ചക്കയ്​ക്ക്​ നല്ലകാലം വരു​േമ്പാൾ പ്രവാസികൾക്കും ഏറെ സന്തോഷം 

മനാമ: കേരളത്തിൽ ചക്കയ്​ക്ക്​ സംസ്ഥാന ഫലം എന്ന പദവി ലഭിച്ചപ്പോൾ അതിൽ സന്തോഷിക്കുന്ന നിരവധി​പേരുണ്ട്​ ​പ്രവാസലോകത്തും. ചക്കക്ക്​ പദവി മാത്രംപോര സർക്കാർ ചക്കകൾ കർഷകരിൽ നിന്നും ശേഖരിച്ച്​ വില നൽകുകയും ഒപ്പം സംസ്​കരിച്ച്​ വിവിധ ഭക്ഷ്യഉത്​പ്പന്നങ്ങളുമായി മാറ്റുകയും ചെയ്യണമെന്നാണ്​ പ്രവാസികളിൽ പലരുടെയും അഭിപ്രായം. വളംകൊടുക്കാതെയും കീടനാശിനികൾ ഉപയോഗിക്കാതെയും അതിമധുരവും ഒപ്പം ആരോഗ്യം പ്രദാനം ചെയ്യുകയും ചെയ്യുന്ന ചക്കകൾ ഇപ്പോൾ ആർക്കും വേണ്ടാത്ത അവസ്ഥ മാറണം. പറമ്പുകളിൽ ചക്കകൾ ഇന്ന്​ ആർക്കും വേണ്ടാത്ത അവസ്ഥയിലാണെന്നും ചക്കക്ക്​ പുതിയ പദവി കിട്ടിയതിനാൽ ആ ദുരവസ്ഥ മാറുകയും വേ​ണമെന്നും ബഹ്​റൈനിലുള്ള രാജേഷ്​ വടക്കുംകര പറഞ്ഞു.

പുതിയ കുട്ടികളിൽ ചക്ക കഴിച്ചിട്ടില്ലാത്തവർവരെ ഉണ്ടെന്നതാണ്​ സത്യമെന്നും അദ്ദേഹം ചൂണ്ടിക്കാട്ടി. ചക്കക്കാലത്ത്​ മാത്രം നാട്ടിൽ പോകുന്ന പ്രവാസിയാണ്​ താനെന്നും പുതിയ വാർത്ത തന്നെ​േ​പ്പാലുള്ള പ്രവാസികളെ സന്തോഷിപ്പിക്ക​ുന്നതാണെന്നും ഡിജു ഡി മാവേലിക്കര ‘ഗൾഫ്​ മാധ്യമ’ത്തോട്​ പറഞ്ഞു. അതേസമയം ലുലു ഹൈപ്പർമാർക്കറ്റിലെ ഭക്ഷ്യമേളയിൽ ചക്കകൾക്ക്​ വൻഡിമാൻറ്​ അനുഭവപ്പെടുന്നുണ്ട്​. ഇന്ത്യയിൽ നിന്ന്​ മാത്രമല്ല മലേഷ്യയിൽ നിന്നും ഇറക്കുമതി ചെയ്​ത ചക്കകളാണുള്ളതെന്ന്​ ലുലു ഹൈപ്പർമാർക്കറ്റിലെ പഴം, പച്ചക്കറി വിപണന വിഭാഗം അധികൃതർ പറഞ്ഞു.

ചക്കകളുടെ മാത്രം മേള ലുലുവിൽ ഏപ്രിൽ നാല്​ മുതൽ ഏഴ്​ വരെ നടക്കാൻ പദ്ധതിയുണ്ട്​. ചക്കകൾക്ക്​ നല്ലകാലം വരു​േമ്പാൾ, അതി​​െൻറ ഗുണം കർഷകർക്ക്​ ലഭിക്കുന്ന രീതിയിൽ ആസൂത്രണം ചെയ്യപ്പെടണമെന്ന്​ പ്രവാസിയായ അനിൽ ആവശ്യപ്പെട്ടു. വെറും പദവി പ്രഖ്യാപനം മാത്രംപോര, കൃഷി വകുപ്പും ഭക്ഷ്യ വകുപ്പും വ്യാവസായികമായി ഇൗ ഫലത്തെ ഉപ​േയാഗിക്കാനും വിപണിയിൽ ലാഭം കൊയ്യാനുമുള്ള മാർഗവുമാക്കി മാറ്റണമെന്നും അദ്ദേഹം പറഞ്ഞു. മറ്റു​ള്ള രാജ്യങ്ങളിൽ ചക്കപ്പഴം നല്ലരീതിയിൽ ലാഭം ഉണ്ടാക്കുന്ന കൃഷിയാണ്​. ഇന്ത്യാനേഷ്യ, ശ്രീലങ്ക,തായ്​ലൻറ്​,ഫിലിപ്പീൻസ്​ തുടങ്ങിയവയിൽ നിന്നെല്ലാം ചക്കകൾ വിദേശ രാജ്യത്തുൾപ്പെടെ കയറ്റി അയക്കുന്നുണ്ട്​. അവിടെ കൃഷി ലാഭകരവുമാണെന്നും പ്രവാസിയായ ചന്ദ്രൻ പറഞ്ഞു. ഇറക്കുമതി ചെയ്യ​ുന്ന ചക്കക്കുരുവും ബഹ്​റൈനിലെ ഹൈപ്പർമാർക്കറ്റുകളിൽ നല്ലവണ്ണം വിറ്റുപോകുന്നുണ്ട്​.