ഒരു കൂരക്ക്​ താഴെ ‘തുറക്കാത്ത മനസു’കളുമായി

ഒരു പാർപ്പിടത്തിൽ   ഉടലുകൾ പങ്കിട്ടുള്ള ജീവിതം. അതിനുമപ്പുറം അവരുടെ മനസുകൾ എത്രത്തോളം തമ്മിൽ ഇഴ ചേർക്കപ്പെട്ടിരിക്കുന്നു. ഇൗ ചോദ്യം ലിവിങ്​ ടുഗതർ സ​മ്പ്രദായത്തിൽ കഴിയുന്നവരോട്​ ചോദിച്ചാൽ കൃത്യമായ ഉത്തരം ലഭിക്കുന്നില്ല. പങ്കാളിയുടെ  ഭൗതികമായ ഗുണങ്ങളിൽ വീഴ്​ച ഉണ്ടായാൽ അവിടെ അവസാനിക്കുന്നു ഇൗ ബന്​ധം.  പണം, സൗന്ദര്യം, ആരോഗ്യം, പ്രായം എന്നീ ഘടകങ്ങൾ ഇത്തരമാളുകൾക്ക്​  പ്രധാനമാണ്​. ബഹ്​റൈനിലെ സൽമാനിയ മെഡിക്കൽ കോംപ്ലക്​സിൽ അനാഥരായി  മരിച്ച ചില മലയാളികളുടെ കഥ ഇതിന്​ തെളിവുമാണ്​. പതിറ്റാണ്ടുകളായി നാട്ടിൽ പോകാത്ത പത്തോളം  മലയാളി പുരുഷൻമാർ,  ഇണകളുമായി  ‘ലിവിങ്​ ടുഗതർ’ ആയി കഴിയുകയും കഴിഞ്ഞ രണ്ട്​  വർഷത്തിനുള്ളിൽ ആരോരും ഇല്ലാതെ മരണപ്പെടുകയും ചെയ്​തു. അവരുടെ നല്ലകാലങ്ങളിൽ ഒപ്പമുണ്ടായിരുന്ന വനിതകൾ ഇവരിൽ പലരെയും തിരിഞ്ഞുനോക്കാനില്ലായിരുന്നു. സാമൂഹിക പ്രവർത്തകരാണ്​ ഇവരെ ആതുരാലയങ്ങളിൽ അവസാന നാളുകളിൽ സന്ദർശിക്കാൻ എത്തിയിരുന്നത്​. 

