​ൈജസൽ പറയുന്നു ‘സ്​നേഹത്തിന്​ ഹൃദയം നിറയെ നന്ദി. പക്ഷെ...’

മനാമ: മത്​സ്യതൊഴിലാളി പ്രതിനിധികൾ എന്ന നിലയിൽ തന്നെയും സഹപ്രവർത്തകരെയും മലയാളി സമൂഹം ആദരിക്കുന്നതിൽ അഭിമാനവും ആഹ്ലാദവും നന്ദിയുമുണ്ടെന്ന്​ സ്വന്തം ചുമൽ രക്ഷാപ്രവർത്തനത്തിടെ ചവിട്ടുപടിയാക്കിയ ജൈസൽ. ബഹ്​റൈനിൽ സീറോ മലബാർ സൊസൈറ്റി നൽകിയ സ്വീകരണത്തിൽ പ​െങ്കടുക്കാൻ എത്തിയ അദ്ദേഹം ‘ഗൾഫ്​ മാധ്യമ’ത്തോട്​ സംസാരിക്കുകയായിരുന്നു. മത്​സ്യതൊഴിലാളികൾക്ക്​ രക്ഷാപ്രവർത്തനത്തി​​​െൻറ പേരിൽ നൽകുന്ന സ്വീകരണങ്ങൾക്ക്​ നന്ദിയുണ്ട്​. എന്നാൽ അവഗണന അനുഭവിക്കുന്ന കടലി​​​െൻറ മക്കളുടെ വേദനയും ഇല്ലായ്​മകളും അറിയാനും അത്​ പരിഹരിക്കാനും പൊതുസമൂഹം തയ്യാറാകണമെന്നും ജൈസൽ അഭ്യർത്ഥിച്ചു. അന്നന്ന്​ കിട്ടുന്ന വരുമാനം കൊണ്ട്​ ജീവിക്കുന്നവരാണ്​ കേരളത്തിലെ ലക്ഷോപലക്ഷം മത്​സ്യതൊഴിലാളികൾ.

കാറ്റിനോടും കോളിനോട​ും തിരമാലകളോടും മല്ലിട്ടാണ്​ ഞങ്ങളുടെ ജീവിതം. എന്നാൽ മരണത്തോട്​ പൊരുതി കരയിലുള്ളവർക്ക്​ മീനുമായി വരുന്ന മത്​സ്യതൊഴിലാളികളുടെ ​ജീവിതാവസ്ഥ പ​ുറംലോകം ഒരിക്കലും ഗൗരവത്തിൽ കാണുന്നില്ല. ഒാഖി ദുരന്തത്തിൽപ്പെട്ട്​ തിരുവനന്തപുരത്തെ നിരവധി മത്​സ്യത്തൊഴിലാളികൾ മരിച്ച വിഷയത്തിൽ ​െപാതുസമൂഹം അവഗണന കാട്ടിയിട്ടുണ്ടെന്നും ജൈസൽ തുറന്നടിച്ചു. വീടില്ലാത്തവരും ഭൂമിയില്ലാത്തവരുമാണ്​ മത്​സ്യത്തൊഴിലാളികളിൽ കൂടുതൽപേരും. ഒരുദിവസം കടലിൽപ്പോയി ഒഴിഞ്ഞ വലയുമായാണ്​ തിരികെ വരുന്നതെങ്കിൽ അന്ന്​ പട്ടിണിയായിരിക്കും. മഴക്കാലം വന്നാൽ ഞങ്ങളുടെ അടുപ്പുകൾ പുകയണമെങ്കിൽ കടം വാങ്ങണം. മത്​സ്യത്തൊഴിലാളികൾക്ക്​ ഒര​ു പ്രശ്​നം വരികയാണെങ്കിൽ അത്​ വീട്ടുകാരുടെയും മത്​സ്യതൊഴിലാളി സമൂഹത്തി​​​െൻറയും മാത്രം പരിധികളിൽ ഒതുങ്ങുന്നു.

