കേരള ഫുട്ബാൾ അസോസിയേഷൻ വിന്റർ കപ്പ് സല്ലാഖ് എഫ്.സിക്ക്
text_fieldsസല്ലാഖ് എഫ്.സി ടീം
മനാമ: കേരള ഫുട്ബാൾ അസോസിയേഷൻ ബഹ്റൈൻ സംഘടിപ്പിച്ച വിന്റർ കപ്പ് ഫുട്ബാൾ ടൂർണമെന്റിൽ സല്ലാഖ് എഫ്.സി കിരീടം സ്വന്തമാക്കി. അമേച്വർ കാറ്റഗറിയിൽ സീസണിലെ ആദ്യ കിരീടമാണിത്.
ടൂർണമെന്റിലുടനീളം മികച്ച പ്രകടനം കാഴ്ചവെച്ച സല്ലാഖ് എഫ്.സി, ആവേശകരമായ ഫൈനലിൽ ഹയാഖ് എഫ്.സി കൊണ്ടോട്ടിയെ പരാജയപ്പെടുത്തിയാണ് കപ്പ് നേടിയത്.
ടൂർണമെന്റിലെ പ്രധാന വ്യക്തിഗത അവാർഡുകളിലും സല്ലാഖ് എഫ്.സി ആധിപത്യം സ്ഥാപിച്ചു.
ടീമിന്റെ വിജയത്തിന് നിർണായക പങ്ക് വഹിച്ച താരങ്ങൾ വ്യക്തിഗത നേട്ടങ്ങളും സ്വന്തമാക്കി. ബെസ്റ്റ് ഗോൾകീപ്പർ: അരുൺ രാജ്, ബെസ്റ്റ് പ്ലെയർ: അക്ഷയ് ബിജു, മാൻ ഓഫ് ദ മാച്ച് (ഫൈനൽ): റിഷി.

