ബഹ്​റൈനിൽ കിഡ്​നി അസുഖ ബാധിതരുടെ എണ്ണത്തിൽ വർധന

മനാമ: ബഹ്​റൈനിൽ കിഡ്​നി സംബന്ധമായ അസുഖം ബാധിക്കുന്നവരുടെ എണ്ണത്തിൽ വർധന. 2014ൽ 446 പേരാണ്​ കിഡ്​നിയുടെ പ്രവർത്തനം നിലച്ചതിന്​ ചികിത്സ തേടിയതെങ്കിൽ കഴിഞ്ഞ വർഷം ഇത്​ 570 ആയി ഉയർന്നു. ഇവർ ഡയാലിസിസിന്​ വിധേയരാകുന്നവരാണ്​. വിവിധ ഒ.പികളിൽ എത്തുന്ന അസുഖ ബാധിതരുടെ എണ്ണത്തിലും വർധനയുണ്ട്​. വാർഷിക നെഫ്രോളജി സമ്മേളനത്തി​​െൻറ ഉദ്​ഘാടന വേളയിൽ ആരോ ഗ്യ മന്ത്രാലയം അണ്ടർ സെക്രട്ടറി ഡോ. വലീദ്​ ബിൻ ഖലീഫ അൽ മനീഅ ആണ്​ ഇൗ കണക്ക്​ പുറത്തുവിട്ടത്​. സൽമാനിയ മെഡിക്കൽ കോംപ്ലക്​സിലെ നെഫ്രോളജി ആൻറ്​ റെനൽ ട്രാൻസ്​പ്ലാൻറ്​ സ​െൻറർ ആണ്​ പരിപാടി നടത്തിയത്​.

 കിഡ്​നി സംബന്ധമായ അസുഖങ്ങളിൽ പ്രമേഹവും രക്തസമ്മർദവുമാണ്​ പ്രധാന വില്ലനെന്ന്​ ഡോ. അൽ മനീഅ പറഞ്ഞു. ബഹ്​റൈനിൽ കിഡ്​നി രോഗികൾക്കായി 71 കിടക്കകളാണ്​ ആശുപത്രികളിലുള്ളത്. ഇതിൽ 25 എണ്ണം സൽമാനിയ ആശുപത്രിയിലും 46 എണ്ണം അബ്​ദുറഹ്​മാൻ കാനൂ ഡയാലിസിസ്​ സ​െൻററിലുമാണുള്ളത്​.
 ഹുനൈനിയയിൽ 60 കിടക്കകളുള്ള കേന്ദ്രത്തി​​െൻറ നിർമാണം പുരോഗമിക്കുകയാണ്. ബി.ഡി.എഫ്​ ആ​ശുപത്രിയും സ്വകാര്യ ആശുപത്രികളും ഡയാലിസിസ്​ നടത്തുന്നുണ്ടെന്ന്​ അദ്ദേഹം വ്യക്തമാക്കി.