അധികാരത്തിൽ വന്നാൽ ഫീസ്​ വർധിപ്പിക്കില്ലെന്ന്​ യു.പി.എ

മനാമ: തങ്ങൾ അധികാരത്തിൽ വന്നാൽ ഇന്ത്യൻ സ്​കൂളിൽ അടുത്ത മൂന്നുവര്‍ഷം ഫീസ്‌ വർധിപ്പിക്കില്ലെന്ന്​ യു.പി.എ മുന്നണി ഭാരവാഹികൾ പറഞ്ഞു. കഴിഞ്ഞ തെരഞ്ഞെടുപ്പിൽ ഫീസ്​ വർധിപ്പിക്കില്ല എന്ന്​ വാഗ്​ദാനം ചെയ്​ത്​ അധി​കാരത്തിലേറിയ പി.പി.എ അതിൽ നിന്ന്​ പിന്നാക്കം പോവുകയായിരുന്നു. ബഹ്​റൈൻ പൊതുസമൂഹത്തി​​െൻറ സഹകരണത്തോടെ സ്കൂളി​​െൻറ സാമ്പത്തിക നഷ്​ടം കുറച്ചുകൊണ്ടുവരാനുള്ള പദ്ധതികളാണ്​ യു.പി.എ നടപ്പാക്കുക. ചെയ്യാന്‍ കഴിയുന്ന കാര്യങ്ങള്‍മാത്രം അടങ്ങുന്നതാണ് യു.പി. എ പ്രകടനപത്രിക. 

കഴിഞ്ഞ രണ്ടുഭരണസമിതികളും  ഉണ്ടാക്കിയ ഭീമമായ സാമ്പത്തിക ബാധ്യത തീര്‍ക്കാന്‍ കൃത്യമായ ആസൂത്രണമുള്ളവർക്ക്​ സാധിക്കും. അക്കാര്യത്തില്‍ യു.പി.എക്ക് പരിചയസമ്പന്നരുടെ നിരതന്നെയുണ്ട്​. ആറു വര്‍ഷം സ്തുത്യര്‍ഹമായ ഭരണം കാഴ്ച​െവച്ച്​ സ്കൂളിനെ സമസ്ത മേഖലയിലും ഉന്നതിയിലെത്തിച്ച മുന്നണിയാണ്​ യു.പി.എയുടെ മുഖ്യ നേതൃത്വം. 

സ്​കൂളിനെ ആ സുവർണ കാലഘട്ടത്തിലേക്ക് തിരികെയെത്തിക്കും. അവിശുദ്ധ കൂട്ടുകെട്ടുകളും താൽപര്യങ്ങളുമായാണ്​ പി.പി.എ, യു.പി.പി മുന്നണികൾ നീങ്ങുന്നത്​. ഇക്കാര്യങ്ങൾ രക്ഷിതാക്കൾക്ക്​ മുന്നിൽ വിശദീകരിക്കും. സ്​കൂളിൽ സി.സി.ടി.വി കാമറ സ്​ഥാപിക്കാന്‍ കരാറിൽ ഏർപ്പെട്ടതിലും പ്രശ്​നങ്ങളുണ്ടെന്ന്​  അവർ ആരോപിച്ചു.