ആറ്​ മാസം മുമ്പുണ്ടായ ഒരു സ്​ത്രീയുടെ അനുഭവം കൂടി  അറിയു​േമ്പാൾ ലിവിങ്​ ടുഗതർ ബന്​ധങ്ങളുടെ പൊള്ളത്തരം വ്യക്തമാകും. കൊച്ചിയിൽ ഭർത്താവും മക്കളുമുള്ള പകുതി മലയാളിയായ ആന്​ധ്രക്കാരി  ബഹ്​റൈനിൽ എത്തിയിട്ട്​  മൂന്ന്​ പതിറ്റാണ്ടുകളായി. അവർ  ഇവിടെ  ഒരു  മലയാളിക്കൊപ്പം 25 വർഷം ഒരുമിച്ച്​ കഴിഞ്ഞു. നാട്ടിൽ ത​​​െൻറ മക്കളും ഭർത്താവും അറിഞ്ഞിട്ടും സ്​ത്രീ കാര്യമാക്കിയില്ല. എന്നാൽ പിന്നീട്​  ബഹ്​റൈനിലെ പങ്കാളി അവരെ ഉപേക്ഷിച്ചു. തുടർന്ന്​ സ്​ത്രീക്ക്​  ഒരു ബസ്​ അപകടത്തിൽ ഗുരുതരപരിക്കേറ്റ്​ സൽമാനിയ ആശുപത്രിയിലായി.  ശസ്​തക്രിയയ്​ക്കായി ബന്​ധു എന്ന നിലയിൽ ഒപ്പിടാൻ വരണമെന്നുള്ള അപേക്ഷപോലും ആ മനുഷ്യൻ നിരസിച്ചു.  ​തുടർന്ന്​ നാട്ടിലുള്ള മകനോട്​   സമ്മതപത്രം എഴുതി ഒപ്പിട്ട്​ അയച്ചുതരാമോയെന്ന്​ അന്വേഷിച്ചപ്പോൾ സാധ്യമല്ലെന്നായിരുന്നു മറുപടി. ഒരാഴ്​ച പിന്നിട്ട​ിട്ടും ആരും വരാത്തതിനെ തുടർന്ന്​ സാമൂഹിക പ്രവർത്തകൻ ചന്ദ്രൻ തിക്കൊടി ഇൗ വിഷയം അറിഞ്ഞ്​  ത​​​െൻറ സഹോദരിയാ​െണന്നുകാട്ടി ശസ്​തക്രിയ നടത്താനുള്ള അനുവാദപത്രത്തിൽ ഒപ്പിട്ടുകൊടുത്തു. ഇപ്പോഴും കാലി​​​െൻറ വേദനയുമായി അവർ മനാമയിലെ ഗല്ലിയിൽ സ്വന്തം വിധിയെ പഴിച്ച്​ ജീവിക്കുന്നു. ഒടുവിൽ ആർക്കും വേണ്ടാതായി കഴിയുന്ന എത്രയെത്ര ഇരകൾ ലിവിങ്​ ടുഗതറി​​​െൻറ നേർപകർപ്പായി ബഹ്​റൈനിലുണ്ട്​.  

ജീവിതത്തി​​​െൻറ  ഇത്തരം ഘട്ടങ്ങളെ അതിജീവിക്കാനുള്ള ത്രാണി ലിവിങ്​ ടുഗതർ പങ്കാളികളിൽ പലർക്കും ഉണ്ടാകില്ല. കാരണം പ്രായമേറെ ആയതും ശരീരത്തി​​​െൻറ ദുർബലതയും അവരിൽ പലരെയും തളർത്തിയിട്ടുണ്ടാകും. എന്നാൽ ജീവിത യൗവ്വനത്തിലേക്ക്​ കാലൂന്നിയവർ  ‘ലിവിങ്​ ടുഗതറി’ലേക്ക്​ കടന്നുചെല്ലു​േമ്പാൾ ഉണ്ടാകുന്ന പ്രത്യാഘാതം എന്താണ്​. അതിനും പറയാൻ നൂറ്​ നൂറ്​ ഉദാഹരണങ്ങൾ ഇൗ പ്രവാസ ഭൂമികയിലുണ്ട്​. ഇന്നലെ  ബഹ്​റൈനിൽ നിന്ന്​ നാട്ടിലേക്ക്​ വിമാനം കയറേണ്ടി വന്ന ഇരുപതുകാരൻ മേൽപറഞ്ഞതി​​​െൻറ ഉദാഹരണമാണ്​.   മലയാളിയായ ഒരു സ്​ത്രീയുമായി ഒരുമിച്ച്​ താമസിച്ചതാണ്​ ഇയാൾക്ക്​ വിനയായത്​.  

