മലയാളം മിഷന്‍  അധ്യാപക പരിശീലന  ശില്‍പശാല  സംഘടിപ്പിച്ചു

മനാമ: മലയാളംമിഷന്‍ ബഹ്‌റൈൻ ചാപ്റ്ററി​​​െൻറ നേതൃത്വത്തില്‍ ബഹ്റൈൻ കേരളീയ സമാജത്തിൽ അധ്യാപക പരിശീലന  ശില്‍പശാല  സംഘടിപ്പിച്ചു.
സമാജം പാഠശാല, ശ്രീനാരായണ കൾച്ചറൽ സൊസൈറ്റി, കേരളം സോഷ്യൽ ആൻറ്​ കൾച്ചറൽ അസോസിയേഷൻ ,ഗുരുദേവ സർവീസ് സൊസൈറ്റി എന്നിവിടങ്ങളിൽനിന്ന് അധ്യാപകർ ശില്‍പശാലയില്‍ പങ്കെടുത്തു. മലയാളം മിഷന്‍ അധ്യാപകനും   പരിശീലകനുമായ കേശവൻ നമ്പീശൻ ശില്‍പശാലക്ക് നേതൃത്വം  നൽകി. 

ഉദ്ഘാടനം സമാജംആക്​ടിങ് പ്രസിഡൻറ്​ പി.എൻ മോഹൻ രാജ് നിർവഹിച്ചു. ആക്ടിങ്  സാഹിത്യവിഭാഗം സെക്രട്ടറി അനു തോമസ് , പാഠശാല പ്രിൻസിപ്പൽ സുധി പുത്തൻവേലിക്കര , കൺവീനർ നന്ദകുമാർ എന്നിവര്‍ ചടങ്ങില്‍ സംബന്ധിച്ചു. ശ്രീനാരായണ കൾച്ചറൽ സൊസൈറ്റി കൺവീനർ  ഗോകുൽ , കേരളം സോഷ്യൽ ആൻഡ് കൾച്ചറൽ അസോസിയേഷൻ കൺവീനർ സതീഷ് ടി എൻ , ഗുരുദേവ സർവീസ് സൊസൈറ്റി കൺവീനർ  ജോസ് കുമാർ എന്നിവർ പരിശീലനത്തിന് സഹകരിച്ചു.