ചൂ​ടു​കൂ​ടു​ന്നു; കൊ​തു​കു​ക​ളെ സൂ​ക്ഷി​ക്കു​ക

മ​നാ​മ: ത​ണു​പ്പ് മാ​റി ചൂ​ടി​ലേ​ക്ക് പ​തി​യെ​പ്പ​തി​യെ കാ​ലാ​വ​സ്ഥ മാ​റി​ക്കൊ​ണ്ടി​രി​ക്കു​ന്ന​തി​നാ​ൽ കൊ​തു​കു​ക​ളെ സൂ​ക്ഷി​ക്ക​ണ​മെ​ന്ന് ജ​ന​പ്ര​തി​നി​ധി​ക​ൾ. തീ​ര​പ്ര​ദേ​ശ​ങ്ങ​ളി​ലും കൃ​ഷി​സ്ഥ​ല​ങ്ങ​ളു​ള്ള പ്ര​ദേ​ശ​ങ്ങ​ളി​ലും കൊ​തു​കു​ശ​ല്യം വ​ർ​ധി​ച്ച​താ​യി പ​രാ​തി ല​ഭി​ച്ചി​ട്ടു​ണ്ടെ​ന്ന് കാ​പി​റ്റ​ൽ ട്ര​സ്റ്റീ​സ് ബോ​ർ​ഡ് ചെ​യ​ർ​മാ​ൻ സ​ലേ ത​രാ​ദാ പ​റ​ഞ്ഞു.

ജൂ​ലൈ, ആ​ഗ​സ്റ്റ് മാ​സ​ങ്ങ​ളി​ൽ ചൂ​ടു​കൂ​ടു​ന്ന​തി​ന​നു​സ​രി​ച്ച് കൊ​തു​കു​ശ​ല്യം വ​ർ​ധി​ക്കു​ന്ന​താ​ണ് ക​ണ്ടു​വ​രു​ന്ന​ത്. കൊ​തു​കു​ശ​ല്യം വ​ർ​ഷ​ങ്ങ​ളാ​യി അ​ല​ട്ടു​ന്ന പ്ര​ശ്ന​മാ​യ​തി​നാ​ൽ ആ​ധു​നി​ക സാ​​​ങ്കേ​തി​ക​വി​ദ്യ​ക​ള​ട​ക്കം അ​വ​യെ നി​ർ​മാ​ർ​ജ​നം ചെ​യ്യാ​ൻ ഉ​പ​യോ​ഗി​ക്ക​ണ​മെ​ന്നാ​ണ് ജ​ന​പ്ര​തി​നി​ധി​ക​ളു​ടെ നി​ർ​ദേ​ശം. ഇ​ത് മ​ന്ത്രാ​ല​യ​ത്തെ ധ​രി​പ്പി​ച്ചി​ട്ടു​ണ്ടെ​ന്നും സ​ത്വ​ര​മാ​യ ന​ട​പ​ടി പ്ര​തീ​ക്ഷി​ക്കു​ക​യാ​ണെ​ന്നും കാ​പി​റ്റ​ൽ ട്ര​സ്റ്റീ​സ് ബോ​ർ​ഡ് ചെ​യ​ർ​മാ​ൻ പ​റ​ഞ്ഞു.

കൊ​തു​കു​ക​ൾ പെ​റ്റു​പെ​രു​കു​ന്ന സ്ഥ​ല​ങ്ങ​ൾ ക​ണ്ടെ​ത്തി അ​വ​യെ നി​ർ​മാ​ർ​ജ​നം ചെ​യ്യു​ക​യാ​ണ് ചെ​യ്തു​കൊ​ണ്ടി​രി​ക്കു​ന്ന​ത്. മു​ൻ​മാ​സ​ങ്ങ​ളി​ലു​ണ്ടാ​യ മ​ഴ​യെ​ത്തു​ട​ർ​ന്ന് വെ​ള്ളം കെ​ട്ടി​നി​ന്ന പ്ര​ദേ​ശ​ങ്ങ​ളി​ൽ കൊ​തു​ക് മു​ട്ട​യി​ട്ട് പെ​രു​കു​ന്ന​ത് ഒ​​​ഴി​വാ​ക്കാ​ൻ കീ​ട​നാ​ശി​നി​ക​ൾ ത​ളി​ച്ചി​രു​ന്നു. കോ​വി​ഡ് 19 വ്യാ​പ​ക​മാ​യ സ​മ​യ​ത്താ​യി​രു​ന്നു ഇ​ത്. മ​ഴ​വെ​ള്ളം കെ​ട്ടി​ക്കി​ട​ന്ന മേ​ഖ​ല​ക​ളി​ൽ നാ​ലു സൂ​പ്പ​ർ​വൈ​സ​ർ​മാ​രു​ടെ നേ​തൃ​ത്വ​ത്തി​ൽ 25 പെ​സ്റ്റ് ക​ൺ​ട്രോ​ൾ സ്‍പെ​ഷ​ലി​സ്റ്റു​ക​ളെ നി​യോ​ഗി​ച്ചി​രു​ന്നു.

