പ്രളയ ദുരിതാശ്വാസ പ്രവർത്തനം: പ്രവാസികൾക്ക്​ കേരളീയ സമാജത്തെ സമീപിക്കാം

മനാമ: കേരളത്തിലെ പ്രളയ ദുരിതാശ്വാസ പ്രവർത്തനങ്ങളിൽ, ബഹ്‌റൈൻ പ്രവാസികളുമായി ബന്ധപ്പെട്ട വിഷയങ്ങൾക്ക്‌ ബഹ്​റ ൈൻ കേരളീയ സമാജത്തെ സമീപിക്കാമെന്ന്​ ബഹ്‌റൈൻ കേരളീയ സമാജം പ്രസിഡൻറ്​ പി. വി. രാധാകൃഷ്ണപിള്ള അറിയിച്ചു. സമാജത്തിൽ ചേർന്ന പൊതു പ്രവർത്തകരുടെ യോഗത്തിലാണ്​ ഇക്കാര്യം വ്യക്തമാക്കിയത്​. പ്രളയ വിഷയത്തിൽ നാട്ടിലേക്ക്​ എന്ത് സഹായം നൽകണം എന്ന് സംസ്ഥാന സർക്കാർ നിർദേശം ഉണ്ടാകുന്നതിന്​ അനുസരിച്ച്​ തീരുമാനിക്കാം എന്നും യോഗം വിലയിരുത്തി.
പ്രവാസി ക്ഷേമനിധി അപേക്ഷ സ്വീകരിച്ച്​ പ്രാരംഭ നടപടികൾ ബഹ്‌റൈൻ പ്രവാസി മലയാളികൾക്ക് സമാജം വഴി നടപ്പാക്കുന്ന പ്രഖ്യാപനവും യോഗത്തിൽ നടത്തി. ഇതുമായി ബന്ധപ്പെട്ട് സാമൂഹിക പ്രവർത്തരുടെ സംശയങ്ങൾക്ക് കേരളാ പ്രവാസി ക്ഷേമനിധി ഡയറക്ടർ ബോർഡ് അംഗം ജോർജ് വർഗീസ് മറുപടി നൽകി. സമാജം പ്രസിഡൻറ്​ പി.വി. രാധാകൃഷ്ണപിള്ള, ജന. സെക്രട്ടറി എം. പി. രഘു, ലോക കേരള സഭ അംഗം സോമൻ ബേബി, സമാജം ചാരിറ്റി - നോർക്ക കമ്മിറ്റി ജന. കൺവീനർ കെ. ടി. സലിം, നോർക്ക ഹെൽപ്​ ഡസ്ക് കൺവീനർ രാജേഷ് ചേരാവള്ളി എന്നിവർ സംബന്ധിച്ചു.