രാജ്യത്ത്​ നിലവിലുള്ളത്​ തൊഴിലാളികൾക്ക്​  സംരക്ഷണം നൽകാനുള്ള ഏറ്റവും മികച്ച നടപടികൾ -മ​ന്ത്രി 

07:22 AM
16/09/2019
തൊഴിൽ, സാമൂഹിക വികസന മന്ത്രി ജമീൽ ബിൻ മുഹമ്മദ്​ അലി ഹുമയ്​ദാനെ ശ്രീലങ്കൻ അംബാസഡർ പ്രദീപ ബി സര സന്ദർശിച്ചപ്പോൾ

മനാമ: രാജ്യത്തെ എല്ലാ തൊഴിലാളികൾക്കും നിയമപരമായ സംരക്ഷണം നൽകാനുള്ള ഏറ്റവും മികച്ച നടപടികളുമായാണ്​ ബഹ്​റൈൻ മുന്നോട്ടുപോകുന്നതെന്നും രാജ്യത്തെ തൊഴിൽ മാനദണ്ഡങ്ങൾ രാജ്യാന്തര തലത്തിലുള്ളതാണെന്നും തൊഴിൽ, സാമൂഹിക വികസന മന്ത്രി ജമീൽ ബിൻ മുഹമ്മദ്​ അലി ഹുമയ്​ദാൻ എടുത്തുപറഞ്ഞു. ശ്രീലങ്കൻ അംബാസഡർ പ്രദീപ ബി സരത്തെ സ്വീകരിച്ച്​ സംസാരിക്കുകയായിരുന്നു അദ്ദേഹം. 
ബഹ്​റൈൻ^ശ്രീലങ്കൻ ബന്​ധം മികച്ച രീതിയിൽ മുന്നോട്ടുപോകുന്നതായും കൂടുതൽ മെച്ചപ്പെടാൻ അംബാസഡറുടെ നയതന്ത്രചുമതലകളിലൂടെ കഴിയ​േട്ടയെന്നും മ​ന്ത്രി ആശംസിച്ചു.

ഇരുരാജ്യങ്ങളും തമ്മിലുള്ള ഉയർന്ന ബന്​ധത്തെ അംബാസഡർ  പ്രദീപ ബി സരം അഭിനന്ദിക്കുകയും ബഹ്​റൈ​​െൻറ വികസനവും വളർച്ചയും പരാമർശിക്കുകയും വികസിത രീതിയിലുള്ള  തൊഴിൽ നിയന്ത്രണങ്ങളും തൊഴിലാളികൾക്കായുള്ള  നിയമ പരിരക്ഷയും സാമൂഹിക ക്ഷേമവും എടുത്തുപറയുകയും ചെയ്​തു. തൊഴിൽ, മാനവ വിഭവശേഷി വികസന മേഖലയിലെ സഹകരണം വർധിപ്പിക്കുന്നതിനും ഈ രംഗത്തെ വിജയകരമായ അനുഭവങ്ങൾ പങ്കുവെക്കുന്നതിനുമുള്ള ശ്രീലങ്കൻ സർക്കാരി​​െൻറ താല്പര്യം അംബാസഡർ കൂടിക്കാഴ്​ചയിൽ വിശദീകരിച്ചു. ബഹ്‌റൈനിൽ ശ്രീലങ്കൻ സമൂഹത്തിന്​ ലഭിക്കുന്ന ബഹ്​റൈൻ ഗവൺമ​െൻറി​​െൻറ പരിരക്ഷക്കും ശ്രദ്ധക്കും അംബാസഡർ നന്ദി പറഞ്ഞു. 

Loading...
COMMENTS