ദയവായി ഞങ്ങളുടെ സങ്കടങ്ങളും ജീവിത പ്രശ്​നങ്ങളും കേൾക്കുവാൻ സമൂഹമനസാക്ഷിയും ഭരണകൂടവും മുന്നോട്ടുവരണമെന്നും ജൈസൽ പറഞ്ഞു ചെറിയബോട്ടുകളിൽ മത്​സ്യം പിടിക്കാൻ പോകുന്നവർക്ക്​ മണ്ണെണ്ണയുടെ അധിക വില താങ്ങാൻ കഴിയാത്ത അവസ്ഥയാണ്​. തങ്ങൾ ജോലി ചെയ്യുന്ന താനൂർ^പരപ്പനങ്ങാടി മേഖലയിലെ കടലിൽ ഇപ്പോൾ ചെറുകിട ബോട്ടുകൾക്കും തോണികൾക്കും വൻകിട ബോട്ടുകൾ ഭീഷണി സൃഷ്​ടിക്കുന്നുണ്ട്​. വലിയ രണ്ട്​ ബോട്ടുകൾ ചേർന്ന്​ ഒറ്റവലിയ വലയിൽ കടലി​​​െൻറ അടിത്തട്ടിലേക്കിറക്കി ഇറക്കി മീൻപിടിക്കു​േമ്പാൾ അതിനകത്ത്​ ചെറിയ മീനുകളും മീൻപാരുകളും ഉൾപ്പെടുന്നു. മത്​സ്യ ആവാസ വ്യവസ്ഥയും ഇക്കൂട്ടരുടെ പ്രവൃത്തിയാൽ നശിക്കപ്പെടുന്നു. കഴിഞ്ഞ നിരവധി വർഷങ്ങളായി താനും ത​​​െൻറ സുഹൃത്തുക്കളായ മത്​സ്യ തൊഴിലാളികളും താനൂർ പോലീസ്​ സ്​​റ്റേഷ​​​െൻറ നേതൃത്വത്തിലുള്ള മലപ്പുറം ജില്ല ട്രോമകെയർ താനൂർ യൂനിറ്റി​​​െൻറ നേതൃത്വത്തിൽ രക്ഷാപ്രവർത്തനം നടത്തുന്നുണ്ട്​. പുഴകളിൽ ആളുകൾ അപകടത്തിൽപ്പെടു​േമ്പാൾ ഞങ്ങളെ വിളിക്കും. സ്വന്തം വാഹനങ്ങളിൽ സ്വന്തം പണം കൊണ്ട്​ ഇന്​ധനം നിറച്ച്​ ഞങ്ങൾ ആ ​മേഖലകളിലേക്ക്​ കുതിക്കും. ചിലപ്പോൾ ദിവസങ്ങൾ പഴക്കമുള്ള ശവശരീരങ്ങൾ മുങ്ങിയെടുക്കാനായിരിക്കും ഞങ്ങളെ വിളിക്കുന്നത്​. മത്​സ്യ തൊഴിലാളികൾക്ക്​ രക്ഷാപ്രവർത്തനം നടത്താൻ വിവിധ മേഖലകളിലേക്ക്​ പോകാൻ ഒരു ആംബുലൻസ്​ വേണമെന്ന ഞങ്ങളുടെ ആവശ്യം ഇനിയും ആരും കേട്ടമട്ടില്ല. രക്ഷാപ്രവർത്തനം നടത്താനും ജീവൻ രക്ഷിക്കാനും സന്തോഷമേയുള്ളൂ എന്നും ജൈസൽ പറഞ്ഞു. തനി​ക്കൊപ്പം രക്ഷാപ്രവർത്തനം നടത്തിയ സവാദും ബഹ്​റൈനിലേക്ക്​ സന്ദർശനത്തിന്​ വന്നിട്ടുണ്ട്​.

ആദ്യമായാണ്​ താൻ വിദേശരാജ്യത്തേക്ക്​ വരുന്നത്​. ഇതിനായി അടുത്തിടെയാണ്​ പാസ്​പോർട്ടിന്​ അ​പേക്ഷ നൽകിയത്​. ഇന്ന്​ ബാംഗളൂരുവിൽ ഒരു സമൂഹ വിവാഹ പരിപാടിയിൽ തങ്ങളെ ക്ഷണിച്ചിട്ടുണ്ട്​. ഒക്​ടോബർ അഞ്ചിന്​ യു.എ.ഇയിൽ സ്വീകരണം ഉണ്ട്​. തിര​ുവനന്തപുരം^കാസർകോട്​ വരെയുള്ള വിവിധ സംഘടനകളുടെ സ്വീകരണ ചടങ്ങുകളിലേക്ക്​ തങ്ങളെ ക്ഷണിച്ചുകൊണ്ടിരിക്കുകയാണ്​. എല്ലാവർക്കും നന്ദിയുണ്ട്​. ഇനിയും ഏത്​ അത്യാവശ്യ സന്ദർഭങ്ങളിലും രക്ഷാപ്രവർത്തനത്തിന്​ മത്​സ്യ തൊഴിലാളി സമൂഹം മുന്നിലുണ്ടാകുമെന്നും ​ജൈസൽ പറഞ്ഞു. മലപ്പുറം മുതലമട എന്ന സ്ഥലത്താണ്​ താൻ ചുമൽ ചവിട്ടുപടിയാക്കിയ സംഭവം ഉണ്ടായത്​. വളരെ ശക്തമായ അടിയൊഴുക്കും വെള്ളപ്പൊക്കവും ഉള്ള സ്ഥലമായിരുന്നു. അവിടെ രക്ഷപ്പെടുത്തേണ്ട സ്​ത്രീകളിൽ ഒരാൾ സുഖമില്ലാത്ത ആളാണെന്ന്​ ആരോ പറഞ്ഞിരുന്നു. അവർക്ക്​ ഡോക്​ടർ ബെഡ്​റെസ്​റ്റ്​ നിർദേശിച്ചിരിക്കുകയാണെന്നും അറിഞ്ഞു. അതിനാൽ ആ സ്​ത്രീക്കുവേണ്ടി താൻ ചവിട്ടുപടിയാകുകയായിരുന്നു. മറ്റുള്ളവരും അപ്പോൾ ചുമലിൽ ചവിട്ടി ബോട്ടിലേക്ക്​ കയറി. അതി​​​െൻറ വീഡിയോ എടുത്തത്​ അവിടെയുള്ള നയിംബാപ്പു എന്നയാളായിരുന്നു. എന്നാൽ അതിനെ കുറിച്ചൊന്നും താൻ അന്നേരം അറിഞ്ഞിരുന്നി​െല്ലന്നും ജൈസൽ പറഞ്ഞു.