വയനാട്ടിലെ പ്രളയബാധിതർക്കായി ’കൊയിലാണ്ടി കൂട്ടം’ കുടുംബാംഗങ്ങൾ ഒത്തുകൂടി

മനാമ: പ്രളയത്തിൽ ഏറെ നാശം സംഭവിച്ച വയനാട് മേൽമുറി കുറിച്യർ ഭാഗത്തു കൊയിലാണ്ടിക്കൂട്ടം ഗ്ലോബൽ കമ്മിറ്റി നിർമിച്ചു നൽകുന്ന ഷെൽട്ടർ നിർമാണത്തിന് സഹായം നല്​കാൻ ബഹ്‌റൈനിലെ കൊയിലാണ്ടി കൂട്ടം പ്രവർത്തകർ കുടുംബ സംഗമം നടത്തി. സഗയ്യ റെസ്റ്റോറൻറിൽ നടന്ന ഒത്തുചേരലിൽ നിസാം കാലിക്കറ്റ് , ജനീഷ് കുട്ടനാട്, റെനീഫ് പള്ളിക്കര , ജബ്ബാർ കുട്ടീസ് , ഗഫൂർ പട്ടാമ്പി, മർവ ഗഫൂർ, ഫാത്തിമ നിസാർ , അബ്ദുള്ള ജാസ്സിം, അബ്ദുള്ള മുഹ്സിൻ തുടങ്ങിയവർ അവതരിപ്പിച്ച കലാപരിപാടിയും ഉണ്ടായിരുന്നു.

കൊയിലാണ്ടി കൂട്ടം ബഹ്‌റൈൻ ചാപ്റ്റർ പ്രസിഡൻറ്​ ഗിരീഷ് കാളിയത്തി​​​െൻറ അധ്യക്ഷതയിൽ ചേർന്ന ചടങ്ങ്​ ചെയർമാൻ കെ.ടി. സലിം ഉത്ഘാടനം ചെയ്​തു. ജനറൽ സെക്രട്ടറി ഹനീഫ് കടലൂർ സ്വാഗതവും ​​ ഷറർ നൗഫൽ നന്തി നന്ദിയും രേഖപ്പെടുത്തി. അജയകൃഷ്​ണൻ, അസീൽ അബ്​ദുൾറഹ്​മാൻ , ചന്ദ്രൻ തിക്കോടി, ഗ്ലോബൽ കമ്മിറ്റി അംഗം ജെ.പി.കെ. തിക്കോടി എന്നിവർ ആശംസകൾ നേർന്നു. തസ്‌നീം ജന്നത്ത്, ആബിദ് കുട്ടീസ്, ബിജു വി.എൻ, ഫൈസൽ ഇയഞ്ചേരി, ഹരീഷ് പി കെ , രാകേഷ് പൗർണമി, തൻസീൽ എം വി എന്നിവർ നേതൃത്വം നൽകി.