ഹ​മ​ദ് രാ​ജാ​വ് ഔ​ദ്യോ​ഗി​ക സ​ന്ദ​ർ​ശ​ന​ത്തി​ന് യു.​എ.​ഇ​യി​ൽ

മ​നാ​മ: ഔ​ദ്യോ​ഗി​ക സ​ന്ദ​ർ​ശ​നാ​ർ​ഥം രാ​ജാ​വ് ഹ​മ​ദ് ബി​ൻ ഈ​സ ആ​ൽ ഖ​ലീ​ഫ യു.​എ.​ഇ​യി​ലെ​ത്തി. അ​ൽ ദ​ഫ്​​റ റീ​ജ​നി​ലെ ഭ​ര​ണാ​ധി​കാ​രി​യു​ടെ പ്ര​തി​നി​ധി ശൈ​ഖ്​ ഹം​ദാ​ൻ ബി​ൻ സാ​യി​ദ് ആ​ൽ ന​ഹ്​​യാ​നും മ​റ്റ് ഇ​മാ​റാ​ത്തി ഉ​ദ്യോ​ഗ​സ്ഥ​രും ചേ​ർ​ന്ന് വി​മാ​ന​ത്താ​വ​ള​ത്തി​ൽ ഹ​മ​ദ് രാ​ജാ​വി​നെ ഊ​ഷ്മ​ള​മാ​യി സ്വീ​ക​രി​ച്ചു. മാ​നു​ഷി​ക കാ​ര്യ​ങ്ങ​ൾ​ക്കും യു​വ​ജ​ന​കാ​ര്യ​ങ്ങ​ൾ​ക്കു​മു​ള്ള ഹ​മ​ദ് രാ​ജാ​വി​ന്റെ പ്ര​തി​നി​ധി ശൈ​ഖ് നാ​സ​ർ ബി​ൻ ഹ​മ​ദ് ആ​ൽ ഖ​ലീ​ഫ, ബ​ഹ്റൈ​നി​ലെ മ​റ്റ് ഉ​ന്ന​ത ഉ​ദ്യോ​ഗ​സ്ഥ​ർ എ​ന്നി​വ​രും ഹ​മ​ദ് രാ​ജാ​വി​ന്‍റെ കൂ​ടെ യു.​എ.​ഇ​യി​ലെ​ത്തി​യി​ട്ടു​ണ്ട്.

സ​മാ​ധാ​നം, സ​മൃ​ദ്ധി, സ​ഹ​ക​ര​ണം എ​ന്നി​വ​യി​ലു​ള്ള ഇ​രു രാ​ജ്യ​ങ്ങ​ളു​ടെ​യും പൊ​തു നി​ല​പാ​ടു​ക​ളി​ലും സ​ഹ​ക​ര​ണം ശ​ക്തി​പ്പെ​ടു​ത്തേ​ണ്ട ആ​വ​ശ്യ​ക​ത​ക​ളെ​ക്കു​റി​ച്ചും സ​ന്ദ​ർ​ശ​ന വേ​ള​യി​ൽ ച​ർ​ച്ച​യാ​കും. ബ​ഹ്റൈ​നും യു.​എ.​ഇ​യും ത​മ്മി​ലു​ള്ള ഉ​ഭ​യ​ക​ക്ഷി ബ​ന്ധ​ത്തെ​യും ന​യ​ത​ന്ത്ര, സാ​മ്പ​ത്തി​ക, സാം​സ്കാ​രി​ക മേ​ഖ​ല​ക​ളി​ലെ പ​ര​സ്പ​ര ബ​ഹു​മാ​ന​വും സ​ഹ​ക​ര​ണ​വും സ​ന്ദ​ർ​ശ​നം പ്ര​തി​ഫ​ലി​പ്പി​ക്കു​ന്നു​ണ്ട്.