ലീഡേഴ്​സ്​ ടോക്ക്​ : കേരളീയ സമാജത്തിൽ നാളെ ജയറാം രമേശി​െൻറ പ്രഭാഷണം

മനാമ: കേരളീയ സമാജം 70ാം വാർഷികാഘോഷങ്ങളുടെ ഭാഗമായി മുൻ കേന്ദ്രമന്ത്രിയും ​​കോൺഗ്രസ്​ നേതാവുമായ ജയറാം രമേശി​​െൻറ പ്രഭാഷണം സംഘടിപ്പിക്കുന്നു. നാളെ രാത്രി എട്ടുമണിക്ക്​ സമാജം ഹാളിലാണ്​ പരിപാടി. ഇതോടനുബന്ധിച്ച്​ ജയറാം രമേശ്​ എഴുതിയ ‘ഇന്ദിര ഗാന്ധി^പ്രകൃതിയിലെ ജീവിതം’ എന്ന പുസ്​തകത്തി​​െൻറ പ്രകാശനവും നടക്കുമെന്ന്​ ഭാരവാഹികൾ വാർത്താസമ്മേളനത്തിൽ പറഞ്ഞു. സമാജം സംഘടിപ്പിച്ചുവരുന്ന ‘ലീഡേഴ്​സ്​  ടോക്കി’​​െൻറ ഭാഗമായാണ്​ പ്രഭാഷണ പരിപാടി നടത്തുന്നത്​. മുമ്പ്​ ശശി തരൂർ, വന്ദന ശിവ, കാനം രാജേന്ദ്രൻ എന്നിവരാണ്​ ഇൗ പരമ്പരയിൽ പ്രഭാഷണം നടത്തിയിട്ടുള്ളത്​. പരിപാടിക്കെത്തുന്ന 60 പേർക്ക്​ പുസ്​തകം ജയറാം രമേശ്​ ഒാ​േട്ടാഗ്രാഫ്​ ചെയ്​ത്​ നൽകുന്നതാണ്​.

ഇംഗ്ലീഷ്​ പുസ്​തകവും മലയാള പരിഭാഷയും ലഭ്യമാണ്​. ഡി.സി.ബുക്​സുമായി സഹകരിച്ചാണ്​ ഇൗ പരിപാടി സംഘടിപ്പിക്കുന്നത്​. നിലവിൽ രാജ്യസഭാംഗമായ ജയറാം രമേശ്​ സാമ്പത്തിക, രാഷ്​ട്രീയ രംഗത്ത്​ നെഹ്​റുവി​​െൻറയും ഗാന്ധിയുടെയും സ്വാധീനം ഉൾക്കൊള്ളുന്ന വ്യക്തിയാണ്.  ബോംബെ ​െഎ.​െഎ.ടിയിലും വിദേശ സർവകലാശാലകളിലുമായാണ്​ പഠനം നടത്തിയത്​. പ്രമുഖ സ്​ഥാപനങ്ങളിൽ വിസിറ്റിങ്​ അധ്യാപകനും കോളമിസ്​റ്റും ഗ്രന്ഥകാരനുമാണ്​.

വാർത്താസ​േമ്മളനത്തിൽ പ്രസിഡൻറ്​ പി.വി.രാധാകൃഷ്​ണപിള്ള, ജന.സെക്രട്ടറി എൻ.കെ.വീരമണി,  ശിവകുമാർ കൊല്ലറോത്ത്​, മനോഹരൻ പാവറട്ടി, ദേവദാസ്​ കുന്നത്ത്​, ആഷ്​ലി ജോർജ്, കൃഷ്​ണകുമാർ എന്നിവർ പ​െങ്കടുത്തു. കൂടുതൽ വിവരങ്ങൾക്ക്​ ഡി.സലീമുമായി ബന്ധപ്പെടാം. നമ്പർ-39125889.