ലു​ലു​വി​ൽ ‘മാം​ഗോ മാ​നി​യ’; 14 രാ​ജ്യ​ങ്ങ​ളി​ലെ മാ​മ്പ​ഴ​ങ്ങ​ൾ വാ​ങ്ങാം

മ​നാ​മ: ലു​ലു ഹൈ​പ്പ​ർ​മാ​ർ​ക്ക​റ്റു​ക​ളി​ൽ ‘മാം​ഗോ മാ​നി​യ’ മാ​മ്പ​ഴ​മേ​ള തു​ട​ങ്ങി. ഇ​ന്ത്യ, മ​ലേ​ഷ്യ, താ​യ്‍ല​ൻ​ഡ്, ശ്രീ​ല​ങ്ക, അ​മേ​രി​ക്ക, ഇ​ന്തോ​നേ​ഷ്യ, യ​മ​ൻ, മൊ​റോ​ക്കോ, യു​ഗാ​ണ്ട, കെ​നി​യ, ഐ​വ​റി കോ​സ്റ്റ്, കൊ​ളം​ബി​യ, പെ​റു എ​ന്നീ രാ​ജ്യ​ങ്ങ​ളി​ൽ​നി​ന്നു​ള്ള 85 ത​രം മാ​മ്പ​ഴ​ങ്ങ​ൾ വി​ൽ​പ​ന​ക്കെ​ത്തി​യി​ട്ടു​ണ്ട്. ഇ​തു​കൂ​ടാ​തെ ബ​ഹ്റൈ​നി​ലെ വ്യ​ത്യ​സ്ത ഇ​നം മാ​മ്പ​ഴ​ങ്ങ​ളു​ടെ വ​ലി​യ നി​ര​യും പ്ര​ദ​ർ​ശി​പ്പി​ച്ചി​ട്ടു​ണ്ട്.

സ​ന്ദ​ർ​ശ​ക​ർ​ക്ക് മാ​മ്പ​ഴ​ത്തോ​ട്ട​ത്തി​ലെ​ത്തി​യ പ്ര​തീ​തി ജ​നി​പ്പി​ക്കു​ന്ന ത​ര​ത്തി​ലു​ള്ള നെ​ടു​ങ്ക​ൻ ഡി​സ്​േ​​​​പ്ല ആ​ക​ർ​ഷ​ണീ​യ​മാ​ണ്. അ​മ്മി​ണി, പ്രി​യൂ​ർ, ദി​ൽ​പ​സ​ന്ത്, സി​ന്ദൂ​രം, അ​ൽ​ഫോ​ൻ​സ, തോ​ട്ടാ​പ്പു​രി, വാ​ഴ​പ്പൂ, മ​ൽ​ഗോ​വ, ല​ങ്ക​ട, ഹി​മ​പ​സ​ന്ത് തു​ട​ങ്ങി​യ ഇ​ന്ത്യ​ൻ ഇ​ന​ങ്ങ​ൾ ആ​രെ​യും മോ​ഹി​പ്പി​ക്കു​ന്ന​താ​ണ്. ഇ​വ​ക്കു​പു​റ​മെ കേ​ര​ള​ത്ത​നി​മ​യു​ള്ള കി​ളി​ച്ചു​ണ്ട​ൻ മാ​മ്പ​ഴ​വും വി​ൽ​പ​ന​ക്കു​ണ്ട്.

അ​തി​മ​ധു​ര​മു​ള്ള വി​ദേ​ശ മാ​മ്പ​ഴ​ങ്ങ​ൾ വാ​ങ്ങാ​നും ഏ​റെ തി​ര​ക്കാ​ണ് അ​നു​ഭ​വ​പ്പെ​ടു​ന്ന​ത്. മാ​മ്പ​ഴം കൊ​ണ്ടു​ള്ള നി​ര​വ​ധി വി​ഭ​വ​ങ്ങ​ളും വി​ൽ​പ​ന​ക്കു​ണ്ട്. മാ​മ്പ​ഴ ഐ​സ്ക്രീം, പു​ഡ്ഡി​ങ് മു​ത​ൽ മാ​മ്പ​ഴ​മി​ട്ട് വെ​ച്ച സ്വാ​ദി​ഷ്ഠ​മാ​യ മീ​ൻ​ക​റി​യും വാ​ങ്ങാം. മാം​ഗോ ചി​ക്ക​ൻ ക​റി, തേ​ൻ മാം​ഗോ സോ​സ്, അ​ച്ചാ​റു​ക​ൾ, ആം​രാ​സ് (മാ​മ്പ​ഴം പൂ​രി), മാ​മ്പ​ഴ​പ്പു​ളി​ശ്ശേ​രി മു​ത​ൽ മാ​ങ്ങ വി​ഭ​വ​ങ്ങ​ളു​ടെ നീ​ണ്ട നി​ര​ത​ന്നെ ഒ​രു​ക്കി​യി​ട്ടു​ണ്ട്.

വി​വി​ധ​ത​രം മാ​ങ്ങ അ​ച്ചാ​റു​ക​ൾ, ഉ​പ്പി​ലി​ട്ട​ത് എ​ന്നി​വ ക​ണ്ടാ​ൽ ത​ന്നെ വാ​യി​ൽ വെ​ള്ള​മൂ​റും. ‘മാം​ഗോ മാ​നി​യ’​യു​ടെ ഉ​ദ്ഘാ​ട​നം ദാ​ന മാ​ളി​ൽ ഇ​ന്ത്യ​ൻ അം​ബാ​സ​ഡ​ർ പി​യൂ​ഷ് ശ്രീ​വാ​സ്ത​വ നി​ർ​വ​ഹി​ച്ചു. ബ​ഹ്‌​റൈ​നി​ന് ന​ല്ല മാ​മ്പ​ഴ രു​ചി പ്ര​ദാ​നം ​ചെ​യ്യു​ന്ന​തി​ലൂ​ടെ ലു​ലു വ​ലി​യ സേ​വ​ന​മാ​ണ് നി​ർ​വ​ഹി​ക്കു​ന്ന​തെ​ന്ന് അ​ദ്ദേ​ഹം പ​റ​ഞ്ഞു. ലു​ലു ഗ്രൂ​പ് ഡ​യ​റ​ക്ട​ർ ജു​സ​ർ രൂ​പാ​വാ​ല, മ​റ്റ് മു​തി​ർ​ന്ന ഉ​ദ്യോ​ഗ​സ്ഥ​ർ എ​ന്നി​വ​ർ സ​ന്നി​ഹി​ത​രാ​യി​രു​ന്നു.

പാ​ച​ക മ​ത്സ​രം, ഗെ​യി​മു​ക​ൾ, ഫ്ലാ​ഷ് മോ​ബ് എ​ന്നി​വ​യും ഉ​ദ്ഘാ​ട​ന​ത്തോ​ട​നു​ബ​ന്ധി​ച്ച് ന​ട​ന്നു. പാ​ച​ക മ​ത്സ​ര​ത്തി​ൽ 500 യു.​എ​സ് ഡോ​ള​റി​ന്റെ സ​മ്മാ​ന​ത്തി​ന് സ​ഫ്നാ​സ് ത​ര​ൻ​ചാ​ണ്ടി, ആ​ദി​യ ആ​ലി​ക്ക​ൽ, സ​ഫീ​ന റാ​ഫി എ​ന്നി​വ​ർ അ​ർ​ഹ​രാ​യി. ഫെ​സ്റ്റി​വ​ൽ 23 വ​രെ നീ​ളും.