കെ.എം.സി.സി സോക്കര്‍ ലീഗ് സീസണ്‍-നാല് ഫുട്‌ബോള്‍ ടൂര്‍ണമെൻറ് നവംബര്‍ 29 മുതല്‍
text_fields
മനാമ: ബഹ്‌റൈന്‍ ദേശീയദിനാഘോഷത്തിെൻ ഭാഗമായി കെ.എം.സി.സി നടത്തിവരുന്ന സോക്കര്‍ ലീഗിെൻറ സീസണ്‍^നാല് ഫുട്‌ബോള്‍ ടൂര്‍ണമെൻറ് നവംബര്‍ 29 മുതല്‍ സിഞ്ച് അല്‍ അഹ്‌ലി സ്റ്റേഡിയത്തില്‍ നടക്കുമെന്ന് സംഘാടകർ വാർത്തസമ്മേളനത്തിൽ അറിയിച്ചു. കഴിഞ്ഞ വര്‍ഷം വിവിധ ഏരിയ കമ്മറ്റികള്‍ തമ്മിലാണ് മത്സരം സഘടിപ്പിച്ചത്. ഈ വര്‍ഷം ബഹ്‌റൈനിലെ പന്ത്രണ്ടോളം പ്രമുഖ ക്ലബുകള്‍ തമ്മില്‍ നവംബര്‍ 29,30, ഡിസംബര്‍1,6,7 തിയ്യതികളിൽ മത്സരിക്കും. മത്സരത്തില്‍ പങ്കെടുക്കാന്‍ വിവിധ ക്ലബ്ബുകള്‍ നാട്ടിലെ പ്രമുഖ കളിക്കാരെ ഇതിനോടകം ബഹ്‌റൈനിലെത്തിച്ചിട്ടുണ്ട്. ഫുട്‌ബോള്‍ മത്സരം നടക്കുന്ന സമയം ഗ്രൗണ്ടിെൻറ മറ്റൊരുവശത്ത് കുടുംബങ്ങൾക്കായി വിനോദ മത്സരങ്ങള്‍ , ഭക്ഷണശാല എന്നിവ ഉണ്ടായിരിക്കും.
ഉദ്ഘാടന ദിവസം കോല്‍ക്കളി, ബലൂണ്‍ പറപ്പിക്കല്‍, വെള്ളയും ചുകപ്പും ജെയ്‌സി അണിഞ്ഞ ചെറിയ കുട്ടികളെ അണിനിരത്തിയുള്ള മാര്‍ച്ച് പാസ്റ്റ് എന്നിവ ഉണ്ടായിരിക്കും. കെ.എം.സി.സി ഫുട്ബോൾ ടൂർണ്ണമെന്റിൽ ടൈറ്റാനിയം തിലകനെ സ്മരിക്കുമെന്നും നേതാക്കൾ പറഞ്ഞു. വർഗീയമുക്ത ഭാരതം അക്രമ രഹിത കേരളം എന്ന പ്രമേയത്തിൽ യുവജന യാത്രക്ക് ഐക്യദാർഢ്യം പ്രഖ്യാപിച്ചുള്ള പരിപാടിയും ഉണ്ടാകും. പരിപാടിക്ക് എസ്.വി. ജലീല്‍ മുഖ്യ രക്ഷധികാരിയായി മൊയ്തീന്‍ കുട്ടി കൊണ്ടോട്ടി ചെയര്‍മാനും അഷ്‌കര്‍ വടകര കണ്‍വീനറും ഇഖ്ബാല്‍ താനൂര്‍ ട്രഷററുമായ സ്വാഗതസംഘം രൂപവത്കരിച്ചു. വാര്‍ത്താ സമ്മേളനത്തില്‍ മൊയ്തീന്‍കുട്ടി കൊണ്ടോട്ടി, അഷ്‌കര്‍ വടകര,പി കെ ഇസ്ഹാഖ്, ഇഖ്ബാല്‍ താനൂര്‍, സാദിഖ് സ്‌കൈ, ഉമ്മര്‍ മലപ്പുറം, ഗഫൂര്‍ കാളികാവ്, ഷാജുദ്ദീൻ കൂടത്തിൽ, അഹമദ് കണ്ണൂർ , സഈദ് വയനാട് എന്നിവർ പങ്കെടുത്തു
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
