ഐ. വൈ. സി. സി. ഗാന്ധി ജയന്തി ദിനാചരണം സംഘടിപ്പിച്ചു

മനാമ: ഐ. വൈ. സി. സി. ബഹ്‌റൈൻ ദേശിയ കമ്മിറ്റിയുടെ ആഭിമുഖ്യത്തിൽ ‘ഗാന്ധി ജയന്തി ദിനാചരണം’ സംഘടിപ്പിച്ചു. സൽമാനിയിലെ സഗയ്യ റെസ്​റ്റോറൻറിൽ നടത്തിയ യോഗത്തില്‍ പ്രസിഡൻറ്​ ബ്ലസന്‍ മാത്യു അധ്യക്ഷത വഹിച്ചു. എന്‍.കെ മാത്യു ഗാന്ധി അനുസ്മരണ പ്രഭാഷണം നടത്തി. ഗാന്ധിജിയുടെ മൂല്യങ്ങളിൽ നിന്ന് വ്യതിചലിച്ചതു കൊണ്ടാണ് നമ്മുടെ രാജ്യത്ത് ഇന്ന് കാണുന്ന പ്രതിസന്ധി സംജാതമായതെന്നും ആരൊക്കെ എങ്ങിനെയൊക്കെ ശ്രമിച്ചാലും മഹാത്മജിയുടെ ധീരസ്മരണകൾ ഓരോ ഭാരതീ​​​െൻറയും മനസിൽ നിന്നും മായ്ച്ചു കളയാൻ സാധിക്കില്ലെന്നും അദ്ദേഹം വ്യക്തമാക്കി.
പരിപാടിയുടെ ഭാഗമായി സർവ്വമത പ്രാർത്ഥനയും നടന്നു. ഐ.വൈ.സി.സി. ഉപാധ്യക്ഷന്മാരായ ഷാബു ചാലക്കുടി, വിനോദ് ആറ്റിങ്ങല്‍, ചാരിറ്റി വിംഗ് കണ്‍വീനര്‍ ഷഫീഖ് കൊല്ലം, മുന്‍ പ്രസിഡൻറ്​ ഈപ്പന്‍ ജോര്‍ജ് എന്നിവര്‍ സംസാരിച്ചു. അലന്‍ ഐസക് സ്വാഗതവും ട്രഷറര്‍ ഷബീര്‍ മുക്കന്‍ നന്ദിയും അറിയിച്ചു.