കെ.സി.എ 'ഓണം പൊന്നോണം 2026' ആഘോഷങ്ങൾക്ക് തുടക്കം

മനാമ: കേരള കാത്തലിക് അസോസിയേഷൻ (കെ.സി.എ) സംഘടിപ്പിക്കുന്ന 'ഓണം പൊന്നോണം 2026' ആഘോഷങ്ങൾക്ക് പ്രൗഢമായ തുടക്കം. ഓണാഘോഷത്തോടൊപ്പം കുട്ടികളുടെ വേനൽക്കാല ക്യാമ്പിന്റെ സമാപനവും ഇന്ത്യൻ സ്വാതന്ത്ര്യദിനാഘോഷ പരിപാടികളും സംഗമിച്ച വർണാഭമായ സായാഹ്നത്തിനാണ് കെ.സി.എ വേദിയൊരുക്കിയത്.

കെ.സി.എ. പ്രസിഡന്റ് ജെയിംസ് ജോൺ, ജനറൽ സെക്രട്ടറി വിനു ക്രിസ്റ്റി എന്നിവർ പരിപാടികൾക്ക് നേതൃത്വം നൽകി. ഓണം കമ്മിറ്റി ചെയർമാൻ ജിതിൻ ജോസ്, വൈസ് ചെയർമാൻ ജോർജ് സെബാസ്റ്റ്യൻ, ജോയൽ ജോസ്, ബോൻസി ജിതിൻ, റോസ് ജോയൽ എന്നിവരാണ് പ്രോഗ്രാം കോഓഡിനേറ്റർമാർ എന്നിവർ സന്നിഹിതരായിരുന്നു.