അസീർ മേഖല ഡെപ്യൂട്ടി ഗവർണറുടെ മരണം:  ഹമദ്​ രാജാവ്​ സൗദിയിലെത്തി അനുശോചനം അറിയിച്ചു 

മനാമ: രാജാവ്​ ഹമദ്​ ബിൻ ഇൗസ ആൽ ഖലീഫ സൗദിയിലെത്തി അസീർ മേഖല ഡെപ്യൂട്ടി ഗവർണർ അമീർ മൻസൂർ ബിൻ മുഖ്രിൻ ബിൻ അബ്​ദുൽ അസീസി​​െൻറ നിര്യാണത്തിൽ അനുശോചനം അറിയിച്ചു. പരേതന്​ നിത്യശാന്തി ​ലഭിക്ക​െട്ടയെന്ന്​ പ്രാർഥിച്ച അദ്ദേഹം രാജകുടുംബാംഗങ്ങളെ കണ്ടാണ്​ അനുശോചനം അറിയിച്ചത്​. 
ഞായറാഴ്​ച രാത്രിയുണ്ടായ കോപ്​റ്റർ അപകടത്തിലാണ്​ ഡെപ്യൂട്ടി ഗവർണർ മരിച്ചത്​. ഒപ്പം സഞ്ചരിച്ച ഉന്നത ഉദ്യോഗസ്​ഥരടക്കം ഏഴുപേരും സംഭവത്തിൽ മരിച്ചിരുന്നു. കിങ്​ സൽമാൻ എയർബേസിൽ വിമാനമിറങ്ങിയ ഹമദ്​ രാജാവിനെ റിയാദ്​ പ്രൊവിൻസ്​ ഗവർണർ പ്രിൻസ്​ ഫൈസൽ ബിൻ ബന്ദർ ബിൻ അബ്​ദുൽ അസീസ്​ അൽ സഉൗദ്​, സൗദിയിലെ ബഹ്​റൈൻ അംബാസഡർ ശൈഖ്​ ഹമൂദ്​ ബിൻ അബ്​ദുല്ല ആൽ ഖലീഫ, മുതിർന്ന ഉദ്യോഗസ്​ഥർ തുടങ്ങിയവർ ചേർന്ന്​ സ്വീകരിച്ചു.