നാലു​ പതിറ്റാണ്ടി​െൻറ പ്രവാസത്തിന്​ വിടപറഞ്ഞ്​ കുട്ട്യാലി

മനാമ: നാലു​ പതിറ്റാണ്ട്​ കാലത്തെ പ്രവാസ ജീവിതത്തിന്​ വിടനൽകി വി. കുട്ട്യാലി നാട്ടിലേക്ക്​ മടങ്ങുന്നു. ജീവിത സ്വപ്​നങ്ങളുമായി ബഹ്​റൈനിൽ കപ്പലിറങ്ങിയ കുട്ട്യാലി ഏറെ അനുഭവങ്ങളുടെ സമ്പാദ്യവുമായാണ്​ നവംബർ 18ന്​ നാട്ടിലേക്ക്​ തിരിച്ചുപോകുന്നത്​.

കോഴിക്കോട്​ മേപ്പയൂർ കീഴ്​പയ്യൂർ മണപ്പുറംമുക്ക്​ സ്വദേശിയായ കുട്ട്യാലി ബന്ധു മുഖേനയാണ്​ പതിറ്റാണ്ടുകൾക്കു മുമ്പ്​ ബഹ്​റൈനിലെ പ്രവാസ ഭൂമിയിൽ എത്തിയത്​. മുബൈയിൽനിന്ന്​ കപ്പലിലായിരുന്നു ബഹ്​റൈനി​ലേക്കുള്ള യാത്ര. 12 ദിവസംകൊണ്ടാണ്​ ഇവിടെ എത്തിയതെന്ന്​ അദ്ദേഹം ഒാർമിക്കുന്നു. പ്രവാസ ജീവിതത്തി​െല 36 വർഷവും ബി.ഡി.എഫിലായിരുന്നു ജോലി. അവിടത്തെ ജോലി അവസാനിപ്പിച്ചാണ്​ നാട്ടിലേക്ക്​ തിരിച്ചുപോകുന്നത്​.

റിഫയിലാണ്​ ​പ്രവാസ ജീവിതത്തിന്​ തുടക്കമിട്ടത്​. അന്ന്​ ഏതാനും ചെറിയ കെട്ടിടങ്ങൾ മാത്രമുണ്ടായിരുന്ന റിഫയാണ്​ ഇദ്ദേഹത്തി​െൻറ മനസ്സിൽ. കാലങ്ങൾ കടന്നുപോയപ്പോൾ വലിയ നഗരങ്ങൾ ഉദയം ചെയ്യുന്നതിന്​ അദ്ദേഹം സാക്ഷിയായി. ചെറിയ കെട്ടിടങ്ങളുടെ സ്​ഥാനത്ത്​ അംബരചുംബിയായ കെട്ടിടങ്ങൾ വന്നു. അങ്ങനെ, ബഹ്​റൈ​െൻറ വികസനത്തിനൊപ്പം നടക്കുകയായിരുന്നു അദ്ദേഹം. ആദ്യ കാലത്ത്​ ഇന്ത്യക്കാരും പാകിസ്​താനികളുമായിരുന്നു കൂടുതലുമെന്ന്​ അദ്ദേഹം ഒാർക്കുന്നു. പിന്നീടാണ്​ ബംഗ്ലാദേശികൾ എത്തിത്തുടങ്ങിയത്​.

ജോലിക്കിടയിൽ സാമൂഹിക പ്രവർത്തനത്തിനും അദ്ദേഹം സമയം കണ്ടെത്തി. കെ.എം.സി.സി റിഫ മേഖല കമ്മിറ്റിയുടെ വൈസ്​ പ്രസിഡൻറായി പ്രവർത്തിച്ചിട്ടുണ്ട്​.ഇത്രയും കാലം അന്നം തന്ന നാടിനെ വിട്ടുപോകു​േമ്പാൾ പ്രയാസമുണ്ടെന്ന്​ കുട്ട്യാലി പറയുന്നു. എല്ലാവർക്കും സുഖമായി കഴിയാൻ പറ്റുന്ന നാട്​ എന്നാണ്​ അദ്ദേഹം ബഹ്​റൈനെ വിശേഷിപ്പിക്കുന്നത്​.