ഇന്ത്യൻ സ്കൂൾ സംസ്കൃത ദിനം ആഘോഷിച്ചു
text_fieldsമനാമ: ഇന്ത്യൻ സ്കൂൾ ഈ വര്ഷത്തെ സംസ്കൃതദിനം വിവിധ പരിപാടികളോടെ ആഘോഷിച്ചു. ഭരണഘടനയുടെ എട്ടാം ഷെഡ്യൂൾ ഭാഷകളിൽ ഉൾപ്പെടുത്തിയിരിക്കുന്ന സംസ്കൃതത്തിെൻറ പ്രാധാന്യം എടുത്തുപറഞ്ഞ വിദ്യാർഥികൾ ക്ലാസിക് ഭാഷയിലെ വിവിധ വിഷയങ്ങളെക്കുറിച്ച് സംസാരിച്ചു.
മിഡിൽ സെക്ഷനിലെയും സീനിയർ സെക്ഷനിലെയും വിദ്യാർഥികൾ വിവിധ പരിപാടികളിൽ പങ്കെടുത്തു. നാരായണീയം, ഭഗവദ്ഗീത എന്നിവ വിദ്യാർഥികൾ പാരായണം ചെയ്തു. സംസ്കൃത ഗാനങ്ങൾ, കഥകൾ, പോസ്റ്ററുകൾ എന്നിവ വിദ്യാർഥികൾ ഓൺലൈനിൽ അവതരിപ്പിച്ചു. സംസ്കൃത അധ്യാപിക മമത മോഹനൻ പരിപാടി ഏകോപിപ്പിച്ചു. മിഡിൽ സെക്ഷൻ ഹെഡ് ടീച്ചർ പാർവതി ദേവദാസൻ മുഖ്യ പ്രഭാഷണം നടത്തി.ക്ലാസിക് ഭാഷയായ സംസ്കൃതം ഇന്ത്യൻ നാഗരികതയുടെയും സംസ്കാരത്തിെൻറയും പ്രതിഫലനമാണെന്ന് ഇന്ത്യന് സ്കൂള് ചെയര്മാന് പ്രിന്സ് എസ്. നടരാജന് സന്ദേശത്തിൽ പറഞ്ഞു.
ലോകത്തിലെ പ്രാചീന ഭാഷകളിൽ ഒന്നായ സംസ്കൃതം ഇന്ത്യൻ സംസ്കാരത്തിന് മുതൽക്കൂട്ടാണെന്ന് ഇന്ത്യന് സ്കൂള് സെക്രട്ടറി സജി ആൻറണി പറഞ്ഞു. സംസ്കൃതദിനം സംഘടിപ്പിക്കുന്നതിൽ അധ്യാപകരുടെ പരിശ്രമങ്ങളെ പ്രിൻസിപ്പൽ വി.ആർ. പളനിസ്വാമി അഭിനന്ദിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.