ഇന്ത്യൻ പ്രവാസികൾ ദീപാവലി ആഹ്ലാദത്തിൽ
text_fieldsമനാമ: ഇന്ത്യൻ പ്രവാസലോകം ദീപാവലി ആഘോഷ നിറവിൽ. ഉത്തരേന്ത്യക്കാരായ പ്രവാസികൾ കഴിഞ്ഞ ദിവസങ്ങളായി ദീപാവലി ആഘോഷത്തിെൻറ ഭാഗമായുള്ള വിവിധ ആചാരാനുഷ്ഠാനങ്ങളിലായിരുന്നു. തൊഴിലിടങ്ങളിലും താമസ സ്ഥലങ്ങളിലുമുള്ള എല്ലാവർക്കും മധുരപലഹാരം നൽകിയും പുതുവസ്ത്രങ്ങൾ വാങ്ങിയും ഉത്തര^ദക്ഷിണേന്ത്യക്കാർ ദീപാവലിയെ വരവേറ്റത്. ഉത്തരേന്ത്യക്കാർ ദീപാവലി കാലത്ത് സ്വർണ്ണം വാങ്ങുന്ന പതിവുള്ളതിനാൽ സ്വർണ്ണക്കടകളിൽ മികച്ച കച്ചവടം നടന്നു. ദീപാവലി പ്രമാണിച്ച് ആകർഷണീയമായ ആനുകൂല്ല്യങ്ങളും വിലക്കിഴിവുകളും സ്വർണ്ണക്കടകൾ പ്രഖ്യാപിച്ചിരുന്നു.
ദീപാവലിക്ക് മധുരമാണ് മുഖ്യം എന്നതിനാൽ ഹലുവ ഷോപ്പുകളിൽ തിരക്ക് അനുഭവപ്പെട്ടിരുന്നു. ലുലു ഉൾപ്പെടെയുള്ള ഹൈപ്പർമാർക്കറ്റുകളും മധുരപലഹാരങ്ങളുടെ പ്രത്യേക വിപണന മേള സംഘടിപ്പിച്ചിട്ടുണ്ട്. വിവിധ ക്ഷേത്രങ്ങളിൽ ആഘോഷം പ്രമാണിച്ച് പ്രത്യേക പൂജകളും നടത്തും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.