മത നിരപേക്ഷത നേരിടുന്നത്​ കടുത്ത വെല്ലുവിളിയെന്ന്​ സ്വരാജ്​

മനാമ : സമകാലിക ഇന്ത്യയിൽ മത നിരപേക്ഷത അപകടകരമായ വെല്ലുവിളികൾ നേരിടുയാണെന്നും അതിനെതിരെ മത നിരപേക്ഷ ശക്തികളുടെ കൂട്ടായ്മ ഉയർന്നു വരേണ്ടതുണ്ടന്നും എം. സ്വരാജ് എം.എൽ.എ പറഞ്ഞു.‘പ്രതിഭ’യുടെ ആഭിമുഖ്യത്തിൽ സംഘടിപ്പിച്ച ഇ.എം.എസ്^എ.കെ.ജി ദിനാചരണ പരിപാടിയിൽ അനുസ്​മരണ പ്രഭാഷണം നടത്തുകയായിരുന്നു അദ്ദേഹം. ഇന്ത്യക്കു ഒരു ആന്തരികമായ കരുത്തുണ്ട് . അത് മത നിരപേക്ഷ പാരമ്പര്യത്തി​​െൻറ കരുത്താണ്. ചരിത്രം പരിശോധിച്ചാൽ ബുദ്ധനും, അശോക ചക്രവർത്തിയുമെല്ലാം ഈ മൂല്യം ഉയർത്തിപിടിച്ചവരാണെന്ന് കാണാൻ കഴിയും. ഇന്ത്യയിൽ ഒരുകാലത്തും ഭരിക്കുന്ന വ്യക്തിയുടെ മതമോ ജാതിയോ നോക്കി ഒരു രാഷ്​ട്രീയ ചർച്ചയും ഉണ്ടായിട്ടില്ല.ഹിന്ദുക്കൾ ഭൂരിപക്ഷമുള്ള ഈ രാജ്യത്ത് ദീർഘ കാലം ഭരണം നടത്തിയിരുന്നത് ദൽഹി സുൽത്താൻമാരും മുഗൾ ചക്രവർത്തിമാരും ആയിരുന്നു. ഇന്ത്യയിൽ മുസ്​ലിം മതവിശ്വാസികൾ നിരവധി തവണ ഉന്നത  ഭരണാധികാരികളായിട്ടുണ്ട് . അന്നൊന്നും താക്കോൽ സ്ഥാനത്ത് വരുന്നവരുടെ മതവും ജാതിയും ഒന്നും പ്രശ്നമല്ലായിരുന്നു . ഇന്ന് സ്ഥിതിഗതികൾ മാറി.  അതിന്​ കാരണമായത്​ ആർ.എസ്​.എസിനാൽ നിയന്ത്രിക്കപ്പെടുന്ന ബി.ജെ.പി എന്ന രാഷ്​ട്രീയ പാർട്ടിക്ക് കഴിഞ്ഞ ലോകസഭാ തിരഞ്ഞെടുപ്പിൽ തനിച്ച്​ ഭരിക്കാനുള്ള ഭൂരിപക്ഷം കിട്ടിയതാണ്. ലോകത്തിലെ തന്നെ മറ്റൊരു സംഘടനയുമായി താരതമ്യം ചെയ്യാൻ പോലും കഴിയാത്ത തരത്തിലുള്ള ലക്ഷണമൊത്ത ഫാഷിസ്​റ്റ്​ ഭീകര സംഘടനയാണ്​ ആർ.എസ്​.എസ്​. മുസ്സോളിനിയും ഹിറ്റ്​ലറും കൊണ്ടുനടന്ന ആശയങ്ങൾ തന്നെയാണ്​ ആർ.എസ്​.എസും ഉയർത്തിപ്പിടിക്കുന്നത്. ഇന്ത്യയുടെ ഭീഷണിയായി അവർ കാണുന്നത്​ മുസ്​ലിങ്ങളെയും ക്രിസ്​ത്യാനികളെയും കമ്മ്യൂണിസ്​റ്റുകാരെയുമാണ്​. 