ഏ​റ​ക്കു​റെ ഫ​ല​പ്ര​ദ​മാ​യി​രു​ന്നു ഇ​ത്. എ​ല്ലാ​മാ​സ​വും കീ​ട​നാ​ശി​നി പ്ര​യോ​ഗി​ക്കാ​റു​ണ്ടെ​ങ്കി​ലും കൂ​ടു​ത​ൽ മെ​ച്ച​പ്പെ​ട്ട സം​വി​ധാ​ന​ങ്ങ​ളെ​പ്പ​റ്റി ആ​ലോ​ചി​ക്കേ​ണ്ട​തു​ണ്ടെ​ന്ന് സ​തേ​ൺ മു​നി​സി​പ്പ​ൽ കൗ​ൺ​സി​ൽ ചെ​യ​ർ​മാ​ൻ അ​ബ്ദു​ല്ല അ​ബ്ദു​ല്ല​ത്തീ​ഫ് പ​റ​ഞ്ഞു. കൊ​തു​കു​ശ​ല്യം മൂ​ലം ജ​ന​ങ്ങ​ൾ വീ​ടു​ക​ളു​ടെ വാ​തി​ലു​ക​ളും ജ​ന​ലു​ക​ളു​മ​ട​ച്ച് അ​ക​ത്തി​രി​ക്കു​ക​യാ​ണ്. കൊ​തു​ക് ക​ടി​ച്ചാ​ൽ മ​ലേ​റി​യ പോ​ലെ​യു​ള്ള രോ​ഗ​ങ്ങ​ൾ വ​രു​മെ​ന്ന​തി​നാ​ൽ ജ​നം ഭ​യ​ത്തി​ലാ​ണ്. റ​മ​ദാ​ൻ മാ​സ​മ​ടു​ക്കു​ന്ന​തി​നാ​ൽ ജ​ന​ങ്ങ​ൾ​ക്ക് അ​ട​ച്ച് അ​ക​ത്തി​രി​ക്കാ​നാ​വി​ല്ല.

കൊ​തു​കു​ശ​ല്യം രൂ​ക്ഷ​മാ​കു​ന്ന ആ​ഗ​സ്റ്റ് വ​രെ കാ​ത്തി​രി​ക്കു​ന്ന​ത് ഗു​ണ​ക​ര​മാ​കി​ല്ലെ​ന്നും അ​തി​നു​മു​മ്പേ ശ​ക്ത​മാ​യ പ്ര​തി​രോ​ധ സം​വി​ധാ​ന​ങ്ങ​ൾ സ്വീ​ക​രി​ക്കേ​ണ്ട​തു​ണ്ടെ​ന്നും മു​ഹ​റ​ഖ് മു​നി​സി​പ്പ​ൽ കൗ​ൺ​സി​ൽ ചെ​യ​ർ​മാ​ൻ അ​ബ്ദു​ൽ അ​സീ​സ് അ​ൽ​നാ​സ​ർ പ​റ​ഞ്ഞു. ഗ​ലാ​ലി, അ​റാ​ദ്, മാ​ൽ​ക്കി​യ തു​ട​ങ്ങി​യ പ്ര​ദേ​ശ​ങ്ങ​ളി​ൽ കൊ​തു​കു​ക​ളും മ​റ്റു പ്രാ​ണി​ക​ളും വ്യാ​പ​ക​മാ​യ​താ​യി റി​പ്പോ​ർ​ട്ടു​ണ്ട്.

കൃ​ഷി​സ്ഥ​ല​ങ്ങ​ളി​ലെ കൊ​തു​കു​ശ​ല്യം പ​രി​ഹ​രി​ക്കേ​ണ്ട​തു​ണ്ട്. എ​ന്നാ​ൽ, കീ​ട​നാ​ശി​നി​ക​ൾ കാ​ർ​ഷി​ക​ഉ​ൽ​പ​ന്ന​ങ്ങ​ളെ ബാ​ധി​ക്കു​ന്നി​ല്ലെ​ന്നും ഉ​റ​പ്പു​വ​രു​ത്തേ​ണ്ട​തു​ണ്ട്.