മുപ്പതുകാരിയായ കോട്ടയത്തുകാരിയായിരുന്നു പങ്കാളി. അവർക്ക്​ നാട്ടിൽ ഭർത്താവും രണ്ട്​ കുട്ടികളുമുണ്ട്​. യുവാവുമൊത്തുള്ള ചില ചിത്രങ്ങൾ സ്​ത്രീ ത​​​െൻറ ​േഫാണിൽ സൂക്ഷിച്ചിരുന്നു. ഇത്​ പുറത്തായതോടെ ബന്​ധം പലരും അറിഞ്ഞു. ഇതിനെ തുടർന്നാണ്​ ഷോപ്പുട ഇയാ​െള വിസ റദ്ദാക്കി നാട്ടിലേക്ക്​ അയച്ചത്​. എന്നാൽ നാട്ടിലേക്ക്​ പോയെങ്കിലും ​ഇതി​​​െൻറ അനുരണനങ്ങൾ എങ്ങനെ യുവാവി​​​െൻറയും യുവതിയുടെയും ഭാവിയെ ബാധിക്കും എന്ന്​ ബന്​ധുക്കൾക്ക്​ ആശങ്കയുണ്ട്​. കാരണം പ്രസ്​തുത ചിത്രങ്ങൾ  പ്രചരിച്ചുകൊണ്ടിരിക്കുന്നു.  ലിവിങ്​ ടുഗതർ വിഷയങ്ങളിൽ പൊതുവെ കാണുന്ന കാര്യം ‘തെളിവു’കൾ ഉണ്ടാക്കി പരസ്​പരം അറിയാതെ സൂക്ഷിക്കുന്നതാണ്​.  

നിയമപ്രകാരമുള്ള വിവാഹ രേഖകളിൽ ഏർപ്പെടാതെ ജീവിക്കുന്നതിനാൽ ത​​​െൻറ പങ്കാളി എപ്പോൾ വേണമെങ്കിലും തന്നെ വിട്ടുപോകാമെന്നുള്ള ഭീതി ഇവരിൽ എല്ലാപേർക്കുമുണ്ട്​. അതിനാൽ അങ്ങനെ വിട്ടുപോയാൽ എടുത്തുപ​യോഗിക്കാൻ കഴിയുന്ന കടുത്ത തെളിവുകളായാണ്​ വീഡിയോ ദൃശ്യങ്ങളെ  ഇവർ കാണുന്നത്​. ഇതിനുപുറമെ ചിലർ പങ്കാളികളുടെ പാസ്​പോർട്ട്, പണം എന്നിവ  തന്ത്രത്തിൽ കൈക്കലാക്കുന്നു.  ഉപേക്ഷിച്ചുപോയാൽ എതിരാളിക്കുമേൽ ഇൗ തുറുപ്പ്​ ചീട്ട്​ ഉപയോഗിക്കപ്പെടുന്നു. ഒരുമിച്ച്​ താമസിക്കുന്ന പങ്കാളി അറിയാതെ നാട്ടിൽ പോയി വിവാഹിതനായി മടങ്ങി വന്ന യുവാവിന്​ ഒടുവിൽ ആത്​മഹത്യ ചെയ്യേണ്ടി വന്നത്​ ഇത്തരത്തിലുള്ള വീഡിയോ ദൃശ്യം ത​​​െൻറ ഭാര്യക്ക്​ ലഭിച്ചതിനെ തുടർന്നാണ്​.   മാനസിക സമ്മർദം, കുറ്റബോധം, സാമ്പത്തിക പ്രശ്​നങ്ങൾ, പരസ്​പരമുള്ള സംശയം എന്നിവ ലിവിങ്​ ടുഗതർ ജീവിതം നയിക്കുന്നവരിൽ കൂടുതലാണെന്നും ഇത്തരക്കാരുടെ ജീവിതം അടുത്ത്​ മനസിലാക്കിയ വിവിധ ബഹ്​റൈനിലെ സാമൂഹിക പ്രവർത്തകർ പറയുന്നു.