ഇക്കാര്യം എഴുതിവച്ചിരിക്കുന്ന പുസ്തകമാണ് ‘വിചാരധാര’. അത് പ്രാമാണിക ഗ്രന്ഥമായി അംഗീകരിച്ച സംഘടനയാണ്​ ആർ.എസ്​.എസ്. അവർക്ക്​ മറ്റു ജനവിഭാഗങ്ങളെ അസഹിഷ്ണുതയോടെ മാത്രമേ നോക്കി കാണാൻ കഴിയുകയുള്ളൂ. ആർ.എസ്​.എസ് നിയന്ത്രിത ഭരണം തുടർന്നാൽ രാജ്യം നിരപരാധികളായ മനുഷ്യരുടെ ശ്മശാന ഭൂമി ആയി മാറും. ദേശീയത തർക്കവിഷയം ആയി ഉയർത്തികൊണ്ടുവന്ന്​ എതിർക്കുന്നവരെയെല്ലാം ദേശദ്രോഹികൾ എന്ന മുദ്രചാർത്തുകയാണ് സംഘ്​ പരിവാർ. ഇന്ത്യൻ മത നിരപേക്ഷത ആക്രമിക്കപ്പെടുമ്പോൾ അത് ഉയർത്തിപ്പിടിക്കാൻ ബാധ്യതപ്പെട്ട കോൺഗ്രസ് എന്ന രാഷ്​ട്രീയ പാർട്ടി എവിടെ എത്തി നിൽക്കുന്നു എന്നതും ഈ അവസരത്തിൽ ചിന്തിക്കേണ്ടതുണ്ട്.കഴിഞ്ഞ 40 കൊല്ലമായി തോറ്റുകൊണ്ടേയിരിക്കുന്ന രാഷ്​ട്രീയ പാർട്ടിയായി കോൺഗ്രസ് മാറി. 

ഇന്ത്യയിൽ മത നിരപേക്ഷതയുടെ ഒരു ബദൽ ഉയർന്നു വരിക തന്നെ ചെയ്യും. അതിനുള്ള പോരാട്ടങ്ങൾക്ക് കരുത്ത് പകരുന്നതാണ് ഇ.എം.എസ്​^എ.കെ.ജി സ്​മരണ. ഒാർമ പുതുക്കൽ കേവലം അനുഷ്ഠാനമല്ലെന്നും മറിച്ച് പോരാട്ടങ്ങൾക്കുള്ള ഊർജ്ജം ആർജിക്കലാണെന്നും അദ്ദേഹം പറഞ്ഞു.
 അസാധാരണ വ്യക്തിത്വത്തി​​െൻറ ഉടമകളായിരുന്നു എ.കെ.ജിയും ഇ.എം.എസും. സ്വാതന്ത്ര്യത്തി​​െൻറ പൊൻപുലരി ദിനത്തിലും അധ്വാനിക്കുന്നവന് വേണ്ടി ജയിലിൽ കിടക്കേണ്ടി വന്ന എ.കെ.ജി അടിച്ചമർത്തപ്പെട്ട ജനവിഭാഗങ്ങളുടെ പ്രതീകം ആയിരുന്നു.ഇന്ത്യൻ പാർലമ​െൻറിലെ ഇടതുപക്ഷ രാഷ്​ട്രീയത്തി​​െൻറ നാവായിരുന്നു അദ്ദേഹമെന്നും സ്വരാജ്​ കൂട്ടിച്ചേർത്തു. അദ്​ലിയ ബാങ്​ സാങ് തായ് ഹാളിൽ നടന്ന അനുസ്മരണ പരിപാടിയിൽ പി.കെ.രാജേഷ്  അധ്യക്ഷനായിരുന്നു. 

മഹേഷ് മൊറാഴ സ്വാഗതം ആശംസിക്കുകയും സി.വി.നാരായണൻ ആശംസ പ്രസംഗം നടത്തുകയും ചെയ്തു. ‘പ്രതിഭ’യുടെ സ്നേഹോപഹാരം എം. സ്വരാജിന് സി.വി.നാരായണൻ സമർപ്പിച്ചു. കേരളീയ സമാജം പ്രസിഡൻറ്​ പി.വി. രാധാകൃഷ്ണപിള്ള, ജനറൽ സെക്രട്ടറി എൻ.കെ.വീരമണി തുടങ്ങിയവർ ചടങ്ങിൽ പങ്കെടുത്തു.