ബഹ്​റൈൻെറ വളർച്ചയിൽ ജനങ്ങളുടെ പങ്ക്​ പ്രധാനം -പ്രധാനമന്ത്രി

മനാമ: ബഹ്​റൈ​​െൻറ വളർച്ചയിലും ​സമൃദ്ധിയിലും ജനതയുടെ ദേശസ്​നേഹവും അർപ്പണ മനോഭാവവും മുഖ്യകാരണമാണെന്ന്​ പ്ര ധാനമന്ത്രി പ്രിൻസ്​ ഖലീഫ ബിൻ സൽമാൻ ആൽ ഖലീഫ അഭിപ്രായപ്പെട്ടു. ഗുദൈബിയ കൊട്ടാരത്തിൽ തന്നെ സന്ദർശിച്ച രാജകുടുംബാംഗങ്ങളെയും മുതിർന്ന ഒൗദ്യോഗിക വ്യക്തിത്വങ്ങളെയും സ്വീകരിച്ച്​ സംസാരിക്കുകയായിരുന്നു അദ്ദേഹം. ബഹ്​റൈനിൽ ഉടനീളമുള്ള നാഗരികത സംസ്​ക്കാരത്തേയും പൈതൃകത്തെയും സംരക്ഷിക്കുന്നതിനെക്കുറിച്ച്​ അദ്ദേഹം സന്ദർശകരെ​ ഉണർത്തി.

പൗരന്മാരുടെ ആവശ്യങ്ങൾ നിറവേറ്റുന്നതിനായി പഴയ സ്ഥലങ്ങൾ വികസിപ്പിക്കാനുള്ള ഗവർമ​െൻറി​​െൻറ താൽപര്യത്തെയും വിശദീകരിച്ചു. ബഹ്‌റൈനി​​െൻറ സമ്പന്നമായ നാഗരിക സാംസ്കാരിക പൈതൃകത്തിനെ അദ്ദേഹം പുകഴ്​ത്തുകയും ചെയ്​തു. ബഹ്​റൈനിലെ എല്ലാ സ്ഥലങ്ങൾക്കും മഹത്തായ ചരിത്രവും സാംസ്​ക്കാരികവുമായ അഗാധ വേരുകളുണ്ട്​. മൂല്യങ്ങളും പാരമ്പര്യങ്ങളും മുറുകെ പിടിക്കാനുള്ള ബഹ്‌റൈൻ ജനതയുടെ താൽപ്പര്യത്തെ അദ്ദേഹം പ്രശംസിച്ചു.