ശ്രീകുമാരൻതമ്പിക്ക്​ ജെ.സി ഡാനിയേൽ പുരസ്​കാരം: വൈകിവന്ന പുരസ്​കാരത്തിൽ പ്രവാസലോകത്തും ആഹ്ലാദം

മനാമ: മലയാള സിനിമയുടെ ആദ്യ സംവിധായകനും നിർമാതാവുമായ ​െജ.സി ഡാനിയേലി​​​െൻറ പേരിലുള്ള പുരസ്​കാരം മലയാള സിനിമയിലെ സംവിധായകനും ഗാനരചയിതാവും സംഗീത സംവിധായകനുമായ ശ്രീകുമാരൻതമ്പിക്ക്​ ലഭിച്ചതിൽ പ്രവാസലോകത്തെ സിനിമാപ്രേമികൾക്കും അദ്ദേഹത്തി​​​െൻറ ആരാധകർക്കും ആഹ്ലാദം. എന്നാൽ ഇൗ അത്യപൂർവ്വ പ്രതിഭക്ക്​ അർഹതപ്പെട്ട പുരസ്​കാരം ഏറെതാമസിച്ചുപോയെന്നും നിരവധിപേർ ചൂണ്ടിക്കാട്ടുന്നു. എണ്ണിയാലൊടുങ്ങാത്ത ഗാനങ്ങളിലൂടെയും സിനിമകളിലൂടെയും അദ്ദേഹത്തി​​​െൻറ തനത്​ സംഭാവനകൾ മലയാളത്തിൽ അടയാളപ്പെടുത്തപ്പെട്ടുവെങ്കിലും മതിയായ അംഗീകാരങ്ങൾ അദ്ദേഹത്തെ തേടിയെത്തിയില്ല എന്ന വിമർശനത്തിനുള്ള മറുപടി കൂടിയാണ്​ ഡാനിയേൽ പുരസ്​കാര പ്രഖ്യാപനം.

ബഹ്​റൈനിലെ വിവിധ പ്രവാസികൾ അവാർഡ്​ പ്രഖ്യാപനത്തെ ആവേശത്തോടെയാണ്​ എതിരേറ്റത്​. ജനഹൃദയങ്ങളിൽ എന്നും സ്ഥാനം പിടിച്ച സിനിമാശിൽപ്പിയാണ്​ ശ്രീകുമാരൻതമ്പിയെന്നും വൈകി വന്ന പുരസ്​കാരമാണിതെന്നും സാംസ്​ക്കാരിക പ്രവർത്തകനായ ഗിരീഷ്​ കല്ലേരി ‘ഗൾഫ്​ മാധ്യമ’ത്തോട്​ പറഞ്ഞു. അരനൂറ്റാണ്ടിലേറെയായി മലയാളസിനിമയുടെ സമസ്​ത മേഖലയിലും സ്വന്തം സർഗാത്​മകത ചാലിച്ചെഴുതിയ അദ്ദേഹത്തി​​​െൻറ അംഗീകാരം എല്ലാ മലയാളികൾക്കും അഭിമാനകരമാണെന്ന്​ കലാസ്വാദകയായ ജീന എബി പറഞ്ഞു. ബഹ്​റൈനിൽ നിരവധി തവണ സന്ദർശിക്കുകയ​ും കേരളീയ സമാജത്തിൽ വിശിഷ്​ടാതിഥിയായി എത്തുകയും ചെയ്​ത ശ്രീകുമാരൻതമ്പിക്ക്​ ലഭിച്ച അവാർഡ്​ സന്തോഷം നൽകുന്നെന്ന്​ കേരളീയ സമാജം പ്രസിഡൻറ്​ പി.വി രാധാകൃഷ്​ണപിള്ള പറഞ്ഞു.