കേരള സോഷ്യൽ ആൻറ്​ കൾച്ചറൽ അസോസിയേഷൻ നവരാത്രി മഹോത്സവം ഒക്​ടോബർ 10 മുതൽ

മനാമ: കേരള സോഷ്യൽ ആൻറ്​ കൾച്ചറൽ അസോസിയേഷൻ വിപുലമായ പരിപാടികളോടെ നവരാത്രി മഹോത്സവം ‘ശാക്തേയം 2018’എന്ന പേരിൽ ഒക്ടോബർ 10 മുതല്‍ 10 ദിവസങ്ങളിലായി ആഘോഷിക്കുമെന്ന്​ പ്രസിഡൻറ്​ പമ്പാവാസൻനായർ വാർത്തസമ്മേളനത്തിൽ അറിയിച്ചു. ഇതി​​​െൻറ ഭാഗമായി കേരളത്തി​​​െൻറ കലാ സാംസ്​കാരിക തനിമ വിളിച്ചോതുന്ന ശോഭന സംഗീതം, കഥാപ്രസംഗം, സംഗീത സദസ്​, നൃത്ത നൃത്യങ്ങള്‍ , കാവ്യാലാപന, നാടന്‍ പാട്ട് എന്നിങ്ങനെ വൈവിധ്യമാര്‍ന്ന പരിപാടികള്‍ ഉണ്ടായിരിക്കും.

ഗാനരചയിതാവും കവിയുമായ ഒ.എസ്‌. ഉണ്ണികൃഷ്​ണന്‍ ചടങ്ങിൽ മുഖ്യാതിഥിയായിരിക്കും. ഒക്ടോബർ 19ന് അദ്ദേഹത്തിന്‍റെ നേതൃത്വത്തിൽ കുട്ടികൾക്ക്‌ എഴുത്തിരുത്തൽ ചടങ്ങും നടക്കും. വി.ആർ.സത്യദേവി​​​െൻറ നേതൃത്വത്തിൽ ചിത്രകലാ പരിശീലനത്തിനായി ചിത്രാരംഭവും നടക്കും. തുടർന്ന് സാംസ്കാരിക സമ്മേളനം ഒ.എസ്‌.ഉണ്ണികൃഷ്​ണൻ ഉത്ഘാടനം ചെയ്യും. ബാലചന്ദ്രൻ കൊന്നക്കാടിന്‍റെ ‘രുദ്രവീണ’ കവിതാസമാഹാരത്തി​​​െൻറ പ്രകാശനവും ശാക്തേയം സമാപനവേദിയിൽ നടക്കും. പരിപാടിയുടെ ഭാഗമായി ഒക്ടോബര്‍ 13ന് കെ.സി.എ യില്‍ നടക്കുന്ന ചടങ്ങില്‍ അഡ്വ. പി.ടി നരേന്ദ്ര മേനോന്‍, സുകുമാരി നരേന്ദ്ര മേനോന്‍ എന്നീ വ്യക്തികളെ ആദരിക്കും. തുടർന്ന് സുകുമാരി നരേന്ദ്ര മേനോ​​​െൻറ സംഗീത കച്ചേരി ഉണ്ടായിരിക്കും.