ആഡംബര കപ്പലുകൾ ബഹ്റൈനിലെത്തി

മനാമ: 5,600 യൂറോപ്പ്യൻ സഞ്ചാരികളുമായി രണ്ട്​ ആഡംബര കപ്പലുകൾ ‘എം.എസ്.സി സ്​പ്ലെൻഡിഡ’, എ.​െഎ.ഡി.എ എന്നിവ  ബഹ്​റൈനിലെ ഖലീഫ ബിൻ സൽമാൻ പോർട്ടിലെത്തി. ദ ബഹ്​റൈൻ ടൂറിസം ആൻറ്​ എക്​സിബിഷൻസ്​ അതോറിട്ടി (ബി.ടി.ഇ.എ) അറിയിച്ചതാണിത്​. ദുബായിൽ നിന്നും അബുദാബി, ബാനി യാസ് ഐലൻഡ്​ എന്നിവിടങ്ങൾ സന്ദർശിച്ചാണ്​  ‘എം.എസ്.സി സ്​പ്ലെൻഡിഡ’, കപ്പൽ ഇവിടെയെത്തിയത്​. കഴിഞ്ഞ നവംബറിൽ ആരംഭിച്ച കപ്പൽസീസണിലെ ബഹ്​​ൈ​റനിൽ എത്തുന്ന ഏറ്റവും വലിയ ആഡംബര കപ്പലാണിത്​. 330 മീറ്റർ ഉയരവും 67 മീറ്റർ ഉയരവും 38 മീറ്റർ വീതിയും ‘എം.എസ്.സി സ്​പ്ലെൻഡിഡ’ യിൽ 18 ഡെക്കുകൾ ഉൾപ്പെടുന്നുണ്ട്​.  ഇതിൽ 14 എണ്ണം യാത്രക്കാർക്കായി നീക്കിവച്ചിട്ടുമുണ്ട്​.

ഇൗ അത്യന്താധുനിക കപ്പലിൽ  3,816 യാത്രക്കാരും 1,313 ജീവനക്കാരുമാണ്​ ഉള്ളത്​. സന്ദർശകർ ബഹ്​റൈ​​​െൻറ പ്രാധാന്യമുള്ള സ്ഥലങ്ങളിൽ എത്തി. ബഹ്റൈൻ ഇൻറർനാഷണൽ സർക്യൂട്ട്, ബഹ്റൈൻ ഫോർട്ട്, ബഹ്റൈൻ നാഷണൽ മ്യൂസിയം, ബഹ്റൈൻ ഫിനാൻഷ്യൽ ഹാർബർ തുടങ്ങിയ പ്രമുഖ കേന്ദ്രങ്ങൾ കപ്പൽ യാത്രികർ സന്ദർശിച്ചു. ബഹ്റൈൻ ടൂറിസം ആൻറ്​ എക്സിബിഷൻസ് അതോറിറ്റി ചീഫ് എക്സിക്യൂട്ടീവ്  ശൈഖ്​ ഖാലിദ് ബിൻ ഹമുദ് അൽ ഖലീഫ ക്യാപ്റ്റൻമാർക്ക്​  ഉപഹാരം കൈമാറി. രാജ്യത്തി​​​െൻറ ചരിത്ര, സാംസ്​ക്കാരിക, നാഗരിക സംസ്​ക്കാരങ്ങൾ ഇവിടെയെത്തിയ വിദേശികൾക്ക്​ കൗതുകവും ആഹ്ലാദവും നൽകിയെന്നത്​ ടൂറിസം അധികൃതരെയും ആഹ്ലാദപ്പെടുത്തിയിട്ടുണ്ട്​. പുതുവർഷത്തി​​​െൻറ ആരംഭത്തിൽതന്നെ ആഡംബര കപ്പലുകളിലെ സന്ദർശകരുടെ ഒഴുക്കുണ്ടായത്​ ടൂറിസം മേഖല അതീവ താൽപ്പര്യത്തോടെയാണ്​ കാണുന്നത്​.