ലുലുവിൽ ഡൗൺ സിൻഡ്രോം ബോധവത്കരണം സംഘടിപ്പിച്ചു

മനാമ: ലോക ഡൗൺ സിൻഡ്രോം ദിനാചരണത്തിന്റെ ഭാഗമായി ദാന മാൾ ലുലു ഹൈപ്പർ മാർക്കറ്റിൽ ബോധവത്കരണ പരിപാടി സംഘടിപ്പിച്ചു. ഡൗൺ സിൻഡ്രോം ബാധിതരായ കുട്ടികളെയും മുതിർന്നവരെയും സമൂഹത്തിന്റെ ഭാഗമാക്കി മാറ്റുക എന്ന ഉദ്ദേശ്യത്തോടെ സംഘടിപ്പിച്ച നടത്തവും പരിപാടിയുടെ ഭാഗമായിരുന്നു. വൺ ഹാർട്ട് ഗ്രൂപ് സംഘടിപ്പിച്ച നടത്തത്തിൽ 160ഓളം പേർ പങ്കെടുത്തു. ഇത്തരമൊരു ബോധവത്കരണ പരിപാടി സംഘടിപ്പിച്ചതിൽ സന്തോഷമുണ്ടെന്ന് ലുലു ഗ്രൂപ് ഡയറക്ടർ ജുസെർ രൂപവാല പറഞ്ഞു.