കാപിറ്റൽ, നോർത്ത് ഗവർണറേറ്റുകളിൽ എൽ.എം.ആർ.എ പരിശോധന

മനാമ: തൊഴിൽ വിപണിയിലെ നിയമവിരുദ്ധ പ്രവർത്തനങ്ങൾ കണ്ടെത്തുന്നതിനായി ലേബർ മാർക്കറ്റ് റെഗുലേറ്ററി അതോറിറ്റി (എൽ.എം.ആർ.എ) കാപിറ്റൽ, നോർത്ത് ഗവർണറേറ്റുകളിൽ പരിശോധന നടത്തി. കടകളും ലേബർ ക്യാമ്പുകളും വർക്ക് സൈറ്റുകളും സന്ദർശിച്ചു. ലേബർ മാർക്കറ്റ്, റെസിഡൻസി നിയമങ്ങളുമായി ബന്ധപ്പെട്ട ലംഘനങ്ങൾ കണ്ടെത്തുകയും കേസുകൾ നിയമനടപടികൾക്കായി റഫർ ചെയ്യുകയും ചെയ്തു.

നോർത്തേൺ ഗവർണറേറ്റിൽ ദേശീയത, പാസ്‌പോർട്ട് ആന്റ് റസിഡൻസ് അഫയേഴ്‌സുമായി സഹകരിച്ചായിരുന്നു പരിശോധന. കാപിറ്റൽ ഗവർണറേറ്റിൽ സെന്റൻസ് എൻഫോഴ്സ്​മെന്റ് ഡിപ്പാർട്ടുമെന്റിന്റെ സഹകരണത്തോടെ പരിശോധന നടത്തി.

നിയമലംഘനങ്ങൾ അതോറിറ്റിയുടെ ഔദ്യോഗിക വെബ്‌സൈറ്റായ www.lmra.gov.bh-ൽ റിപ്പോർട്ട് ചെയ്യാം. അതോറിറ്റിയുടെ കോൾ സെന്റർ 17506055-ലേക്ക് വിളിച്ചും നിയമലംഘനങ്ങൾ അറിയിക്കാം.