ശ്രീലങ്കൻ ഭക്ഷ്യ, സാംസ്​ക്കാരിക മേളക്ക്​ ലുലുവിൽ വർണ്ണപ്പകിട്ടാർന്ന തുടക്കം

മനാമ: ആഗോളതലത്തിൽ പ്രശസ്​തമാണ്​ ശ്രീലങ്കൻ രുചിയും ഒപ്പം ആ നാടി​​​െൻറ കലയും. ഇൗ രണ്ട്​ ആകർഷണീയ ഘടകങ്ങളെയും കൂട്ടിയിണക്കിക്കൊണ്ട്​ ലുലു ഹൈപ്പർമാർക്കറ്റിൽ ആരംഭിച്ച മേളക്ക്​ തുടക്കമായി. ജുഫൈർ ലുലു മാളിൽ മേളയുടെ ഉദ്​ഘാടനം ബഹ്​റൈൻ മുൻ മന്ത്രിയും ബിൻ ജുമ ഹോൾഡിങ്​ കമ്പനി ചെയർമാനുമായ അബ്​ദുല്ല ജുമ നിർവഹിച്ചു. ചടങ്ങിൽ ബഹ്​റൈനിലെ ശ്രീലങ്കൻ അംബാസഡർ ഡോ.എ.സാജ്​ യു.മെൻദെസ്​, ഇന്ത്യൻ അംബാസഡർ അലോക്​കുമാർ സിൻഹ, യു.കെ, ഫിലിപ്പീൻസ്​ അംബാസഡർമാർ, വ്യവസായ, വ്യാപാര, ടൂറിസം മന്ത്രാലയത്തിലെ അസി.അണ്ടർ സെക്രട്ടറി ഹമദ്​ യൂസഫ്​ റഹ്​മ, ആഫ്രോ^ഏഷ്യൻ കാര്യ ഡയറക്​ടർ മുന അബ്ബാസ്​ മഹ്​മൂദ്​ തുടങ്ങിയവർ സംബന്​ധിച്ചു. ത്രിദ്വിന മേള ഡിസംബർ ഒന്നുവരെ തുടരും. ശ്രീലങ്കൻ എംബസിയുടെ പിന്തുണയോടെയാണ്​ ഇൗ മേള സംഘടിപ്പിക്കുന്നതെന്ന്​ ലുലു ഗ്രൂപ്പ്​ ഡയറക്​ടർ ജൂസർ രൂപവാല പറഞ്ഞു. ഉദ്​ഘാടനത്തിനുശേഷം വിശിഷ്​ടാതിഥികൾ ലുലു മാളിൽ ശ്രീലങ്കൻ ഭക്ഷ്യ, സാംസ്​ക്കാരിക മേള നടക്കുന്ന സ്ഥലം സന്ദർശിച്ചു.