ദക്ഷിണ മേഖല ഗവർണറേറ്റിൽ എൽ.എം.ആർ.എ പരിശോധന

മനാമ: ദക്ഷിണ മേഖല ഗവർണറേറ്റ്​ പരിധിയിൽ കഴിഞ്ഞ ദിവസം എൽ.എം.ആർ.എ പരി​ശോധന നടത്തി. നാഷനാലിറ്റി, പാസ്​പോർട്ട്​ ആൻഡ് റെസിഡന്‍റ്​സ്​ അഫയേഴ്​സ്​ ​അതോറിറ്റി, ദക്ഷിണ മേഖല പൊലീസ്​ ഡയറക്​ടറേറ്റ്​ എന്നിവയുടെ സഹകരണത്തോടെ തൊഴിലിടങ്ങളിലും വാണിജ്യ സ്​ഥാപനങ്ങളിലും തൊഴിലാളികൾ ഒരുമിക്കുന്ന ഇടങ്ങളിലും പരിശോധന നടത്തുകയും തൊഴിൽ, താമസ വിസ രേഖകൾ പരിശോധിക്കുകയും ചെയ്​തു. രേഖകൾ ശരിയല്ലാത്ത ഏതാനും പേരെ പിടികൂടുകയും ചെയ്​തിട്ടുണ്ട്​. ഇവരെ നിയമനടപടികൾക്കായി റിമാൻഡ്​ ചെയ്​തു.