പല വ്യക്തികളുടെ പേരിലും ലിവിങ്​ ടുഗതർ  വിഷയങ്ങളിൽ നാട്ടിൽ നിന്ന്​ നിരവധി പരാതികൾ ലഭിച്ചതായും തങ്ങൾ പരിഹാരത്തിനായി ഇടപ്പെട്ടതായും ‘ബഹ്​റൈൻ പ്രതിഭ’യുടെ നേതാവും സാമൂഹിക പ്രവർത്തകനുമായ സി.വി നാരായണൻ ‘ഗൾഫ്​ മാധ്യമ’ത്തോട്​ പറഞ്ഞു.  കണ്ണൂർ ഇരിട്ടിയിൽ നിന്ന്​ ബഹ്​റൈനിൽ എത്തിയ വ്യക്തിയുടെ ജീവിതം അ​ദ്ദേഹം ഉദാഹരണമായി ചൂണ്ടിക്കാട്ടി. നാട്ടിലുള്ള മൂന്ന്​ മക്ക​െളയും ഭാര്യയെയും മറന്ന്​ ഇവിടെയുള്ള മലയാളി സ്​ത്രീക്കൊപ്പം കഴിയുകയായിരുന്നു വ്യക്തി. ഇയാളുടെ മകൾ  പഠിച്ച്​ നഴ്​സാകുകയും സൗദിയിൽ ​ജോലിക്കെത്തുകയും ചെയ്​തു. ഇൗ മകൾ അച്​ഛനെ അന്വേഷിച്ച്​ ഒടുവിൽ ബഹ്​റൈനിലെത്തി. സാമൂഹിക പ്രവർത്തകർ ഇടപെട്ട്​ മകൾക്ക്​ അച്​ഛനെ കാണിച്ചുകൊടുക്കുകയും ചെയ്​തു. 

സമൂഹത്തിൽ പുഴുക്കുത്തുകൾക്ക്​ കാരണമാകും -ഡോ. ​ജോൺ പനക്കൽ
മനാമ: ലിവിങ്​ ടുഗതർ വിഷയത്തിൽ അകപ്പെട്ട്​ സംഘർഷങ്ങൾ അനുഭവിക്കുന്ന ചിലർ ത​​​െൻറ അടുത്ത്​ കൗൺസിലിങ്ങിനായി എത്തിയിരുന്നതായി ബഹ്​റൈനിലെ പ്രമുഖ സൈക്കോളജിസ്​റ്റ്​ ജോൺ മനക്കൽ ‘ഗൾഫ്​ മാധ്യമ’ത്തോട്​ പറഞ്ഞു. രണ്ട്​ പ്രധാന കാര്യങ്ങളാണ്​ ലിവിങ്​ ടുഗതറിലേക്ക്​ നയിക്കുന്നതായാണ്​ ശ്രദ്ധയിൽപ്പെട്ടിട്ടുള്ളത്​. കുടുംബം നാട്ടിലുള്ളത്​ ഇത്തരം ബന്​ധങ്ങളിൽ ഏർപ്പെടാൻ പുരുഷനും സ്​ത്രീക്കും സൗകര്യം ലഭിക്കുന്നു. രണ്ടാമത്തെത്​ ജീവിത പ്രശ്​നങ്ങൾ മൂലം സ്വസ്ഥതയുടെ തീരം തേടലുകളാണ്​. സന്തോഷവും സമാധാനവും കിട്ടും എന്നുള്ള പ്രതീതി ലഭിക്കു​േമ്പാൾ അതി​​​െൻറ പ്രത്യാഘാതങ്ങളെ കുറിച്ച്​ ചിന്തിക്കാതെ ഒരുമിച്ച്​ ജീവിക്കാൻ ആഗ്രഹിക്കുന്നു. ചില ചെറുപ്പക്കാരിലും  മദ്ധ്യവയസ്​ക്കരിൽ ഇൗ പ്രവണത അനുഭവപ്പെടുന്നുണ്ട്​. അതി​​​െൻറ ഫലമായി കുടുംബത്തി​​​െൻറ അടിവേര്​ ഇളകിപ്പോകുകയും സമൂഹത്തിൽ പുഴുക്കുത്തുകൾ ഉണ്ടാകുകയും ചെയ്യും. അത്​ വ്യക്തിയുടെ സ്വൈര്യ ജീവിതത്തിൽ തുടർച്ചയായ പ്രശ്​നങ്ങൾ ഉണ്ടാക്കുകയും ചെയ്യുന്നു. ലിവിങ്​ ടുഗതർ കേസുകളിൽ ഭൂരിപക്ഷവും തമ്മിൽ പിണങ്ങി പോകുകയാണ്​ പതിവെന്നും അദ്ദേഹം ചൂണ്ടിക്കാട്ടി.