പിന്നിട്ട വഴികളിലൂടെ: ബ്രോഷർ പ്രകാശനം ചെയ്തു
text_fieldsമനാമ: കെ.എം.സി.സി ബഹ്റൈൻ കോഴിക്കോട് ജില്ല കമ്മിറ്റി കഴിഞ്ഞ രണ്ടു വർഷങ്ങളിലായി നടത്തിയ വിവിധ പദ്ധതികൾ ഉൾക്കൊള്ളിച്ചുകൊണ്ട് 'പിന്നിട്ട വഴികളിലൂടെ' ബ്രോഷർ പുറത്തിറക്കി. കെ.എം.സി.സി ഓഡിറ്റോറിയത്തിൽ നടന്ന ചടങ്ങിൽ ജില്ല പ്രസിഡൻറ് ഫൈസൽ കോട്ടപ്പള്ളിയിൽനിന്ന് ബ്രോഷർ സ്വീകരിച്ച് സംസ്ഥാന പ്രസിഡൻറ് ഹബീബ് റഹ്മാൻ പ്രകാശനം നിർവഹിച്ചു. രണ്ടു വർഷത്തെ കമ്മിറ്റി കാലയളവിൽ പ്രഖ്യാപിച്ച 'മിഷൻ 50' പരിപാടിയുടെ ഭാഗമായി നടപ്പാക്കിയ വിവിധ പദ്ധതികളും പരിപാടികളുമാണ് ബ്രോഷറിൽ ഉൾക്കൊള്ളിച്ചിട്ടുള്ളത്. കോവിഡ് കാലത്തും പ്രഖ്യാപിച്ച പദ്ധതികൾ പരമാവധി നടപ്പാക്കാൻ സാധിച്ചതിൽ അഭിമാനമുണ്ടെന്ന് കമ്മിറ്റി ഭാരവാഹികൾ പറഞ്ഞു. ജില്ല ഭാരവാഹികളായ ജെ.പി.കെ. തിക്കോടി, പി.വി. മൻസൂർ, ശരീഫ് വില്യാപ്പള്ളി, അസീസ് പേരാമ്പ്ര, അഷ്റഫ് അഴിയൂർ, ഇസ്ഹാഖ് വില്യാപ്പള്ളി, അഷ്കർ വടകര എന്നിവർ പങ്കെടുത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.