ഐ.വൈ.സി.സി മുഹറഖ് ഏരിയ സ്വാതന്ത്ര്യ ദിന സ്മൃതി സംഗമം നടത്തി
text_fieldsമനാമ: ഐ.വൈ.സി.സി മുഹറഖ് ഏരിയ കമ്മിറ്റിയുടെ നേതൃത്വത്തിൽ സ്വാതന്ത്ര്യ ദിന സ്മൃതി സംഗമം സംഘടിപ്പിച്ചു. നാനാത്വത്തിൽ ഏകത്വവും വൈവിധ്യവും നിറഞ്ഞ ഇന്ത്യയുടെ സംസ്കാരം നിലനിർത്തി മുന്നോട്ട് പോകണമെന്ന് വിവിധ പ്രാസംഗികർ അഭിപ്രായപെട്ടു. കെ.എം.സി.സി വൈസ് പ്രസിഡന്റ് ശംസുദ്ദീൻ വെള്ളിക്കുളങ്ങര ഉദ്ഘാടനം ചെയ്തു.
മുഹറഖ് കെ.എം.സി.സി ഹാളിൽ നടന്ന പരിപാടിയിൽ ഏരിയ പ്രസിഡന്റ് ഗംഗൻ മലയിൽ അധ്യക്ഷത വഹിച്ചു. വനിതാ വിങ് അംഗം മുബീന മൻഷീർ ദേശാഭക്തി ഗാനം ആലപിച്ചു. യൂത്ത് കോൺഗ്രസ്സ് ദേശീയ കമ്മറ്റി പ്രവാസികൾക്കായി രൂപീകരിച്ച ഐ.വൈ.സി ഇന്റർനാഷനലിെന്റ ബഹ്റൈൻ പ്രതിനിധിയായി തെരെഞ്ഞെടുക്കപ്പെട്ട മുൻ ഐ.വൈ.സി.സി പ്രസിഡന്റ് അനസ് റഹീമിനെ സെക്രട്ടറി ബെൻസി ഗനിയൂട് ഷാൾ അണിയിച്ചു. പുതിയതായി അംഗങ്ങളായ വനിതാ പ്രവർത്തകർ അടക്കമുള്ളവർക്ക് ചടങ്ങിൽ സ്വീകരണം നൽകി. ബെൻസി ഗനിയൂട്, അനസ് റഹിം, കെ.എം.സി.സി ഏരിയ പ്രസിഡന്റ് അഷ്റഫ്, കരീം മാസ്റ്റർ എന്നിവർ സംസാരിച്ചു. പ്രമോദ് വില്ല്യാപ്പള്ളി സ്വാഗതവും പി.സി രജീഷ് നന്ദിയും പറഞ്ഞു. ഷിഹാബ് കറുകപുത്തൂർ, എം.കെ ബാബു, ഷാജഹാൻ, അൻഷാദ്, മുജീബ്, ബാഹിറ അനസ്, ഷൈനി മുജീബ്, ചന്ദ്രൻ, നിയാസ് എന്നിവർ നേതൃത്വം നൽകി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.