കേരളീയ സമാജം വനിത വിഭാഗം മെഡിക്കൽ ക്യാമ്പ് സംഘടിപ്പിച്ചു

മനാമ: ബഹ്‌റൈൻ കേരളീയ സമാജം വനിത വിഭാഗം ഷിഫ അൽജസീറ മെഡിക്കൽ സെൻററുമായി സഹകരിച്ച്​ മെഡിക്കൽ ക്യാമ്പ് സംഘടിപ്പിച്ചു. ഇന്ത്യൻ സ്ഥാനപതി പിയൂഷ്​ ശ്രീവാസ്തവയുടെ പത്​നി മോണിക്ക ശ്രീവാസ്​തവ മെഡിക്കൽ ക്യാമ്പ് സന്ദർശിച്ചു. നിരവധി പേർ ക്യാമ്പ് ഉപയോഗപ്പെടുത്തിയെന്ന്​ സമാജം പ്രസിഡൻറ്​ പി.വി. രാധാകൃഷ്ണ പിള്ള, ജനറൽ സെക്രട്ടറി വർഗീസ് കാരക്കൽ എന്നിവർ വാർത്തക്കുറിപ്പിൽ അറിയിച്ചു. ഓർത്തോ, ഗൈനക്കോളജി, ജനറൽ മെഡിസിൻ എന്നീ വിഭാഗങ്ങളിലെ പ്രഗല്​ഭ ഡോക്​ടർമാരാണ് മെഡിക്കൽ ക്യാമ്പിന്​ നേതൃത്വം നൽകിയത്​. സമാജം വനിത വിഭാഗം പ്രസിഡൻറ്​ ജയ രവികുമാർ, സെക്രട്ടറി അർച്ചന വിബീഷ്, സമാജം ഭരണസമിതി അഗങ്ങൾ, വനിതവേദി അംഗങ്ങൾ തുടങ്ങിയവർ ക്യാമ്പിൽ സന്നിഹിതരായിരുന്നു.