കിങ്​ ഹമദ്​ കോസ്​വെ സാധ്യത പഠനം പൂർത്തിയായി

മനാമ: ബഹ്​റൈനെയും സൗദി ​അറേബ്യയെയും തമ്മിൽ ബന്ധിപ്പിക്കുന്ന പുതിയ കിങ്​ ഹമദ്​ കോസ്​വെയുടെ സാധ്യതാ പഠനം പൂർത്തിയായതായി പ്രാദേശിക പ​ത്രം റിപ്പോർട്ട്​ ചെയ്​തു. ഇരുരാജ്യങ്ങളെയും ബന്ധിപ്പിക്കുന്ന രണ്ടാമത്​ കോസ്​വെക്ക്​ ചെലവ്​ പ്രതീക്ഷിക്കുന്നത്​ 10 ബില്ല്യൺ ഡോളറാണ്​. 
പദ്ധതിയുടെ ​പ്രവൃത്തി തുടങ്ങാനായി ഉടൻ എഞ്ചിനിയറിങ്​ പ്ലാനുകൾ തയാറാക്കാൻ ഇരു രാജ്യങ്ങളും ഇൗയിടെ തീരുമാനിച്ചിരുന്നു. 
കിങ്​ ഹമദ്​ കോസ്​വെയുടെ നിർമാണ രീതികൾ പഠനവിധേയമാക്കുകയാണെന്ന്​ സൗദി അധികൃതർ വ്യക്​തമാക്കിയിട്ടുണ്ട്​. ബഹ്​റൈൻ^സൗദി ഉഭയകക്ഷി വ്യാപാരം വർധിപ്പിക്കാൻ പുതിയ കോസ്​വെ ഉപകരിക്കുമെന്ന്​ ബഹ്​റൈനിലെ സൗദി അംബാസഡർ അബ്​ദുല്ല അൽ അൽശൈഖ്​ പറഞ്ഞു. ഇത്​ സമ്പദ്​വ്യവസ്​ഥക്കും കരുത്തുപകരുമെന്നും അദ്ദേഹം പറഞ്ഞു.  ബഹ്​റൈ​​െൻറ വടക്കൻ തീരത്തെ സൗദിയുടെ കിഴക്കൻ തീരവുമായി ബന്ധിപ്പിക്കുന്ന പാലത്തിന്​ 25 കിലോമീറ്ററാണ്​ ദൈർഘ്യം. 
ഇതുവഴി ഭാവിയിൽട്രെയിൻ ഗതാഗതത്തിനുള്ള സൗകര്യവും ഏർപ്പെടുത്തിയേക്കും. കുവൈത്ത്​ മുതൽ ഒമാൻ വരെയുള്ള ആറ്​ ജി.സി.സി രാജ്യങ്ങളെ ബന്ധിപ്പിക്കുന്ന റെയിൽപദ്ധതിയെക്കുറിച്ചുള്ള ചർച്ചകൾ പുരോഗമിക്കുകയാണ്​.