മൂന്നാം ഇൻഡോ-ബഹ്​റൈൻ കുടുംബ സംഗമം ശ്രദ്ധേയമായി

മനാമ: മലങ്കര ഓർത്തഡോക്​സ്​ സഭയുടെ മധ്യപൂർവ ദേശത്തിലെ മാത്യദേവാലയമായ ബഹ്​​ൈറൻ  സ​​െൻറ്​ മേരീസ് ഇന്ത്യന്‍ ഓർത്തഡോക്​സ്​ കത്തീഡ്രലി​​​െൻറ നേത്രൃത്വത്തിൽ  ഡയമൻറ്​ ജൂബിലി ആഘോഷ വേളയിൽ നടത്തിയ മൂന്നാമത് ഇൻഡോ -ബഹറിൻ കുടുംബ സംഗമം ബോംബേ ഭദ്രാസനാധിപന് അഭിവന്ദ്യ ഗീവർഗീ​സ് മാർ കൂറിലോസ് മെത്രാപ്പോലീത്തയുടെ മുഖ്യകാർമികത്വത്തില്‍ വിശുദ്ധ മൂന്നിന്മേൽ കുർബാനയോടുകൂടി പരുമലയിൽ നടന്നു. ഇടവകയിൽ നിന്ന് പ്രവാസ ജീവിതം അവസാനിപ്പിച്ച് നാട്ടിൽ വന്നവരെയും അവധിക്ക് എത്തിയിരിക്കുന്നവരെയും ഒരുമിച്ച് ചേർത്ത്​ അഞ്ച് വർഷം കൂടുമ്പോൾ നടത്തുന്ന മൂന്നാമത്തെ കുടുംബ സംഗമമാണിത്​.   സ്വീകരണ ഘോഷയാത്രയ്ക്ക് ശേഷം കത്തീഡ്രല്‍ വികാരി റവ. ഫാദര്‍ ജോഷ്വാ എബ്രഹാമി​​​െൻറ അധ്യക്ഷതയിൽ നടന്ന പൊതു സമ്മേളനം ഗീവർഗീസ് മാർ കൂറിലോസ് തിരുമേനി ഉദ്ഘാടനം ചെയ്​തു.

കത്തീഡ്രൽ സെക്രട്ടറി റോയി സ്​കറിയ സ്വാഗതവും ചെങ്ങന്നൂർ എം. എൽ. എ. സജി ചെറിയാൻ, വൈദിക ട്രസ്​റ്റി  റവ. ഫാദർ എം. ഒ. ജോൺ,  എഴുത്തുകാരൻ  ബെന്ന്യാമിൻ, സഭ സെക്രട്ടറി അഡ്വ. ബിജു ഉമ്മൻ, കത്തീഡ്രൽ  ട്രസ്​റ്റി  ലെനി പി. മാത്യു, മുൻ വികാരി റവ. ഫാദർ സജി മാത്യു, സഭാ മാനേജിംഗ് കമ്മിറ്റി അംഗം അലക്​സ്​ ബേബി, പരുമല സെമിനാരി മാനേജർ  റവ. ഫാദർ എം. സി. കുറിയാക്കോസ്, ഡയമൻറ്​ ജൂബിലി ജോയൻറ  ജനറൽ കൺവീനർ എ. ഒ. ജോണി, മുൻ ഇടവകാംഗം എം. ടി. മോനച്ചൻ എന്നിവർ ആശംസകൾ അർപ്പിച്ചു. ബെന്ന്യാമിൻ, സജി ചെറിയാൻ എന്നിവരെ ചടങ്ങിൽ ആദരിക്കുകയും ഓർത്തഡോക്​സ്​  സഭയുടെ കേരളത്തിലെ മഴക്കെടുതി ദുരിതാശ്വാസ ഫണ്ടിലേക്ക്  ഉള്ള സംഭാവന സഭാ സെക്രട്ടറി അഡ്വ. ബിജു ഉമ്മന് കൈമാറുകയും ചെയ്​തു. ഇടവക ഗായക സംഘാംഗങ്ങളുടെ ഗാനമേളയും നടന്നു.   ബിനുരാജ് തരകൻ  നന്ദി അറിയിച്ചു.  പരിപാടിയുടെ വിജയത്തിനായി നാട്ടിലും ബഹ്​റൈനിലുമായി  പ്രവർത്തിച്ചവർക്ക്​  സഹ വികാരി  റവ. ഫാദർ ഷാജി ചാക്കോ കടപ്പാട്​ അറിയിച്ചു.