ഇന്ത്യൻ സ്കൂൾ പ്രിഫെക്ടോറിയൽ കൗൺസിൽ സ്ഥാനമേറ്റു
text_fieldsമനാമ: പുതിയ അധ്യയന വർഷത്തേക്കുള്ള ഇന്ത്യൻ സ്കൂൾ പ്രിഫെക്ടോറിയൽ കൗൺസിൽ ജഷൻമൽ ഓഡിറ്റോറിയത്തിൽ നടന്ന ചടങ്ങിൽ സ്ഥാനമേറ്റു. കോവിഡ് മാർഗനിർദേശങ്ങൾ അനുസരിച്ച് നടന്ന ചടങ്ങിൽ സ്കൂൾ ചെയർമാൻ പ്രിൻസ് എസ്. നടരാജൻ, സെക്രട്ടറി സജി ആൻറണി, എക്സിക്യുട്ടിവ് കമ്മിറ്റി അംഗങ്ങളായ ബിനു മണ്ണിൽ വറുഗീസ്, സജി ജോർജ്, പ്രിൻസിപ്പൽ വി.ആർ. പളനിസ്വാമി, റിഫ കാമ്പസ് പ്രിൻസിപ്പൽ പമേല സേവ്യർ, വൈസ് പ്രിൻസിപ്പൽമാർ, പ്രധാനാധ്യാപകർ എന്നിവർ പങ്കെടുത്തു.
പതിനൊന്നാം ക്ലാസും പന്ത്രണ്ടാം ക്ലാസും അടങ്ങുന്ന ലെവൽ -എയിലെ ഹെഡ് ബോയ് ആയി ആൽവിൻ സാം, ഹെഡ് ഗേൾ ആയി ആയുഷി ജോജി എന്നിവരെ െതരഞ്ഞെടുത്തു. പത്താം ക്ലാസും ഒമ്പതാം ക്ലാസും അടങ്ങുന്ന ബി ലെവലിൽ ഹരിറാം ചെംബ്ര ഹെഡ് ബോയ് ആയും ജോവാന ജെസ് ബിനു ഹെഡ് ഗേളായും െതരഞ്ഞെടുക്കപ്പെട്ടു.
നാലാം ക്ലാസ് മുതൽ പന്ത്രണ്ടാം ക്ലാസ് വരെയുള്ള വിദ്യാർഥികളിൽനിന്ന് സംഘടനാപരവും നേതൃത്വപരവുമായ കഴിവുകളുടെ അടിസ്ഥാനത്തിൽ െതരഞ്ഞെടുക്കപ്പെട്ടവരാണ് കൗൺസിലിലുള്ളത്.
അധ്യാപകർക്കും വിദ്യാർഥികൾക്കും സംവദിക്കാനുള്ള വേദിയാണ് പ്രിഫെക്ട് കൗൺസിൽ എന്നും എല്ലാ വിദ്യാർഥികളെയും ഒരുമിച്ച് കൊണ്ടുപോകുന്ന ഉത്തരവാദിത്തം ഒത്തൊരുമയോടെ കൗൺസിൽ അംഗങ്ങൾ ഏറ്റെടുക്കണമെന്ന് പ്രിൻസ് എസ്. നടരാജൻ പറഞ്ഞു. സ്കൂൾ പ്രവർത്തനങ്ങളും സേവന പദ്ധതികളും നടപ്പാക്കി വിദ്യാർഥികളുടെ നേതൃത്വശേഷി വർധിപ്പിക്കാനുള്ള അവസരം നൽകുക എന്നതാണ് വിദ്യാർഥി കൗൺസിലിെൻറ ലക്ഷ്യമെന്ന് സെക്രട്ടറി സജി ആൻറണി പറഞ്ഞു.
വിദ്യാർഥികൾക്ക് സ്കൂൾ പഠനകാലത്ത് നേതൃത്വപരമായ അവസരങ്ങൾ ഉണ്ടാവണമെന്നും ടീം അംഗങ്ങൾക്കിടയിൽ ബന്ധങ്ങൾ വളർത്തിയെടുക്കുന്ന കല സ്വായത്തമാക്കണമെന്നും പ്രിൻസിപ്പൽ വി.ആർ. പളനിസ്വാമി പറഞ്ഞു.
ഒരു പ്രിഫെക്റ്റ് ആകുന്നത് വിദ്യാർഥികൾക്ക് നേതൃപാടവം കൈവരിക്കാനുള്ള മികച്ച അവസരമാണെന്ന് റിഫ കാമ്പസ് പ്രിൻസിപ്പൽ പമേല സേവ്യർ പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.