മലയാളി ജീവനൊടുക്കിയ നിലയിൽ 

മനാമ: ബഹ്​റൈനിൽ പ്രവാസി മലയാളി ജീവനൊടുക്കിയ നിലയിൽ. കോഴിക്കോട്​ പയ്യോളി സ്വദേശി അർഷാദ്​ ഉതിരു പറമ്പിലിനെ (28)യാണ്​ താമസസ്ഥലത്ത്​ തൂങ്ങിമരിച്ച നിലയിൽ കണ്ടെത്തിയത്​. അ​ൈസനാർ^മറിയം ദമ്പതികളുടെ മകനായ ഇദ്ദേഹം വർഷങ്ങളായി ബഹ്​റൈനിൽ കച്ചവടം നടത്തുകയാണ്​. സഹോദരൻ മുഹമ്മദ്​ സുനീർ ബഹ്​റൈനിലുണ്ട്​.  

കൂട്ടുകച്ചവടത്തിന്​  പണം നൽകിയ ചില മലയാളികൾ  പണം തിരികെ ചോദിച്ച്​ അർഷാദിനെ നിരന്തരം ശല്ല്യം ചെയ്​തിരുന്നതായി പറയപ്പെടുന്നു. ഇതിനെ തുടർന്നുള്ള മാനസിക സംഘർഷമാണ്​ അർഷാദ്​ ജീവനൊടുക്കാൻ കാരണമെന്നാണ്​ ആക്ഷേപം. പോലീസ്​ എത്തി മറ്റ്​ നടപടിക്രമങ്ങൾ പൂർത്തിയാക്കിയശേഷം മൃതദേഹം സൽമാനിയ മെഡിക്കൽ കോംപ്ലക്​സ്​ മോർച്ചറിയിൽ സൂക്ഷിച്ചിരിക്കുകയാണ്​. മൃതദേഹം നാട്ടിലേക്ക് കൊണ്ടു പോവുന്നതിനുള്ള നടപടി ക്രമങ്ങള്‍ സാമൂഹ്യപ്രവര്‍ത്തകനും കെ എം സി സി ഭാരവാഹിയുമായ സലാം മമ്പാട്ടുമൂലയുടെ നേതൃത്വത്തില്‍ നടന്നു വരുന്നു.