ച്​ ‘ഗൾഫ്​ മാധ്യമം’ ഇന്നലെ പ്രസിദ്ധീകരിച്ച വാർത്തയും ചിത്രവും കണ്ട കൊല്ലം സ്വദേശിയാണ്​ ‘ഗൾഫ്​ മാധ്യമം’ ലേഖകനോട്​   വിവരങ്ങൾ കൈമാറിയത്​. പൊന്നൻ എന്ന്​ വിളിപ്പേരുള്ള ഇദ്ദേഹം പെയിൻറിങ്​ ജോലിക്കിടെ നിലത്ത്​ വീഴാണ്​ തലക്ക്​ ഗുരുതര പരിക്കേറ്റതെന്നും ആശുപത്രിയിലായതെന്നും കൊല്ലം സ്വദേശി പറയുന്നു.

എന്നാൽ  കൂടുതൽ കാര്യങ്ങൾ തനിക്ക്​ അറിയില്ല. അന്നുണ്ടായിരുന്ന ഇദ്ദേഹത്തി​​​​െൻറ സുഹൃത്തുക്കൾ വർഷങ്ങൾക്ക്​ മു​െമ്പ നാട്ടിൽ പോയി. മികച്ച പെയിൻറർ എന്ന നിലക്കും മറ്റ്​ ഏത്​ ജോലികൾ ചെയ്യുന്നതിലും സാമർഥ്യം പ്രകടിപ്പിച്ചിരുന്നയാളാണ്​ പൊന്നൻ. അതേസമയം വാർത്ത പ്രസിദ്ധീകരിച്ചതിനെ തുടർന്ന്​ ലഭിച്ച ഇൗ വെളിപ്പെടുത്തൽ മലയാളി സാമൂഹിക പ്രവർത്തകർക്കും പ്രതീക്ഷക്ക്​ വക നൽകിയിരിക്കുകയാണ്​. സ്വന്തം പേരോ വിലാസമോ പോലും ശരിക്ക്​ ഒാർമയില്ലാ​െത കഴിയുന്ന ‘പൊന്നൻ’  മുഹറഖ് ജെറിയാട്രിക് ആശുപത്രിയിലാണ്​ കഴിയുന്നത്​. ആവർത്തിച്ച്​ ചോദിക്കു​േമ്പാൾ പൊന്നപ്പൻ എന്നും  സ്ഥലം എറണാകുളം തോപ്പുംപടിയാണെന്നും പറയും.

ഇതും ചിലപ്പോൾ മാറ്റിപ്പറയും. മറ്റൊന്നും ഒാർമയി​ല്ലെന്നാണ്​ പറയുന്നതും. ആശുപത്രി രേഖകളിൽ ‘പുരു ’എന്നും 2011 ൽ 45 വയസും എന്നാണ്​ രേഖപ്പെടുത്തിയിരിക്കുന്നത്​. വരും ദിവസങ്ങളിൽ ‘പൊന്ന’നെ കുറിച്ചുള്ള കൂടുതൽ വിവരങ്ങൾ ലഭിക്കുമെന്നും നാട്ടിലെ ബന്​ധുക്കളുടെ അടുത്തേക്ക്​ എത്തിക്കാൻ കഴിയുമെന്ന വിശ്വാസത്തിലുമാണ്​ മലയാളി സാമൂഹിക പ്രവർത്തകർ.