തൊ​ഴി​ലാ​ളി​ക​ൾ​ക്ക് ഗു​ണ​ക​ര​മാ​യ തീ​രു​മാ​ന​ങ്ങ​ൾ

ബഹ്റൈനിലെ തൊഴിൽ നിയമങ്ങൾ എന്തൊക്കെയാണെന്നത് ഓരോ വിദേശ തൊഴിലാളിയും നിർബന്ധമായും അറിഞ്ഞിരിക്കേണ്ടതാണ്. ഇത് അറിയാത്തതുകൊണ്ടാണ് പല വഞ്ചനകളിലും പ്രയാസങ്ങളിലും പ്രവാസി തൊഴിലാളികൾ അകപ്പെടുന്നത്. അടിസ്​ഥാനപരമായി തൊഴിലാളികൾ അറിഞ്ഞിരിക്കേണ്ട നിയമങ്ങളെക്കുറിച്ച പംക്തിയാണിത്. പ്രവാസികളുടെ സംശയങ്ങൾക്കുള്ള മറുപടിയും പംക്തിയിലൂടെ ലഭ്യമാകും. bahrain@gulfmadhyamam.net എന്ന വിലാസത്തിലോ 39203865 വാട്​സാപ്​ നമ്പറിലോ സംശയങ്ങൾ അയക്കാം. ഇ​വി​ടെ ന​ൽ​കു​ന്ന വി​വ​ര​ങ്ങ​ൾ നി​യ​മോ​പ​ദേ​ശ​മാ​യി ക​ണ​ക്കാ​ക്ക​രു​ത്. വ്യ​ക്​​ത​മാ​യ നി​യ​മോ​പ​ദേ​ശം ല​ഭി​ക്കാ​ൻ ഒ​രു ബ​ഹ്​​റൈ​നി അ​ഭി​ഭാ​ഷ​ക​നെ സ​മീ​പി​ക്ക​ണം.

ഇൗ ​വ​ർ​ഷം തൊ​ഴി​ലാ​ളി​ക​ൾ​ക്ക് ഗു​ണ​ക​ര​മാ​യ ചി​ല തീ​രു​മാ​ന​ങ്ങ​ൾ നി​ല​വി​ൽ വ​ന്നി​ട്ടു​ണ്ട്

1. തൊ​ഴി​ൽ വി​സ തീ​രു​ന്ന സ​മ​യ​ത്ത് തൊ​ഴി​ലാ​ളി ഇ​വി​ടെ ഇ​ല്ലെ​ങ്കി​ലും തൊ​ഴി​ൽ വി​സ പു​തു​ക്കാ​ൻ സാ​ധി​ക്കും. അ​താ​യ​ത്, വി​ദേ​ശ​ത്തു​നി​ന്നു​ത​ന്നെ ഇ​വി​ട​ത്തെ തൊ​ഴി​ൽ വി​സ പു​തു​ക്കാ​ൻ സാ​ധി​ക്കും. നേ​ര​ത്തേ ഇ​വി​ടെ ഉ​ള്ള​​പ്പോ​ൾ മാ​ത്ര​മേ അ​ത് സാ​ധി​ക്കു​മാ​യി​രു​ന്നു​ള്ളൂ.

2. എ​ന്തെ​ങ്കി​ലും ആ​വ​ശ്യ​മു​ണ്ടെ​ങ്കി​ൽ വി​ദേ​ശ​ത്തു​നി​ന്ന് ത​ന്നെ ഇ​വി​ടെ താ​മ​സി​ച്ച കാ​ല​യ​ള​വി​ലെ സി.​ഐ.​ഡി ക്ലി​യ​റ​ൻ​സ് ഓ​ൺ​ലൈ​ൻ വ​ഴി അ​പേ​ക്ഷ ന​ൽ​കി​യാ​ൽ ല​ഭി​ക്കും. അ​തി​നു​ള്ള രേ​ഖ​ക​ളും ഓ​ൺ​ലൈ​നാ​യി സ​മ​ർ​പ്പി​ക്ക​ണം.

3. ആ​റു​മാ​സ​ത്തെ കാ​ലാ​വ​ധി​ക്കു​ള്ള തൊ​ഴി​ൽ വി​സ ഇ​പ്പോ​ൾ ല​ഭി​ക്കും. അ​തു​പോ​ലെ തൊ​ഴി​ൽ വി​സ പു​തു​ക്കാ​നും സാ​ധി​ക്കും. നേ​ര​ത്തേ ഇ​ത് കു​റ​ഞ്ഞ​ത് ഒ​രു വ​ർ​ഷ​മാ​യി​രു​ന്നു.

