കോവിഡ്​ ബാധിച്ച്​ കോഴിക്കോട്​ സ്വദേശി ബഹ്​റൈനിൽ നിര്യാതനായി

മനാമ: കോവിഡ്​ ബാധിച്ച്​ ചികിത്സയിലായിരുന്ന കോഴിക്കോട്​ സ്വദേശി ബഹ്​റൈനിൽ നിര്യാതനായി. വേങ്ങേരി തണ്ണീർപന്തൽ തട്ടാരീപറമ്പിൽ സുനിൽ കുമാർ (58) ആണ്​ മരിച്ചത്​. ഒരുമാസമായി സിത്ര കോവിഡ്​ സെൻററിൽ ചികിത്സയിലായിരുന്നു.

ഹാജിയത്തിൽ കാർപെൻററായി ജോലി നോക്കിയിരുന്ന ഇദ്ദേഹം 15 വർഷമായി ബഹ്​റൈനിലുണ്ട്​. രണ്ട്​ മാസം മുമ്പാണ്​ നാട്ടിൽ​ പോയി തിരിച്ചുവന്നത്​.

ഭാര്യ: സുജാത. മകൻ: നിതാന്ത്​.