ശ​മ്പ​ളം ല​ഭി​ക്കു​ന്നി​ല്ലെ​ങ്കി​ൽ എ​ന്തു ചെ​യ്യ​ണം

?ഞാ​ൻ ഒ​രു സ്വ​കാ​ര്യ​സ്ഥാ​പ​ന​ത്തി​ൽ ജോ​ലി ചെ​യ്തു​വ​രു​ക​യാ​ണ്. ഡി​സം​ബ​റി​ൽ എ​ന്റെ ക​രാ​ർ അ​വ​സാ​നി​ക്കും. വി​സ കാ​ലാ​വ​ധി ജ​നു​വ​രി​യി​ൽ അ​വ​സാ​നി​ക്കും. എ​നി​ക്ക് നാ​ലു മാ​സ​ത്തെ ശ​മ്പ​ള​വും വാ​ർ​ഷി​ക ലീ​വ് ശ​മ്പ​ള​വും ഇ​തു​വ​രെ ല​ഭി​ച്ചി​ട്ടി​ല്ല. ഇ​ൻ​ഡ​മ്നി​റ്റി​യും ല​ഭി​ച്ചി​ട്ടി​ല്ല. എ​ല്ലാ ദി​വ​സ​വും ഞാ​ൻ കു​ടി​ശ്ശി​ക ആ​വ​ശ്യ​പ്പെ​ടു​ന്നു​ണ്ടെ​ങ്കി​ലും ന​ട​പ​ടി​യി​ല്ല. ഞാ​ൻ ഇ​നി എ​ന്താ​ണ് ചെ​യ്യേ​ണ്ട​ത് -രാം ​മ​നോ​ഹ​ർ

• താ​ങ്ക​ൾ​ക്ക് ശ​മ്പ​ള​ക്കു​ടി​ശ്ശി​ക ആ​വ​ശ്യ​പ്പെ​ട്ട് എ​ൽ.​എം.​ആ​ർ.​എ​യി​ൽ പ​രാ​തി ന​ൽ​കാ​ൻ സാ​ധി​ക്കും. വേ​റെ നി​യ​മ​ന​ട​പ​ടി​ക​ൾ ഒ​ന്നും എ​ടു​ക്കാ​ൻ ക​ഴി​യു​ക​യി​ല്ല. വി​സ​യു​ടെ കാ​ലാ​വ​ധി ക​ഴി​ഞ്ഞാ​ൽ പി​ന്നെ ഇ​വി​ടെ താ​മ​സി​ക്കു​ക​യോ ജോ​ലി ചെ​യ്യു​ക​യോ ചെ​യ്യ​രു​ത്. ഇ​പ്പോ​ൾ ജോ​ലി ചെ​യ്യു​ന്ന തൊ​ഴി​ലു​ട​മ​യു​ടെ കൂ​ടെ​പോ​ലും വി​സ ക​ഴി​ഞ്ഞാ​ൽ പി​ന്നെ ജോ​ലി ചെ​യ്യാ​ൻ പാ​ടി​ല്ല.

സാ​ധി​ക്കു​മെ​ങ്കി​ൽ വി​സ തീ​രു​ന്ന​തി​നു​മു​മ്പേ എ​ൽ.​എം.​ആ​ർ.​എ​യി​ൽ പ​രാ​തി ന​ൽ​കി ഒ​രു ബ​ഹ്റൈ​നി അ​ഭി​ഭാ​ഷ​ക​ന് പ​വ​ർ ഓ​ഫ് അ​റ്റോ​ണി ന​ൽ​കി ഇ​വി​ടെ​നി​ന്ന് തി​രി​കെ​പ്പോ​ക​ണം. അ​ല്ലെ​ങ്കി​ൽ വേ​റെ തൊ​ഴി​ൽ​വി​സ എ​ടു​ക്ക​ണം. അ​താ​ണ് താ​ങ്ക​ൾ​ക്ക് നി​യ​മ​പ​ര​മാ​യി ഇ​വി​ടെ തു​ട​രാ​ൻ ന​ല്ല​ത്. വി​സ തീ​രു​ന്ന​തി​നു​മു​മ്പേ വി​സ റ​ദ്ദ് ചെ​യ്ത് പാ​സ്​​പോ​ർ​ട്ട് വാ​ങ്ങി​ക്ക​ണം. അ​തി​ന് സാ​ധി​ക്കു​ന്നി​ല്ലെ​ങ്കി​ൽ ഇ​ന്ത്യ​ൻ എം​ബ​സി​യു​ടെ സ​ഹാ​യം തേ​ട​ണം. അ​വി​ടെ​നി​ന്നും നി​യ​മ​സ​ഹാ​യം ല​ഭി​ക്കും.